ТЕ-ТО – Kurir.mk

ТЕ-ТО ќе работи oд 1 ноември

Ивона Петрова — Thu, 27 Oct 2022 08:58:34 +0000

Од 1 ноември ќе работи когенеративната термоелектрана ТЕ-ТО, соопшти денеска министерот за економија Крешник Бектеши. Како што рече Бектеши по средбата со претставници на прехранбената индустрија, топлинска енергија ќе има.

Бектеши: Скопје ќе има парно без разлика дали ќе работи ТЕ-ТО или не

Ивона Петрова — Mon, 10 Oct 2022 12:06:20 +0000

Топлинска енергија од 15 октомври ќе има за сите потрошувачи во град Скопје без разлика дали ќе работи или нема да работи когенеративната електрана ТЕ-ТО, порача денеска министерот за економија Крешник Бектеши. -Ако не работи ТЕ-ТО во делот на производство на електрична енергија со чиј нус производ се обезбедуваат 60 до 70 отсто од производството на топлинска енергија за градот Скопје топланите Исток и Запад со набавката на гас ќе ја покријат целата потрошувачка во делот на топлинска енергија која ја има во градот Скопје. Ако работи ТЕ-ТО топланите Исток и Запад ќе работат со помал интензитет, рече Бектеши во одговор на новинарско прашање по официјалното пуштање во употреба на соларната електрана на ГЕНИ со капацитет од 17 мегавати лоцирана во светиниколско Амзабегово. Нагласи дека со моменталните цени на електричната енергија на регионалната берза ХУПЕКС на компаниите кои се на слободниот пазар им е поевтино да набават струја од увоз отколку да ја произведе ТЕ-ТО. -Ако ја земеме во предвид моменталната цена на природниот гас од 1500 евра за 1000 нормални кубни метри, цената на производство на електрична енергија од ТЕ-ТО ќе биде околу 280 евра по мегават час. Цената, пак, на берзата на ХУПЕКС моментално е 200 евра за мегават час што значи дека на компаниите на слободниот пазар им е подобро да увезат струја отколку да ја преработи ТЕ-ТО, прецизира Бектеши. Посочи дека јавно ги повикал одговорните во топланата Скопје Север, која е во стечајна постапка, да се обратат до ЕСМ за набавка на природен гас. -Ако имаат законска можност можат директно да се обратат и до Макпетрол за набавка на гас, рече Бектеши. Нагласи дека како одговорна Влада до Собранието веќе доставиле измени на Законот за стокови резерви со цел да се обезбедат алтернативни енергенси доколку има проблеми во снабдувањето со гас поради последните настани во војната во Украина. -Со Република Бугарија имаме договор да не се затвораат прекуграничните капацитети за електрична енергија што е многу важно за стабилноста на електроенергетскиот систем во нашата држава. Голема работа заврши и премиерот Димитар Ковачевски со бугарскиот претседател Румен Радев со која е договорено до крајот на неделава да се зголемат капацитетите на постојниот гасовод што го имаме со Бугарија за да можеме да користиме и други извори во делот на снабдување со природен гас, истакна Бектеши и како алтернативни ги посочи ЛНГ терминалите во Грција и во Турција.

Хаџи Мишев: Одговорни и потписници за парите во ТЕ-ТО се премиерот и извршната власт

Ивана Ефремовски — Wed, 05 Feb 2020 17:38:11 +0000

Димитар Хаџи Мишев, директор на Топлификација во стечај зборувајќи дека незаконски е фирма како ТЕ-ТО да добие субвенција, а учествува на организирани пазари на електрична енергија, вели дека таквата незаконска одлука почнува од премиерот и извршната власт, па се до комисијата за заштита на конкуренција. -Согласно позициите кои ги имаат во извршната власт, одредени функционери при доделувањето на таа помош може да бидат одговорни, прв кој од кого почнува доделувањето на таа помош е комисијата за заштита на конкуренција. Таму била сериозна дебата, но финално комисијата најверојатно донела позитивна одлука бидејќи и владата има таква одлука. Следната институција која е во функција на собирање на даночните приходи и управата за финансиска полиција, над таа функција е министерката за финансии а над таа функција е премиерот. Тие се тие кои можат да учествуваат, мислам дека како потписник е премиерот, потенцира Хаџи Мишев. Хаџи Мишев вели дека тој случај е пријавен и во Антикорупциска комисија, но и во МВР каде што е доставена целата документација и според неговите информации се работи и се очекува и двете институции да излезат со првични детали. -Ние тој случај уште пред месец ипол дена го пријавивме во Државната комисија за спречување на корупција, таму истрагата се води темелно, сите документи се прибрани и очекувам од таму да се интервенира. Веднаш после тоа целата документација уште во почетокот на декември ја доставивме и до организиран криминал во МВР, имам информации дека и таму работат, бидејќи навистина по ниеден основ не можно да се даде таква помош ниту има цел. Очекуваме од тие две институции да излезат со ставови, истакна Хаџи Мишев.

Хаџи Мишев: Фирмата ТЕ-ТО која е обвинета за лажен стечај од власта добива незаконски субвенција

Ивана Ефремовски — Wed, 05 Feb 2020 17:23:20 +0000

Во дневникот на Алфа телевизија гостуваше Димитар Хаџи Мишев, директор на топлификација во стечај при што посочи дека незаконски е фирма како ТЕ-ТО да добие субвенција, а учествува на организирани пазари на електрична енергија. -Во овој момент е најактуелна државната помош доделена на ТЕ-ТО во текот на октомври месец 2019 година. Таа државна помош е навистина чудна бидејќи се доделува на фирма која е пазарно ориентирана значи на фирма која учествува на пазарот на електрична енергија, учествува на пазарот за топлинска енергија. Со тоа што електрична енергија продава и во државата и надвор од државата, појасни Хаџи Мишев. Хаџи Мишев додаде дека невообичаено е, дури и не се практикува и е забрането на фирми кои учествуваат на организирани пазари на електрична енергија државата да им дава субвенции. Така да од тој аспект апсолутно е нејасно како и зошто Комисијата за заштита на конкуренција одобрила таква помош. -Таа е првата институција која треба тоа да го одобри, нагласи Хаџи Мишев. Хаџи Мишев посочи дека државната помош се дава три месеци или 4 максимум од моментот кога Управата за финансиска полиција подигнува огромна кривична пријава против ТЕ-ТО, во која за лажниот стечај и се обвинуваат одговорните лица и самата фирма, во самото обвинување опфатен е и стечајниот судија. -И се оштетени фирми регистрирани во Република Македонија со износ над 40 милиони евра. А, од тој список е и „Топлификација“ со над 33 милиони евра. Значи вие да доделите државна помош на фирма која три месеци пред тоа е обвинета со кривични пријави од институција за таа цел Управа за финансиска полиција е навистина многу повеќе од чудно, истакна Хаџи Мишев.