теарце – Kurir.mk

Вo сабота во тетовско Теарце ќе се одржи манифестација „Денови на Кирил Пејчиновиќ“

Тале Кристо — Thu, 25 May 2023 09:46:45 +0000

Културно уметничкото друштво „Кирил Пејчиновиќ“ од тетовско Теарце во сабота ќе се ја одржи манифестација „Денови на Кирил Пејчиновиќ. Покрај игроорците на домаќините, гости ќе бидат КУД „Бранко Радичевиќ – Хрватска, КУД „Жарковац“ – Србија, КУД „Врелац“ – Србија, Ансамбл „Сербез“ при АФ „Гоце Делчев“-Битола. Сите учесници ќе учествуваа на дефилето низ Теарце со почеток од 17 часот, додека концертот почнува во 18 часот во спортската сала на основното училиште „Кирил Пејчиновиќ“. Дефилето ќе започне од училиштето, па групата ќе се движи до центарот на Теарце кај црквата Свети Димитрија и ќе се вратат во училишниот двор. - Со големо нетрпение ја очекуваме и годинешната манифестација „Денови на Кирил Пејчиновиќ“. Традиционално со оваа културна манифестација успеваме да ја всадиме љубовта за фолклорот кон младите, но и да ги одржуваме нашите традиции и култура. Не радува тоа што над 80 млади од Теарце и пошироко се дел од манифестацијата и изразуваат желба за редовно реализирање се со цел негување на културата, изјави Гоце Симјановски, претседател на КУД „Кирил Пејчиновиќ“. КУД „Кирил Пејчиновиќ“ ќе настапи со изведба на „Драчевка“, „Шарени чорапи“, „Елено моме“, „Поречки игри“ и „Малешевка“.

Над 600 гости на Денот на гравот во Теарце

Ивана Ефремовски — Sat, 08 Oct 2022 12:26:32 +0000

По две години пауза поради пандемијата, денеска во тетовско Теарце се одржа единаесеттото издание на манифестацијата „Денот на гравот“ која има за цел промоција на најпознатиот земјоделски производ во регионот како и етно-културната разлноликост на подрачјето. Посетителите на оваа манифестација како и секоја година имаа можност да присуствуваат на богата културно уметничка програма, која заврши со заеднички ручек со тазе подготвен грав. -Секоја година расте бројот на посетитители, годинава бележи некаде околу 600 гости. Основата на настанот и иста, сакаме гравот да го промовираме на повисокото ниво и на тој начин да им помогнеме на земјоделците, медарите, на училиштата кои одлучиле да посветат дел од работата на оваа култура. Одбележувањето на овој ден е значајно во нашиот обид да ја негуваме традицијата на одгледување на гравот, изјави Метин Муареми од ЦЕД. Сите посетители имаа можност да пробаат од гравот кој го подготви готвачот Мирко Ѓорѓески. -Подготвуваме околу 40 килограми грав, пиперки, патлиџани, кромид и моркови и месо. Спецификата на тетовското гравче е поднебјето каде се одгледува. Овде е мека водата и се вари полесно, додека на некои места има ткн. потврда вода. Ако овде се вари три саати, на другите места е потребно да биде двојно повеќе, изјави Мирко Ѓорѓевски од Теарце. На манифестацијата традиционално настапија културно уметничките друштва од трите националности македонска, албанска и турска кои живеат во регионот. Преку штандови се претставија неколку училишта од регионот со разни изработки, подготвена храна, посадени растенија, а присутни беа и земјоделските производители. (МИА)

Манифестација „Денот на гравот“ во Теарце

Ивана Ефремовски — Sat, 08 Oct 2022 07:05:02 +0000

Традиционалната манифестација „Ден на гравот“ ќе се одржи денеска во просториите на О.У „Кирил Пејчиновиќ“ – Теарце, во организација на Центарот за едукација и развој. Како што информираат организаторите, со 11-тото издание на оваа манифестација, Центарот за едукација и развој ја започнува новата деценија на организирање на оваа традиционална манифестација, по пауза поради состојбата со ковид пандемијата. (МИА)

Приведено лице од тетовско, извршило повеќе тешки кражби на подрачјето на Теарце

Магдалена Андонова — Fri, 22 Apr 2022 11:51:40 +0000

На 21.04.2022 година во 14.40 часот полициски службеници од Полициското одделение Теарце го лишиле од слобода Д.М. (34) од тетовска Вратница. За него постои основано сомнение дека е извршител на повеќе тешки кражби на подрачјето на Теарце. Д.М. е приведен и задржан во Полициска станица Тетово за понатамошна постапка, а по целосно расчистување и документирање на случајот против него ќе следи соодветен поднесок.

Агресивен гласач во Теарце се нафрлил врз член на ИО бидејќи не го идентификувале

Ивана Ефремовски — Sun, 31 Oct 2021 14:29:00 +0000

Во општина Теарце, село Нераште, Изборна единица 2029/1, откако не е пронајден на УБИГ, гласач манифестирал вознемиреност која поминала во агресија. Граѓанинот се нафрлил врз член на ИО и за малку не дошло и до физички контакти. Со брза и коректна интервенција на останатите членови на одборот, ситуацијата е смирена и гласачот го остварил правото на глас со ставање отпечаток од прст директно во избирачкиот список.

Групна тепачка помеѓу братучеди во тетовско Теарце, пoдебелиот крај го извлекол полицаец

Тале Кристо — Sat, 06 Mar 2021 18:48:32 +0000

На 05.03.2021 во 22.30 часот во с.Тераце од полициски службеници од Полициско одделение Теарце биле лишени од слобода М.М.(24), И.М.(59), М.М.(26) и Ќ.М.(51) сите од с.Теарце бидејќи по претходна расправија го нарушиле јавниот ред и мир со меѓусебна физичка пресметка, а во врска со претходна пријава во 22,15 часот од М.М.(24) против неговиот братучед М.М.(26) при што пријавените физички нападнале и полициски службеник. По целосно документирање на случајот ќе биде поднесен соодветен поднесок.

Во Тетово и Теарце казни за автомеханичарски сервиси за горење отпадно масло

Магдалена Андонова — Wed, 16 Dec 2020 19:35:01 +0000

Тим на државни и овластени општински инспектори за животна средина од Скопје и Тетово вчера извршија вонреден надзор во пет автомеханичарски сервиси во Тетово и Теарце. Сите пет сервиси кои биле предмет на надзор не постапувале соодветно со отпадни филтри и биле задолжени опасниот отпад да го селектираат и предаваат на овластени компании. Кај два сервиса, соопштија од Државниот инспекторат за животна средина, е констатирано дека отпадното масло се предава на правно лице што поседува дозвола за транспорт на опасен отпад и утврдено е дека маслото не се гори на овие локации. Целта на овие надзори била да се утврди начинот на постапување со отпадното масло, заменетите филтри и друг вид опасен отпад. – Важно е да потенцираме дека само два сервиси од петте кои беа предмет на надзор имаа валидни транспортни формулари кои ги доставија на увид до инспекторите. Тие формулари се пополнуваат при секое преземање на отпадните масла, на нив се гледа количината на отпадното масло, која фирма го презема и каде се носи на третман, се наведува во соопштението. Во еден од сервисите, е заклучено во увидот, повеќе тони отпадно масло се складираат на самата локација, односно дека тоа не се предава на правното лице со кое е склучен договор за преземање и транспорт на опасниот отпад. – Резервоарот за екстра лесно масло за горење што се наоѓа во подрумските простории беше празен, а во моментот на надзорот започна негово полнење од цистерна која пристигна на локацијата. На увид беа доставени податоци за горивото. Беше утврдено дека отпадното масло ниту се гори, ниту се продава и на овластеното лице му беше укажано дека мора да го обнови постојниот договор за транспорт на отпадно масло или да склучи нов во рок од седум дена, стои во соопштението. Во два сервиси, каде не биле доставени транспортни формулари за преземање и транспорт на отпадно масло за 2020 година, на локациите истото не се чувало на соодветен начин. Во еден од двата сервиса било утврдено дека отпадното масло се гори. – Горењето на отпадно масло емитува канцерогени материи. Ова правно лице ќе добие законски утврдена казна, посочуваат во соопштението од Државниот инспекторат за животна средина. Надлежност за вршење надзор врз автомеханичарски сервиси имаат овластените општински инспектори за животна средина. Државниот инспекторат ќе ги задолжи општинските инспектори од цела држава во најкус можен рок да спроведат итни надзори над сите автомеханичарски сервиси за да спречат или санкционираат горење и продавање на отпадно масло. – Нема компромис во борбата за чиста животна средина, подвлекуваат во соопштението.(МИА)

Вооружени и маскирани лица одзеле пари од обложувалница во Теарце

Магдалена Андонова — Mon, 23 Nov 2020 15:17:07 +0000

Две лица со маски и оружје украле пари од спортска обложувалница ноќеска во тетовско Теарце. Полицијата нема информација колку точно пари се одземени, но го потврдува оруженото разбоништво. -Вчера вечер околу 22 часот и 30 минути во СВР Tетово е пријавено дека две лица со закана со оружје од спортска обложувалница во тетовско Теарце одзеле пари, информира портпаролот на СВР Тетово, Марјан Јосифоски. По пријавата на случјот е извршен увид и се преземаат мерки за расчистување на случајот.

Уапсен извршител на повеќе кражби во Теарце

Ивана Ефремовски — Thu, 17 Sep 2020 15:23:02 +0000

На 16.09.2020 околу 17:15 часот на регионалниот пат Тетово-Jажинце, во близина на тетовско Џепчиште, полициски службеници на СВР Тетово го лишиле од слобода Ј.Х.(40) од с.Џепчиште, поради постоење основи на сомнение дека извршил повеќе кражби и оштетувања во реонот на Теарце. Против Ј.Х. ќе биде поднесен соодветен поднесок.

Приведени тројца жители на Теарце за напад врз малолетник од Пршовце

Магдалена Андонова — Tue, 15 Sep 2020 12:11:28 +0000

Три лица на возраст од 18 и 19 години од тетовско Теарце се приведени ноќеска откако се пријавени во тетовската полиција дека нападнале и повредиле малолетник, како и уште едно лице кое се обидувало да ги раздвои. Нападот се случил вчера околу 16.30 часот во авто-перална во Пршовце. – Вчера во 21 часот и 30 минути, 17-годишник од тетовско Пршовце, заедно со неговиот татко, пријавиле дека околу 16 часот и 30 минути, во авто-перална во ова село, во која работел, физички бил нападнат од три лица. Тие тројца истовремено нападнале и лице кое се обидело да ги раздели, при што користеле и тврди предмети и на малолетникот му нанеле тешки телесни повреди, информира Марјан Јосифоски, портпарол на СВР Тетово. Според неговите информации за кратко време тројцата напаѓачи Е.С. (19), Ј.М. (18) и Д.А. (19), сите од тетовско Теарце, се лишени од слобода и задржани во Полициската станица Тетово за расчистување и документирање на случајот. (МИА)