театар – Kurir.mk

Мицкоски на театарска претстава во Велес во рамките на фестивалот ,,5РЕ”

Тале Кристо — Fri, 27 May 2022 20:53:58 +0000

Заедно со членот на Извршниот комитет Зоран Љутков , градоначалникот на Велес, Марко Колев и пратеникот Игор Здравковски на одлична театарска претстава ,,Не се клади на енглези" и брилијантната игра на Сашко Коцев, Александар Микиќ и Оливер Митковски на фестивалот ,,5РЕ" во Велес, овјави на својата Фејсбук страниц претседателот на ВМРО-ДПМНЕ Христијан Мицкоски.

ТРАГЕДИЈА: Гранатиран театар во Мариупол каде се засолниле над 1.000 лица

Ивона Петрова — Thu, 17 Mar 2022 07:34:03 +0000

Повеќе од 1.000 луѓе се засолниле во театарот во опколениот украински град Мариупол, за кој се верува дека бил цел на руско бомбардирање, според градоначалникот Вадим Бојченко. Тој ја објави информацијата на својот канал на Телеграм рано утринава, нарекувајќи го инцидентот „уште една трагедија“, пренесува ДПА. Би-Би-Си истакнува дека со огромни букви на паркинзите од двете страни на бомбардираниот и целосно уништен театар во Мариупол, бил испишан зборот „дети“ (деца). Натписите се направени за да се гледаат од авион. Ова го покажуваат сателитски снимки направени од компанијата Махар пред два дена, објави Би-Би-Си. Украинскиот претседател Володимир Зеленски во меѓувреме во видео порака рече дека луѓето, бегајќи од гранатирањето, побарале заштита во зградата и дека сега е уништена, но истакна дека сè уште нема информации за жртви. Невладината организација Хјуман рајтс воч претходно соопшти дека „стотици цивили“ се засолнети во театарот. Киев и Москва меѓусебно се обвинуваат за инцидентот, а украинската страна изјави дека станува збор за намерно руско бомбардирање, а Русија за нападот го обвини украинскиот националистички полк Азов. ДПА истакнува дека не е можно да се проверат информациите од независен извор.

Another horrendous war crime in Mariupol. Massive Russian attack on the Drama Theater where hundreds of innocent civilians were hiding. The building is now fully ruined. Russians could not have not known this was a civilian shelter. Save Mariupol! Stop Russian war criminals! pic.twitter.com/bIQLxe7mli
— Dmytro Kuleba (@DmytroKuleba) March 16, 2022

Лефков: Од Заев единствено видовме театар, утре доаѓа крајот на оваа неспособна влада која донесе само проблеми на граѓаните

Тале Кристо — Wed, 10 Nov 2021 19:21:30 +0000

Денот потоа започна на први ноември веднаш по оставката на Заев. Сега од утре ќе започне и тоа официјално, ќе започне тоа да тече и официјалните рокови, меѓутоа сето тоа започна со волјата на граѓаните кои што рекоа НЕ на хибридниот режим, затоа беа резултатите такви какви што беа. На 31-ви вечерта ја видовме оставката на Заев, видовме Влада која што нема никаков ни легитимитет, ни кредибилитет, ниту политичка волја да ја води државата. Гледаме дека имаме држава во која што власта нема мнозинство и имаме опозиција која што има мнозинство, власта нема ниту претседател на Влада, власта нема ниту претседател на партија, тие се во оставка. Видовме еден театар со кој што ја одложија оставката на неодредено време, целосно аматерски и смешно за секој кој што барем малку разбира што е тоа оставка“,истакна Миле Лефков, пратеник од редовите на ВМРО-ДПМНЕ и коалицијата за „Обнова на Македонија“ во емисијата „Топ Тема“ на телевизија Телма. Лефков додаде дека оставката според Уставот и според Деловник треба да заврши во Собрание, а не таа оставка да завршува во политичка партија. -На крајот од денот за оставка се констатира, не се гласа. Кога доаѓа во Собрание за сите оставки се констатираат, а не се гласаат, појасни Лефков. Лефков посочи дека во овој момент граѓаните бараат спас од Владата на Заев. -Има доволно луѓе кои ќе се нафатат да ги средат напластените проблеми кои ги остави оваа неспособна власт. Граѓаните конечно ќе се спасат од неспособната влада на Зоран Заев, рече Лефков.

Битолскиот театар учествува на фестивалот на античка драма во „Стоби“

Ивана Ефремовски — Fri, 06 Aug 2021 10:58:37 +0000

Ансамблот на НУ Народен театар-Битола утре вечер ќе настапи на интернационалниот фестивал на античка драма што се одржува во археолошкиот локалитет „Стоби“. Битолските актери ќе ја одиграат претставата „Бакхи краток преглед на распадот“ од Еврипид, а во режија на сега веќе покојниот режисер Игор Вук Торбица. -Со настапот во „Стоби“ битолскиот театар ја заокружува театарската полусезона во која подготви 4 премиерни претстави и тоа „Ноќта кога ја убив месечината“ во режија на Марјан Ѓорѓиевски, „Молитва по Достоевски“ музички перформанс по идејата на Валентин Светозарев, „History of motherfuckers“ по Кориолан од Вилјам Шекспир во режија Андраш Урбан и „Сомнително лице“ од Бранислав Нушиќ во режија на Деан Дамјановски. Во оваа полусезона НУ Народен театар-Битола гостуваше на Шекспир Фестивал во Србија и Охридско лето, а завршува во Стоби со „Бакхи краток преглед на распадот“. (МИА)

Се отвораат кината и театрите, ќе работат според посебен протокол

Дарко Андоновски — Tue, 22 Sep 2020 18:32:19 +0000

На денешната седница Владата донесе одлука во согласност со која театрите, кината, операта и балетот ќе работат според Протоколот за организирање настани. „На предлог на Комисијата за заразни болести денеска Владата ги усвои и Протоколот за работа на природните лекувалишта за услови на здравствена криза, како и Протоколот за работа на едукативните центри, музички училишта и центри/училишта за странски јазици во услови на појава на болеста“, соопштија од владината прес-служба. Со оваа одлука се опфатени и другите манифестации со филмски проекции, мултимедиумските проекти, фестивалите и други манифестации од дејноста на културата.

Не стивнуваат реакциите против уривањето на националниот тетар во Тирана

Тале Кристо — Sun, 17 May 2020 13:32:55 +0000

Не стивнуваат реакциите поради уривањето на Националниот тетар во Тирана. Меѓу многуте кои реагираат против уривањето на објектот е и Европската агенција за заштита на културното наследство. – Тажен ден за културното наследство во Албанија и Европа. Тажен ден за демократија и владеење на правото во Албанија и Европа. Рано изутрината, албанските власти уапсија активисти на граѓанското општество и почнаа да го уриваат Националниот театар во Тирана, се наведува во реакцијата на Агенцијата. Остро реагираше и поранешната европратеничка Дорис Пак, која на Твитер напиша дека „ова не е наша Европа“. – Албанија ќе почне преговори со ЕУ, но политичарите се однесуваат како во криминалното минато на земјата. Срамна е употребата на полициска сила, насилството врз новинари, уметници и граѓани кои дојдоа во одбрана на театарот, напиша Пак. Известувачот на Европскиот парламент за Албанија, Дејвид Лега, исто така, се приклучува во „осудата на владините активности и полициското насилство“. Тој упати апел до премиерот Еди Рама да престане со насилството врз активистите и уметниците, да се запре понтамошното уривањето на комплексот и да разговара со Албанците и со Европската агенција за заштита на културното наследств. – Ја осудувам акцијата на властите и полициското насилство денеска во Тирана и го повикувам премиерот Рама да престане со незаконското уривање на Националниот театар, да престане насилството врз уметниците и активистите и да се започне со дијалог со сите заинтересирани групи, вклучително и Европската агенција за заштита на културното наследств и Институтот на Европската банка за инвестиции кои се поддржани од Европската комисија и се подготвени да помогнат. Го повикувам премиерот Рама да го слушне апелот на Комесарот за култура Габриел и да престане со непоправливата штета. Таа ја потсетува албанската Влада на 15-те услови што Албанија мора да ги исполни за да започне преговори. Правната држава е приоритет, напиша Лега.

Мета: Уривањето на театарот уставен, законски и морален криминал

Тале Кристо — Sun, 17 May 2020 10:02:54 +0000

Албанскиот претседател Илир Мета денеска остро реагираше на уривањето на објектот на Националниот театар, нарекувајќи го овој чин уставен криминал и наредба на мафијата на власт. „Пред неколку часа, во екот на темнината, мафијата нареди уништување не само на еден од најзагрозените споменици на културното наследство во Европа, туку и на секоја илузија за постоење правна држава во Албанија, напиша Мета на Фејсбук. Во исто време, додава Мета, полициското насилство врз театарските уметници и новинарите е „црна дамка за мафијата на власт“. „Оваа слика ќе биде запаметена на ист начин како казмите на диктатурата во ‘67 над црквите и џамиите. Ова е уставен,законски и морален криминал, за што нема амнестија, напиша Мета. Тензичната ситуација пред сега веќе некогашниот објект на театарот продолжува. На повик на опозицијата се поголем е бројот на граѓаните. Кои ќе бидат следните активности на опозицијата ќе се знае по средбата на лидерите на партиите кои ја сочинуваат обединетата опозиција.

Tензично во Тирана, националниот театар на Албанија заминува во минатото

Тале Кристо — Sun, 17 May 2020 09:33:09 +0000

Националниот театар на Албанија, што се смета за еден од најубавите и најзначајни објекти во албанската метропола, заминува во минатото. И покрај противењето на тетарските работници, граѓани, граѓански здруженија, партии, па дури и претседателот Илир Мета, утринава во 4:30 часот градежна механизација почна со уривање на објектот. Веднаш се создаде тензична ситуација што доведе до судир меѓу полицијата и активистите од Алијансата за заштита на тетарот, по што дел од нив биле приведени, а активностите за уривање прекинати. Состојбата во Тирана каде се наоѓа објектот и натаму е тензична. Насобраните граѓани се обидуваат да го пробијат полицискиот кордон. Целиот комплекс „Национален театар“ опфаќа површина од 13 илјади квадратни метри, а на седум илјади од нив е објектот во кој освен театарот се и библиотеката, центарот на преведувачи, информативниот центар и слично. Тој е дело на италијанскиот архитект Џулио Берте, изграден 1938/39 година по барање на албанското кралско семејство. Одлука за негово уривање ја донесе албанскиот Парламент во септемри 2018 година, со ветување од владата дека ќе изгради нов посовремен објект. По масовните протести и несогласувања владата не успеа да го реализира неговото уривање. Деновиве таа го пренесе во сопстевност на општина Тирана,чиј совет на онлајн седница во четвртокот ја донесе судбоносната одлука за овој објект. Албанскиот претседател Илир Мета до Уставниот суд достави барање за испитување на уставноста на одлуката на владата со која Националниот театар преминува во сопственост на општина Тирана, оценувајќи ја за антиуставна и оти е закана за богаството и јавниот имот.

МНТ – 75 години: Сцената е првпат празна, но во бескрајното патување на театарот ќе има нови претстави

Ивона Петрова — Fri, 03 Apr 2020 10:55:21 +0000

Македонскиот народен театар по повод роденденот им честита и им се заблагодарува на сите уметници – доајени, некогашни и сегашни вработени и љубители на театарот кои придонеле во неговиот развој во изминатите 75 години зашто сите заедно, како што наведува во честитката, направиле театарот да живее, расте и се развива, и истовремено да се прикаже на сцената мигот од животот пред верната публика. -Иако денес сцената е празна, сите ние го чувствуваме мирисот на сцената и театарската светлина во нас. Сите овие изминати години беа исполнети со дружење, смеа, креативност, силина, моќ, радост. Иако првпат се соочуваме со празна сцена и празни седишта, повторно светлата ќе се запалат, сценографијата ќе иде на сцената и вие, актерите, ќе ги облечете костимите и изговорите текст, затоа што театарот бил, тука е и ќе остане засекогаш! Иако сега ова е тивок период на сцената, неговото бескрајното патување низ времето продолжува со креирање и планирање нови претстави, проекти, изложби, соопшти МНТ по повод 75-годишнината. Во честитката додава дека театарот отсекогаш бил во нивните срца и мисли и поради тоа, на сите кои биле и се дел од МНТ на кој било начин, на овој ден сака да им заблагодари за пожртвуваноста и да им оддаде почит. -Вие, актерите, од различни генерации одигравте/играте на сцената со бескрајна посветеност, страст, жар, пожртвуваност и секокаш дававте/давате се од себе. Огромен е бројот на режисерите, драматурзите, сценографите, костимографите, композиторите, сектор светло, сектор тон, сектор видео, инженерите, гардероберите, реквизитерите, шминкерите, фризерите, изработувачите на сценографија, декоратерите и администрацијата кои со неуморна сила секогаш сте присутни зад сцената овозможувајќи непречено да се одвива магијата и вашата посветеност е непроценлива, стои во честитката по повод 75 гидини на МНТ. Македонскиот народен театар на 3 април го одбележува роденденот зашто на овој датум во 1945 година е изведена неговата прва премиера – претставата „Платон Кречет“ во режија на Димитар Ќостаров.

Новата сезона во „Комедија“ и МНТ од оваа недела, во Драмски од наредната

Ивона Петрова — Tue, 21 Jan 2020 10:21:11 +0000

Со претставата „Жена ми се вика Борис“ вечер од 20 часот почнува новата сезона на Театар Комедија. До крајот на меецов на репертоарот на овој театар се и претставите: „Жени пред нервен слом“, „Стјуардеси“, „Боливуд“, „Вечера за глупаци“, „Човек, ѕвер и доблест“, „Не сега, драга“ и „Вардарски пастуви“. Претставите во Македонскиот народен театар во оваа година ќе почнат в петок (24 јануари) со изведба на „Бесачи“ на режисерот Јавор Грдев, која на репертоарот е и наредниот ден. Годината за МНТ почна со гостување во Кина – екипата од „Галеб“ на режисерката Нина Николиќ денеска ќе учествува на 20-тиот уметнички фестивал „Средба во Пекинг“. Драмски театар-Скопје, пак, го одложи за наредната недела почетокот на новата сезона. Претпремиерата на претставата „Мојот маж“ по текст на Румена Бужаровска и режија на Нела Витошевиќ, која беше закажана за денеска, е одложена за наредниот месец. Новата сезона во ДТС ќе почне идниот вторник (28 јануари) со претставата „Како да се ограби банка?“ во режија на Иван Манасковски.