Театар Комедија – Kurir.mk

Премиера на претставата „Ало! Ало!“ во режија на Синиша Евтимов во Театар Комедија

Ивона Петрова — Fri, 20 Oct 2023 05:35:51 +0000

Во Театар Комедија во Скопје вечер премиерно ќе биде изведена претставата „Ало! Ало!“ во режија на режисерот Синиша Евтимов. Како што информира Театар Комедија - Скопје, „Ало! Ало!“ е духовита пародија на историските случувања и на човековите слабости во обидот да се сочува главата во налетот на насилството. Дејството е сместено во скопската кафеана „Кај Јорго“, во окупираното Скопје за време на Втората светска војна. „Кај Јорго“ е сврталиште на високите претставници на фашистичкиот окупатор во Скопје и на членовите на Отпорот, а сопственикот на кафеаната, Јорго, се труди да ги „менаџира“ односите со двете страни и да се одржи жив среде војната. Во претставата играат: Атанас Атанасовски, Жаклина Петровска, Валентин Костадиновски – Тино, Сергеј Димовски, Тони Денковски, Виктор Арсов, Јаков Спасов, Столе Мицов, Илија Илиоски, Наталија Теодосиева, Маја Љутков, Елена Кузманов, Григор Јовановски и Стефан Николовски. Илина Ангеловска е сценограф, Александар Ношпал - костимограф, Борјан Стојков - асистент на режија, Марија Ѓорѓиевска - асистент на сценографот и Ивана Каранфиловска - асистент на костимографот. Одговорен зад сцената е инспициентот Александар Јорданов, текстуална поддршка на актерите им дава суфлерката Зорица Манаскова Станковиќ, а за тонот и светлото се задолжени тон-мајсторот Георгиј Полизов и светло-мајсторите Слободан Илиоски и Виктор Лазаревски. Претставата ќе биде дел од редовниот репертоар на Театар Комедија.

Турски театар со премиерна изведба на претставата ТИК-ТАК

Ивана Ефремовски — Tue, 09 May 2023 05:47:36 +0000

Националната установа „Турски театар“ вечер со почеток во 20:00 часот, на сцената на Театар Комедија, премиерно ќе ја изведе претставата ТИК-ТАК. Адаптација и режија на претставата работена според мотивите на Лорен Бафој и Висенте Вилануева припаѓаат на Синиша Ефтимов, а улогите ги толкуваат Селпин Керим, Осман Али, Неат Али, Несрин Таир, Ебру Мусли, Филиз Ахмет и Бурханедин Ибрахим. Во текот на изведбата ќе се проектира и превод на македонски јазик. (МИА)

„Жени во Собрание“ денеска во Театар Комедија

Ивана Ефремовски — Fri, 27 Jan 2023 07:05:46 +0000

Со обновена креативна енергија на ансамблот и со подобрени услови за работа, денеска Театар Комедија ќе ја крене завесата за претставите што ќе бидат изведени во вториот дел од сезоната 2022/2023 година со изведба на комедијата „Жени во Собрание“. Според директорот Дарко Спасов, новата година, театарот ја започнува со повеќе технички освежувања што се од корист за продукцијата на претставите, но и за публиката, со посебен фокус на лицата со попреченост, информираат од Театар Комедија. -Со инвестиции од Министерството за култура, набавена е нова светлосна миксета, сервисирани се чигите, поставени се нови антипаник – врати. Обновен е и тоалетот за посетителите, вклучително со нов санитарен јазол за лицата со попреченост, појаснува Спасов во писмена изјава. Годинава, репертоарот на Театар Комедија стартува со претставата „Жени во Собрание“. Таа ќе биде изведена денеска и утре, но и на 1 и на 2 февруари. Се работи за комедија работена според истоимениот текст на античкиот комедиограф Аристофан, во режија на Ќендрим Ријани. -Знаеме дека античките жени немале формална политичка моќ и права, а доколку имало такви – завршувале трагично – Клитемнестра, Медеја и така натаму. Еден од малкуте примери, каде што имаме впечаток дека добиваме далеку попозитивна верзија на женската моќ, е, комедијата на Аристофан, „Жени во Народно собрание“, вели драматургот на претставата, Билјана Крајчевска. Нејзини, но и текстови од актерите-учесници, се вклучени во драматизацијата на претставата. Како што се наведува во соопштението, таа открива дали доколку владеат жените ќе имаме похумани општества, или и поубавиот пол е склон кон екстреми. На 4 февруари ќе биде изведена комедијата „Женска гардероба“. Работена е по текстот на чешкиот автор Арношт Голдфлам, а во режија на Наташа Поплавска. Претставата е направена од сопствени средства на Комедија, но и со финансиска помош на Амбасадата на Република Чешка во Македонија и од стопански субјект од оваа европска држава, се додава во соопштението. -„Женска гардероба“ е современа комедија која ни го открива и ни го покажува она што публиката најчесто не може да го види – животот на актерите зад сцена. Станува збор за пиеса, која ни ги раскажува приказните на четири актерки на различна возраст, кои сакаат различни нешта, но она што ги спојува и ги врзува, се гардеробата и театарот со сета негова магија и страст, пишува во соопштението. На 10 февруари, пак, ќе биде изведена претставата „Илуминати“, работена според култниот филм на Алфред Хичкок, „39 скали“, во режија на Синиша Евтимов. Театар Комедија и оваа претстава ја направи од сопствени средства во изминатава година. -Жанровски, претставата е уникатен спој на трилер, акција и комедија, со елементи на ноар и со филмски јазик. Приказната се одвива околу главниот херој, Кирил Балкан, кој го толкува актерот Тино Костадиновски. Тој заедно со плејадата споредни ликови, вешто интерпретирани само од тројцата актери Наталија Теодосиева, Сергеј Димовски и Атанас Атанасовски, нè води низ својата животна приказна со несекојдневни патешествија, се истакнува во најавата. И покрај проблемите со коронавирусот, како што се нагласува во соопштението, особено во првиот дел од 2022 година, Театар Комедија до крајот на годината го посетија вкупно 20.000 гледачи. Според директорот Дарко Спасов, театарот прави сè за годинава оваа бројка да се зголеми барем двојно. (МИА)

„Жени во Собрание“ во Театар Комедија на 27 и 28 јануари

Катерина Бојаџиева — Tue, 24 Jan 2023 13:39:44 +0000

Претставата „Жени во Собрание“ е првата на репертоарот на Театар Комедија за оваа година и ќе биде изведена на 27 и 28 јануари, како и на 1 и 2 февруари. Станува збор за комедија работена според истоимениот текст на античкиот комедиограф Аристофан, во режија на Ќендрим Ријани. На 4 февруари ќе биде изведена комедијата „Женска гардероба“, која е работена по текстот на чешкиот автор Арношт Голдфлам, а во режија на Наташа Поплавска. Претставата е направена од сопствени средства на Театар Комедија, но и со финансиска помош на Амбасадата на Чешка во земјава и од стопански субјект од оваа европска држава. – „Женска гардероба“ е современа комедија која ни го открива и ни го покажува она што публиката најчесто не може да го види – животот на актерите зад сцена. Станува збор за пиеса која ни ги раскажува приказните на четири актерки на различна возраст, кои сакаат различни нешта, но она што ги спојува и ги врзува се гардеробата и театарот со сета негова магија и страст, соопштија од Театар Комедија. На 10 февруари, пак, ќе биде изведена претставата „Илуминати“, работена според култниот филм на Алфред Хичкок „39 скали“, во режија на Синиша Евтимов. Театар Комедија и оваа претстава ја направи од сопствени средства во изминатава година. – Жанровски претставата е уникатен спој на трилер, акција и комедија, со елементи на ноар и со филмски јазик. Приказната се одвива околу главниот херој, Кирил Балкан, што го толкува актерот Тино Костадиновски. Тој заедно со плејадата споредни ликови, вешто интерпретирани само од тројцата актери Наталија Теодосиева, Сергеј Димовски и Атанас Атанасовски, нè води низ својата животна приказна со несекојдневни патешествија, се вели во најавата за овој театарски чин. Инаку, според директорот на Театар Комедија, Дарко Спасов, новата година театарот ја почнува со повеќе технички освежувања кои се од корист за продукцијата на претставите, но и за публиката, со посебен фокус на лицата со попреченост. – Со обновена креативна енергија на ансамблот и со подобрени услови за работа, в петок на 27 јануари, Театар Комедија ќе ја крене завесата за претставите што ќе бидат изведени во вториот дел од сезоната 2022/2023 година. Со инвестиции од Министерството за култура, набавена е нова светлосна миксета, сервисирани се чигите, поставени се нови антипаник-врати. Обновен е и тоалетот за посетителите, вклучително со нов санитарен јазол за лицата со попреченост, потенцираше Спасов. Тој информираше дека Театар Комедија минатата годината го посетија вкупно 20.000 гледачи, а се прават напори годинава оваа бројка да се зголеми барем двојно.

Премиера на „Илуминати“ во Театар Комедија

Ивона Петрова — Thu, 17 Nov 2022 06:53:33 +0000

Театар Комедија денеска премиерно ќе ја изведе претствата „Илуминати“ работена според култниот филм на Алфред Хичкок „39 скали“. „Илуминати“ жанровски претставува уникатен спој на трилер, акција и комедија, со елементи на ноар и со филмски јазик. Приказната се одвива околу главниот херој Кирил Балкан, кој заедно со плејадата споредни ликови, води низ својата животна приказна со несекојдневни патешествија…, велат во сижето за претставата од Театар Комедија. Напоменуваат дека во „Илуминати“ се користат гласни ефекти (пукање). Во преставата играат Валентин Костадиновски – Тино, Наталија Теодосиева, Сергеј Димовски и Атанас Атанасовски Режијата е на Синиша Евтимов, сценографијата на Мартин Манев, а костимограф е Ивана Каранфиловска Угуровска.

Премиерна изведба на претставата ,,Женска гардероба“ во Театар Комедија

Ивона Петрова — Wed, 26 Oct 2022 05:24:06 +0000

Во Театар Комедија вечер премиерно ќе биде изведена претставата „Женска гардероба“ во режија на Наташа Поплавска, по текст на современиот чешки автор Арношт Голдфлам. – Станува збор за пиеса која ни ги раскажува приказните на четири актерки на различна возраст, кои сакаат различни нешта, но она што ги спојува и ги врзува е нивната заедничка гардероба зад сцената, и театарот воопшто, со сета негова магија и страст, информираат од Театар Комедија. Улогите ги играат актерите Жаклина Стевковска, Жаклина Петровска Милјановска, Ева Скендеровска, Тања Мицков и Тони Денковски. Автор на музиката за претставата е Ристо Вртев, костимографијата е на Ивана Каранфиловска Угуровска, сценограф е Војдан Запров, а дизајнер на светло Милчо Александров. Асистент на режија е Иван Вртев, а драматург е Благица Секуловска. Комедијара е во продукција на Театар Комедија, Амбасада на Република Чешка, МА2К Invest S.P.O. и SOR Libhavy OOD. Првата реприза на претставата е на 28 октомври, а следна изведба на „Женска гардероба“ е на 1 ноември.

„Гола Месечина“ од 25-ти до 30-ти јуни: Богата програма за жителите на општина Аеродром

Ивана Ефремовски — Wed, 22 Jun 2022 14:12:44 +0000

Претставата „Да, инспекторе“ на прилепскиот театар „Војдан Чернодрински“, а во режија на Синиша Евтимов ќе го отвори годинешното издание на меѓународниот фестивал на комедијата „Гола Месечина“ што од 25. до 30. јуни ќе се одржи на стадионот во Реонски Центар во Аеродром. Традиционалниот фестивал е во организација на Општина Аеродром и Театар Комедија, а годинава на репертоарот ќе бидат претстави од Македонија и регионот, сите со почеток од 21:00 часот. Градоначалникот Тимчо Муцунски на денешната прес-конференцијата ги повика граѓаните да присуствуваат на деветтото по ред издание на овој фестивал и ја изрази заложбата за поголема поддршка од страна на Општината за надградување и успешна реализација на настани од културен карактер. -Наша обврска како локална власт е да обезбедиме подобра инфраструктура за во уште подобри услови, проекти слични на овој да се реализираат и Аеродром да стане центар на културата во главниот град. Како најурбана и најдинамична општина во Град Скопје, за мене е од огромно жалење што немаме свој театар. Затоа она што го ветувам е дека посветено работиме и преземаме чекори за до крајот на мојот мандат да го реализираме едно од клучните ветувања – Аеродром да го добие својот мултимедијален центар со кино, театар, простор за изложби, галерија, читална за младите лица и други содржини, рече Муцунски. Фестивалот и програмата ги најави директорот на Театар Комедија Дарко Спасов, кој ѝ се заблагодари на Општина Аеродром за несебичната поддршка при реализацијата на овој културен настан. „Ние сме подготвени за почетокот, а шесте ноќи ќе бидат исполнети со одлична забава и одлични претстави. Имаме две меѓународни гостувања, „Театар Славија“ од Белград и гостување од Бугарија на големиот национален театар „Иван Вазов“. Покрај нив, имаме и четири македонски групи – театри од Велес, Охрид, Струмица и од Прилеп“, изјави Спасов и изрази надеж дека и ова фестивалско издание ќе има огромна посетеност. Картите се бесплатни и можат да се добијат почнувајќи од петок на пријавницата во Општина Аеродром, како и на билетарницата на Театар Комедија, секој ден, освен недела, а едно лице има право на две карти за конкретна претстава.

Вработените во Театар Комедија незадоволни од одлуката на Министерството за култура

Ивана Ефремовски — Wed, 24 Nov 2021 15:40:57 +0000

Вработените во Театар Комедија не се согласуваат со одлуката на Министерството за култура за разрешување на Нора Шаќири Марковиќ и назначувањето на нов в.д. директор. „Шокирани сме од оваа одлука со која за нов в.д. директор се поставува човек што беше дел од претходната управа која што беше разрешена за неправилности во работењето. Можеби е крајно време инспекторатот за труд да го посети театар Комедија. Кога театарот беше во долгови без основни услови за работа, со нарушени меѓучовечки односи и долгови, в.д. директорката што сега ја разрешува министерството, успеа да реши дел од овие проблеми и да го врати театарот на вистинскиот пат. Дали некој со интенција пробува да го сруши Театар Комедија и да го врати во агонијата во која што беше пред да се постави Нора Шаќири за в.д. директор?“, велат вработените во театар Комедија. Тие додаваат дека доколку Министерството за култура смета дека таа не е соодветен кадар, на оваа функција треба да се постави Дарко Спасов, кој што е професионалец и во кого целиот ансамбл има доверба.

Инспекција во Театар Комедија: Нора Шаќири пријавена за мобинг, се огласи директорката

Ивана Ефремовски — Fri, 19 Nov 2021 13:29:18 +0000

Во Театар Комедија денес имало вонредна инспекциска контрола, дознава Фронтлајн. Вработени во установата пријавиле мобинг и психичко вознемирување од страна на директорката Нора Шаќири. Таа на прашањето на „Локално“ да даде коментар за ситуацијата во нејзиниот театар, кратко изјави дека нема одговор на прашањето и ја „префрли топката“ на колективот. -Најдобро е да го прашате колективот дали им е вршен мобинг. Не знам каде да ве упатам за да се јавите. Во институцијата никој од вработените нема поднесено пријава против мене, така да не знам што да ви кажам, ни одговори директорката. Таа додадека дека „не знае со што е поткрепена ваквата објава“. -Во време кога театарот работи под полна пареа, со вратен долг дава премиери, работи и гостува на фестивали, не знам дека тоа е мобинг, вели Шаќири за „Локално“.

Тасевски:Ова што се случи во театар„Комедија“ беше борба помеѓу две лобија од ист тим

Магдалена Андонова — Fri, 05 Feb 2021 18:44:22 +0000

Сашо Тасевски, поранешен директор на Драмски театар во своето гостување во емисијата „Што не е јасно“ зборуваше за состојбата во културата односно за поставување на новиот директор во театар „Комедија“ каде посочи дека ова што се случи во театар„Комедија“ беше борба помеѓу две лобија од ист тим. - Една од првите заложби на СДСМ кога доаѓаа на власт беше и комплетна департизација на државата во сите сегменти , но излезе дека тоа е една од многуте лагите на Зае, остана се партизирано и мислам дека е кренето на едно повисоко ниво затоа што сите оние кои мислеле дека допринеле за победата на СДСМ во 2017 година дека заслужуваат да имаат некоја функција. Целата култура е партизирана, не е само еден сегмент. Ова што се случи во театар „Комедија“ беше борба на две лобија од ист тим, така да успееја да избркат еден и си донесоа друг свој човек. Да ставите некој да раководи со тетарот кој не бил дел од тоа, за тоа треба многу занает и многу години искуство поминато во театарот. Но ќе кажам се е во државата негативна селекција , така што компетенциите се она што најмалку се бара, се оди преку партија и резултатот го гледаме во цела држава, рече Тасевски во своето гостување