татран прешов – Kurir.mk

СЕХА Лига: Еурофарм Пелистер го совлада Татран Прешов со 37:29 (20:27)

Тале Кристо — Tue, 04 Apr 2023 18:23:40 +0000

Ракометарите на Еурофарм Пелистер со предност од осум голови ќе патуваат и гостуваат во Словачка на реванш со Татран Прешов, откако вечерва во рамки на четвртфиналниот натпревар од СЕХА-Лигата го совладаа словачкиот тим со 37:29 (20:27). Битолчани вечерва демонстрираа ефикасен ракомет, постигнаа 37 голови, а во еден момент имаа и предност од девет голови, која на крајот беше потврдена со солидна предност и оптимизам за пласман во полуфиналето. На средбата што ја следеа околу 1.500 гледачи освен многу голови, беа регистрирани и одлични ракометни комбинации, а највпечатливи за публиката беа надмудрувањето над гостите што го направија Хененберг и Пешевски, како и голот со ротација на српскиот интернационалец Ивановиќ, кои публиката ги награди со аплауз. Најдобар стрелец на натпреварот беше репрезентативецот Костески кој постигна 10 голови, а веднаш зад него со 9 погодоци се истакна гостинскиот ракометар Касаткин.

Мотор го надигра Татран во првото СЕХА-четвртфинале

Бошко Тасиќ — Sun, 29 Aug 2021 06:52:27 +0000

По Веспрем, кој со две победи се пласира во полуфиналето на СЕХА лигата, скоро познати се уште два патника уште по првите натпревари. По Мешков Брест кој во Битола го совлада Еурофарм Пелистер украинскиот Мотор Запорожје треба само да ја верификува денешната победа и на вториот дуел со Татран Прешов. Мотор го совлада најдобриот словачки клуб со 22-27 (10-12), а со оглед на тоа што и вториот дуел ќе се одигра во Запорожје, не би требало да има проблеми за влез во полуфиналето. Пуховски и Козакевич со по четири гола и голманот Мароз со десет интервенции беа најзаслужни за победата на Украинците.

Металург поразен со 10 разлика од Татран во СЕХА лигата

Дарко Андоновски — Wed, 06 Mar 2019 17:45:59 +0000

Ракометарите на Металург беа поразени вечерва на гостувањето кај Татран Прешов со 30:20 (16:11) во меч од 17 коло на СЕХА-лигата. За словачкиот тим ова беше многу важен триумф, откако ја продолжува битката за пласман на „Фајнал фоур“ со Мешков Брест. Што се однесува до самиот натпревар, тој беше рамноправен во првите 25 минути, додека се играше гол за гол, но Татран во завршницата од првото полувреме „додаде гас“ и замина со +5 предност (16:11). Во второто полувреме разликата се зголемуваше и домаќините немаа проблем да го затворат натпреварот со победа. Хрстка со седум гола и Буторац со пет беа најпрецизни за домаќините. Кај Металург, Димитриоски и Токиќ реализираа по четири погодоци. Металург по овој пораз има 10 бода на табелата и сигурно ќе ја заврши сезоната во регионалното натпреварување на претпоследното место, што ќе биде и најлош пласман за тимот од Автокоманда во оваа лига. Последниот натпревар од СЕХА лигата, момчињата на Данило Брестова ќе го одиграат на 12 март, кога во Скопје доаѓа Војводина.

Металург поразен дома од Татран Прешов

Ристе Здравков — Sun, 30 Sep 2018 18:08:37 +0000

Екипата на Металург го забележа и третиот пораз во ракометната Лига на шампиони, откако во салата „Јане Сандански“ беше поразен со 24:29 (12:13) од Татран Прешов. Ракометарите на Данило Брестовац повторно немаа сили за цел натпревар, откако до 40-тата минута од второто полувреме имаа само гол негатива (19:20). Тогаш следеше серија од 5:0 за Словаците, поддржана од гостинскиот голман, а по неа Металург не можеше да се врати во игра. Јагањац со пет гола беше најефикасен за тимот од Автокоманда, додека Томовски на голот се истакна со девет одбрани. Следниот натпревар во ЛШ за „металурзите“ е следниот викенд, кога му гостуваат на Силкеборг.