те сакам – Kurir.mk

Кажете му ТЕ САКАМ на вашето куче: Ја чувствуваат љубовта, а еве со кои гестови покажуваат дека тие ве сакаат вас

Ивана Ефремовски — Tue, 31 Jan 2023 10:20:16 +0000

Емотивното задоволство што го доживуваме кога некој ќе каже „те сакам“ е тешко да се опише со зборови. Тие едноставни два збора предизвикуваат прекрасно чувство во нас, особено ако доаѓаат од личност кон која имаме чувства. Дали знаевте дека луѓето не се единствените суштества кои чувствуваат наплив на среќа кога некој ќе им изрази љубов? Новото истражување покажа дека кучињата разбираат и кога ќе им кажеме дека ги сакаме. Веќе некое време знаеме дека нивните очи не светат само затоа што сакаат да се гушкаат или затоа што се гладни, туку затоа што навистина ни покажуваат дека нè сакаат на неверојатен начин. Ако вашето куче ве гледа во очи, се потпира на вас, ги носи вашите чорапи и уринира кога ве гледа, тој ви покажува дека ве сака на свој посебен начин. За да се добие подобра слика за тоа како кучињата физички реагираат кога им изразуваме љубов, тимот на „Canine Cottages” стави апарати околу вратот на кучињата за отчукувањата на срцето и ги следеше една недела. Тие заклучиле дека секој пат кога сопственикот ќе му каже на кучето дека го сака, срцето на миленикот чука побрзо. На пример, нормалниот пулс на кучето е 67 отчукувања во минута, а откако доби позитивно внимание од љубов, пулсот се зголеми на 98 во минута, што претставува зголемување за неверојатни 46 проценти. Иако кажувањето те сакам на кучето е доволно за да го направи среќен, постојат и други начини на кои можеме да им покажеме на нашите миленици љубов. Еден од нив е триење на ушите. Ушите на кучето содржат нервни завршетоци кои испраќаат импулси низ телото и ослободуваат хормони одговорни за доброто расположение. Има и друг начин, а тоа е одвреме-навреме да го храните кучето рачно. Тоа е особено корисно ако тренирате кученце, но рачно хранење куче на која било возраст е еден од најголемите знаци на љубов. Сè додека му покажувате на вашето куче љубов и наклонетост, тоа ќе разбере. Меѓутоа, ако одвреме-навреме му ги триете ушите и гласно му кажете дека го сакате, ќе добиете огромна доза љубов која сигурно ќе ви го разубави денот.

Кое е вистинското значење на зборот „Те сакам“?

Катерина Бојаџиева — Thu, 11 Aug 2022 14:34:57 +0000

Сите го кажуваме тоа. Понекогаш го чувствуваме, a понекогаш не. Сепак, многумина не разбираат што навистина значи зборот „те сакам“. Дали сте сигурни дека сакате такво искуство, да сакате некого и да бидете сакани за возврат? Затоа што она што повеќето од нас го нарекуваат „љубов“ најчесто не е вистинска љубов. Можеби така изгледа, се чувствува или делува, но тоа е далеку од љубовта по која најмногу копнее нашето срце. Љубовта е вистинска, чиста и искрена. Од сите западни јазици, англискиот е убедливо најсиромашен кога станува збор за опишување на најбогатата, најдлабоката, повеќедимензионална сила што ги движи нашите човечки животи. На санскрит има 96 зборови кои се користат за опишување на различни видови љубов. Стариот персиски има 80, грчкиот три, а англискиот само еден. „Го сакам мојот пријател и би направил се за него“ „Ги сакам мојот живот, природата и Бог“ „Сакам чоколадо и палачинки“ „Го сакам звукот на дождот навечер“ Сите овие се различни изрази на љубов. Сепак, на повеќето од нас им недостасува фундаменталниот факт дека секогаш кога ќе кажете „те сакам“, почнувате со јас. Што ако „те сакам“ значи „сакам како се чувствувам кога сум со тебе“? Зарем тоа не би ја направило љубовта внатрешна работа? И ако љубовта е внатрешна работа, што ако е и избор? Избор како: „Те сакам затоа што избрав да те сакам“, или „затоа што сакам да те сакам“, или како што би рекол Пабло Неруда, „затоа што не знам за друг начин“. Што ако одлучите да се сакате себе денес? Што ако денес одлучите да се прифатите онакви какви што сте и каде сте и престанете да се гледате себеси како несовршени, скршени или погрешни? Што ако денес се соочите со огледалото и си речете: „Те сакам, се грижам за тебе и ќе дадам се од себе да продолжам да те сакам секогаш“ ? Што ако денес би можеле да изберете да се отворите за можноста дека најголемата љубов е онаа што ја чувствувате кога целосно ќе се поврзете со суштинскиот дел од вас што живее длабоко во вашето срце? И секогаш кога ќе ја споделите оваа љубов со другите, таа се враќа кај вас затоа што вашето срце е изворот на таа љубов.

Дали го знаеме вистинското значење на зборот „Те сакам“ ?

Ристе Здравков — Tue, 02 Aug 2022 08:14:04 +0000

Сите го кажуваме тоа. Понекогаш го чувствуваме, a понекогаш не. Сепак, многумина не разбираат што навистина значи зборот „те сакам“. Дали сте сигурни дека сакате такво искуство, да сакате некого и да бидете сакани за возврат? Затоа што она што повеќето од нас го нарекуваат „љубов“ најчесто не е вистинска љубов. Можеби така изгледа, се чувствува или делува, но тоа е далеку од љубовта по која најмногу копнее нашето срце. Љубовта е вистинска, чиста и искрена. Од сите западни јазици, англискиот е убедливо најсиромашен кога станува збор за опишување на најбогатата, најдлабоката, повеќедимензионална сила што ги движи нашите човечки животи. На санскрит има 96 зборови кои се користат за опишување на различни видови љубов. Стариот персиски има 80, грчкиот три, а англискиот само еден. „Го сакам мојот пријател и би направил се за него“ „Ги сакам мојот живот, природата и Бог“ „Сакам чоколадо и палачинки“ „Го сакам звукот на дождот навечер“ Сите овие се различни изрази на љубов. Сепак, на повеќето од нас им недостасува фундаменталниот факт дека секогаш кога ќе кажете „те сакам“, почнувате со јас. Што ако „те сакам“ значи „сакам како се чувствувам кога сум со тебе“? Зарем тоа не би ја направило љубовта внатрешна работа? И ако љубовта е внатрешна работа, што ако е и избор? Избор како: „Те сакам затоа што избрав да те сакам“, или „затоа што сакам да те сакам“, или како што би рекол Пабло Неруда, „затоа што не знам за друг начин“. Што ако одлучите да се сакате себе денес? Што ако денес одлучите да се прифатите онакви какви што сте и каде сте и престанете да се гледате себеси како несовршени, скршени или погрешни? Што ако денес се соочите со огледалото и си речете: „Те сакам, се грижам за тебе и ќе дадам се од себе да продолжам да те сакам секогаш“ ? Што ако денес би можеле да изберете да се отворите за можноста дека најголемата љубов е онаа што ја чувствувате кога целосно ќе се поврзете со суштинскиот дел од вас што живее длабоко во вашето срце? И секогаш кога ќе ја споделите оваа љубов со другите, таа се враќа кај вас затоа што вашето срце е изворот на таа љубов.

„Те сакам“ – 3 хороскопски знаци кои најтешко ја изговараат оваа моќна реченица

Дарко Андоновски — Mon, 08 Nov 2021 20:19:08 +0000

„Те сакам“, кратка и едноставна реченица, но воедно и моќна. Не можеме сите толку лесно да ја изговориме, но мора да признаеме дека сите сакаме да ја слушнеме. Во продолжение проверете на кои хороскопски знаци им е најтешко тоа да го изговорат. 1. Близнаци На овој знак му треба многу време да се препушти во нова врска, а особено отворено да зборува за своите чувства. Тие се многу љубопитни и често се препуштаат на размислувањата за тоа дали за нив постои некој подобар и поради тоа потешко влегуваат во сериозни врски. Близнаците „те сакам“ изговараат само тогаш кога ќе сфатат колку личноста која е покрај нив всушност им значи. 2. Девица Припадниците на овој знак во себе носат вродена потреба сè да биде совршено, вклучувајќи ја и нивната љубовна врска. Девиците се перфекционисти и постојано ги преиспитуваат своите чувства. Доколку почувствуваат дека нешто во нивниот однос не е како што треба, ќе се воздржат од изјавување љубов додека сè не биде онака како што мислат дека треба да биде. 3. Шкорпија Шкорпиите не сакаат промени и преферираат долги врски. За нив важи правилото дека покрај партнерот треба да останат и во добро и во зло. Меѓутоа, иако се предадени на љубовниот однос од самиот почеток, тие „те сакам“ ќе изговорат дури кога ќе бидат сто отсто сигурни дека врската е сериозна затоа што не сакаат пред време да покажуваат ранливост или пак да бидат повредени.

Французите ретко велат „те сакам“ – го покажуваат тоа на дело

Ивона Петрова — Wed, 21 Jul 2021 10:01:03 +0000

Колку и да се вљубени еден во друг – луѓето во Франција многу ретко си кажуваат – „Те сакам“. Канадската писателка Лили Хајз објаснува за „Би-би-си травел“, за посебните обичаи на народот во Франција – земја во која љубовта не се покажува со зборови, туку со дела. Авторката на „Те сакам – ниту јас“ (Je T’aime, Me neither), во книгата зборува за тоа како нејзиното поранешно момче (Французин) ја оставил велејќи „Повеќе не те сакам“. Пишувајќи за раскинувањето, таа постави кратко прашање – Како е можно тој да ја остави велејќи дека не ја сака и никогаш порано не ѝ рекол „Те сакам“? „Французите не велат ’те сакам‘, затоа што немаат зборови за да ги изразат длабоките емоции што ги чувствуваат едни кон други. Постои термин ‘aimer’, што значи ‘ми се допаѓа’ или ’сакам’. Но, Французите го користат овој збор за да кажат дека им се допаѓа одреден спорт, храна или мирис. Тие никогаш не го избираат овој збор кога сакаат да изразат љубов кон партнер, член на семејство или пријател“, вели Хајз. И според француската писателка Мари Хузел, Французите, наместо да зборуваат за своите чувства, претпочитаат да ги покажат на дело. Тие споделуваат љубов преку комплименти, подароци, помош и поддршка. „Ова не важи само за љубовни врски. На пример, родителите многу ретко ќе му кажат на своето дете дека го сакаат, а ќе го тапкаат секој ден и ќе го нарекуваат со посебни прекари. Љубовта се крие во посебни честитки, прекари, прегратки и бакнежи. Токму во нив има многу поголема љубов – во интимните гестови, отколку во зборовите ’Те сакам‘. Затоа, делата се многу поважни за Французите од зборовите“, пишува Хузел. Писателките велат оти бакнежите и прегратките ги менуваат зборовите „Те сакам“ во скоро секоја врска. Кога не можат да ги бакнат своите најблиски, Французите ги пишуваат или изговараат зборовите „je t’embrasse“ (те гушкам) и на крајот од пораките – зборот „bises“ (бакнежи). Иако изминатата година мораа да одржуваат физичко растојание поради пандемијата на коронавирус, Французите воведоа поздрави со рацете, лактите и нозете како алтернатива. Сепак, со нормализацијата на епидемиолошката состојба, нормалните поздрави полека се враќаат – сè повеќе Французи повторно се бакнуваат и се гушкаат на улица и се многу среќни што можат повторно да остварат физички контакт едни со други. Бидејќи, во земја каде што „не се зборува љубовта“, сите едвај чекаат можност да ја покажат.

Кажувајте “ТЕ САКАМ“ почесто, еве зошто е тоа важно

Ивана Ефремовски — Sat, 03 Jul 2021 20:20:22 +0000

Истражувањата говорат дека над 50 отсто од двојките кои се во врска од две до пет години, си велат „Те сакам“ барем еднаш дневно. Сепак, по десетата заедничка година, тој број се намалува на 33 отсто и помалку. Но, психолозите велат дека луѓето не треба да се откажуваат од оваа навика, заради успешна и подолготрајна врска. -Тие два збора – „Те сакам“ се како кислород и храна за врската. Ја одржуваат во живот. Со многу малку напор, добивате многу, вели психологот Лиса Аранго. Според неа, тоа ја зголемува меѓусебната доверба и ја подобрува општата благосостојба во домот. -Изразувањето љубов во кој било облик, е корисно за вашето здравје. Секогаш кога даваме и примаме љубов, нашите тела го лачат хормонот окситоцин којшто нѐ прави посреќни и ни помага во справувањето со стресот, смета психологот. Подарувањето, давањето комплименти и предизвикувањето насмевки кај партнерот /-ката ќе Ве усреќи подеднакво како тоа Вам да Ви се случува. Затоа, ако некого сакате, кажете им дека ги сакате. Така и Вие, а и тој/таа ќе бидете посреќни.

Овие реченици се поубави од „Те сакам“!

Ивана Ефремовски — Tue, 08 Jun 2021 20:26:24 +0000

Еден од најважните моменти во секоја врска е кога човек првпат ќе ја каже и ќе ја слушне фразата „Те сакам“. Оваа фраза дефинитивно не треба да се земе здраво за готово, но таа не е единствената реченица која ја легитимизира врската и ја прави најцврста на светов. Иако овие две зборчиња се многу важен чекор, има уште многу други реченици кои можеби значат и повеќе отколку само декларативно да се каже оваа фраза. „Ме инспирираш.“ „Секогаш ќе бидам тука за тебе.“ „Никогаш нема да престанам да те предизвикувам.“ „Сакам да остарам со тебе.“ „Те знам, те гледам.“ „Те почитувам.“ „Никогаш нема да се откажам од нас.“ „Заљубен сум во тебе.“ „Преубава си.“ „Ти верувам.“

8 работи што мажите ги кажуваат само кога навистина ве сакаат

Ристе Здравков — Fri, 07 Aug 2020 17:40:36 +0000

На почетокот на врската зборовите може да бидат многу збунувачки и да ве натераат да бидете во дилема за тоа што чувствува партнерот за вас. Мажите кои ја совладале уметноста на заведувањето знаат што точно да кажат за да ве заведат. Но, овие зборови што ќе ги прочитате во продолжение имаат скриено значење и ги докажуваат љубовта и посветеноста на партнерот кон вас. 1. „Ме инспирираш.“ Секој може да ви каже дека изгледате убаво и секси. Секој може да ви каже дека ве посакува. Но, вашата сродна душа ќе црпи инспирација од вас и ќе почне да се однесува поинаку кога ќе почнете да се состанувате. Тој ќе почне да прави долгорочни планови со вас и ќе се обиде да направи нешто повеќе со својот живот отколку што правел пред да ве запознае. 2. „Не сакам да се состанувам со некоја друга или ти да се состануваш со некој друг.“ Ова треба да биде прилично јасно. Ако тој сака да ве задржи, многу рано ќе каже дека не сака никоја друга освен вас. 3. „Би сакал да дојдеш со мене во…“ Ова може да се однесува на забавата што ја организира неговата компанија, во неговиот духовен центар, во неговиот омилен ресторан или на кое било друго место каде што ќе ве запознае со најблиските пријатели. Ако го стори тоа, тој сака да бидете вклучени во најважните делови од неговиот живот. 4. „Сакам да ти помогнам со…“ Ако тој постојано ви помага во некои обврски или поправки, тогаш тоа значи дека се грижи за вас. 5. „Сакам да те запознаам со моето семејство (или со најблиските пријатели).“ Иако можеби сè уште не ви признал дека ја планира иднината заедно со вас, тој сака да види дали неговото семејство ви се допаѓа, дали вие им се допаѓате ним и дали се чувствувате како дома таму каде што тој се чувствува како дома. 6. „Пресели се кај мене.“ Ако тој сака секој ден да бидете до него кога ќе се разбуди, тоа значи дека е многу поврзан со вас. Ако партнерот сака да биде со вас секој ден, тоа значи дека тој мисли дека вие сте вистинската и сака да го помине животот со вас. 7. „Кога ќе стапиме во брак / ќе имаме деца / ќе се преселиме на друга локација…“ Ако тој ги кажува овие работи, не само што сака да живеете заедно, туку сака да бидете покрај него кога ќе ги остварува своите главни цели. 8. „Те сакам.“ Овие три збора може да се појават во секое време од патувањето. Ако постојано ви повторува дека ве сака, тоа покажува дека е грижлив и комуникативен човек и сака да ве израдува.

Ретко велат ‘Те сакам’: Момците родени во овие три знаци тешко искажуваат емоции

Ристе Здравков — Tue, 28 Jul 2020 19:51:07 +0000

Ако сте во дилема дали ве сака или не – ѕвездите можат делумно да ви дадат одговор на тоа. Некои од нас брзо и лесно ја признаваат својата љубов. Меѓутоа, постојат голем број луѓе, особено помеѓу мажите кои тешко ги признаваат своите емоции и ретко или воопшто не го изговараат волшебното ‘Те сакам’. Стрелец Стрелците многу тешко се заљубуваат и поврзуваат со друга личност, а кога ќе се случи тоа, тешко и ретко ги признаваат своите емоции. И да е ‘луд’ за вас, никогаш нема да ви го каже тоа. Близнаци Тие и тоа како може да се заљубат, но изјавувањето љубов, фотографии на Инстаграм и сè останато што сите ние тајно го посакуваме за нив е многу ‘лигаво’. Водолија Водолијата многу тешко се поврзува за луѓето и личноста која ќе ја избере прво ја тестира и не се ‘залетува’ во врска. Освен што тешко изјавува љубов, на Водолијата ѝ треба многу време за да ја покаже љубовта, бидејќи на некој начин се чувствува поразено кога ќе се заљуби.

Изразот „Те сакам“ го подобрува здравјето и благосостојбата

Ристе Здравков — Tue, 09 Jun 2020 07:19:04 +0000

Истражувањата говорат дека над 50 отсто од двојките кои се во врска од 2 до 5 години, си велат „Те сакам“ барем еднаш дневно. Сепак, по десеттата заедничка година, тој број се намалува на 33 отсто и помалку… – Тие два збора – „Те сакам“ се како кислород и храна за врската. Ја одржуваат во живот. Со многу малку напор, добивате многу, вели психологот Лиса Аранго. – Изразувањето љубов во кој било облик, е корисно за вашето здравје. Секогаш кога даваме и примаме љубов, нашите тела го лачат хормонот окситоцин којшто нѐ прави посреќни и ни помага во справувањето со стресот, смета психологот. Подарувањето, давањето комплименти и предизвикувањето насмевки кај партнерот/-ката ќе Ве усреќи подеднакво како тоа Вам да Ви се случува. Затоа, ако некого сакате, кажете им дека ги сакате. Така и Вие, а и тој/таа ќе бидете посреќни.