течности – Kurir.mk

Правите грешки со течностите кога надвор е жешко: Еве што МОРА, а што НЕ СМЕЕ да пиете

Ивана Ефремовски — Sun, 30 Jul 2023 09:48:03 +0000

Голема грешка за време на пеколните жештини е да се пие ладна вода или сокови полни со мраз, бидејќи тогаш на течноста ѐ е потребно повеќе време да се прошири низ телото и да го хидрира. Затоа, најидеално тогаш е да се пие вода изладена на собна температура. Водата секогаш е подобар избор од соковите. Исто така, добро е да се испие топол чај, но кога надвор е сув воздухот, а не влажен. Чајот го потикнува потењето, а со тоа и разладувањето на телото. Имајте на ум дека со потењето се губат течности, па тоа треба да се надомести. Лекарите велат да се избегнува алкохол, бидејќи тој дополнително го суши организмот. Сепак, каде и да одите секогаш со себе носете вода и пијте по неколку голтки што е можно почесто.

Сите знаете колку е здраво да пиете вода, но овие трикови се многу важни

Ивана Ефремовски — Thu, 14 May 2020 13:15:16 +0000

Човечкото тело се состои главно од вода и затоа е толку важно да ја пиеме секој ден. Меѓутоа, не секој ужива во дружењето со оваа течност која значи живот. Затоа, направивме листа од осум идеи како да внесете повеќе вода во секојдневниот живот и да ги задоволите потребите на организмот. За ручек јадете супа Супите и чорбите се состојат од многу вода. Постојат супи во кесичка за една порција, кои само треба да ги измешате со врела вода во шолја за чај. Освен што ќе внесете течност, исто така ќе го наградите телото со потребните минерали што тоа ги исфрла со прекумерното потење на високи температури. Пијте обезмастено млеко Можеби ќе биде потребно малку привикнување, бидејќо обезмастеното млеко е многу послабо од полномасното. Меѓутоа, обезмастеното млеко прави да се чувствувате помалку сити, па можеби ќе пиете повеќе. Кравјото млеко содржи околу 85% вода. Тоа значи дека во исто време ќе добиете и вода и хранливи материи! Кога пиете користете сламка Истражувањата покажуваат дека пиењето течности со сламка не мами да пиеме многу повеќе отколку што би пиеле кога користиме чаша. Голтките се поголеми, а голтаме помалку воздух, така што на крајот не само што пиеме повеќе вода, туку пиеме и побрзо. Пијте ладна вода или додадете мраз Ладната вода подобро се апсорбира во телото. Телото нема потреба да ја загрее млаката вода која сте ја испиле, па таа побрзо поминува низ бешиката. Пиењето литар вода и трчањето до тоалет на секој час значи дека ефикасно го чистите вашиот организам, но покажува и дека вашето тело не аспорбира онолку колку што му е потребно. Помалите количини вода кои ги пиете обично имаат подобар ефект од налевањето со вода. Вода со вкус, без шеќер За оние кои не можат да пијат обична вода, во шише со вода додадете малку сок од лимон или портокал, неколку капки домашен сок или зелен чај. Одберете вкусови кои не содржат многу шеќер, со цел тоа што го пиете да биде здраво. Додадете парче лимон Лимонот помага ќелиите да апсорбираат повеќе течности. Лажица сок од лимон во чаша вода помага во чистење на бубрезите. Јадете овошје и зеленчук Агрумите содржат многу вода, а од зеленчукот тука се тиквичките, краставиците и доматите. Доколку сте во можност, изедете барем една чинија исечкани парчиња од ова овошје и зеленчук, бидејќи така ќе внесете многу вода. Ограничете ја количината на кафе Кофеинот предизвикува прекумерно мокрење, поради кое телото може многу бргу да дехидрира. Доколку морате, чајот е малку поздрава опција.

Колку течности треба да пиете кога сте болни?

Катерина Бојаџиева — Wed, 23 Jan 2019 10:02:02 +0000

Сите го имаат слушнато советот дека, кога сме болни, мора да пиеме многу течности, на пример вода или топол чај, за да не дехидрираме. Но, колку навистина течности треба да пиеме кога ќе не` совлада болест? Во продолжение дознајте ја оваа важна информација. Иако докторите препорачуваат пиење многу течности кога сме болни, вистината е дека всушност не постојат цврсти докази дека пиењето на големи количини на течности помага при било која болест. Нормално е да се изгубат повеќе течности од обично кога сме болни, што се случува поради повраќање и во случај на покачена температура, потење. Освен тоа, метаболизмот може да биде забрзан бидејќи телото е под зголемено ниво на активности. Кога сте болни, можеби ќе ви биде потребна дополнителна хидратација за нивото на течности да биде избалансирано. Недостатокот на течности може да влијае на способноста на телото да се бори против инфекции, а болните луѓе можеби нема да ги забележат суптилните знаци на дехидратација како суви усни, сува кожа, главоболка, замор и намалено мокрење, бидејќи ќе мислат дека тоа е последица на болеста. Дехидратацијата може да биде последица на тоа што, кога сме болни, не ни се јаде и не ни се пие. Но, внесувањето на доволно течности нема директно да влијае на инфекцијата или да го излекува самиот проблем. Течноста треба да се внесува поради повторното воспоставување на баланс помеѓу електролитите и волуменот на крвта – и на тој начин хидратацијата ни помага кога сме болни. За повеќето луѓе се препорачува дневно да испијат осум чаши вода од два до два и пол децилитри без разлика дали се болни или не, а таа количина можете малку да ја зголемите доколку не се чувствувате добро или имате воспаление. Клучот е во умереноста и користењето на сопствената способност за проценка. Вие сакате на своето тело да му го дадете она што му е потребно за да оздрави и да и` се спротистави на болеста. Затоа фокусирајте се на одржување нормален внес на течности и на надополнување на течностите кои сте ги изгубиле, но немојте да претерувате и да пиете преголема количина од било која течност, советува Лаура Кристин Ли, докторка во болницата Kings College Hospital во Лондон.