Тедрос Адан Гребрејесус – Kurir.mk

Тедрос: Досега се поделени повеќе од милијарда дози вакцини

Дарко Андоновски — Thu, 29 Apr 2021 11:18:14 +0000

Шефот на Светската здравствена организација (СЗО), Тедрос Гебрејесус, денеска изјави дека во светот се дистрибуирани повеќе од милијарда дози вакцини, но 82 проценти од вакцините се дадени на земјите со висок или средно-висок стандард. Директорот на СЗО реч дека само 0,3 проценти од вакцините биле дистрибуирани во земји со ниски приходи. – Тоа е реалноста, рече Тедрос на онлајн здравствена конференција, организирана од Португалија. Тој додаде дека пристапот до вакцините е „еден од најголемите предизвици на пандемијата“ и оти јавното здравје е „основа на социјалната, економската и политичката стабилност“.

Тедрос: Преку програмата Ковакс за една недела испорачани 20 милиони дози вакцини

Дарко Андоновски — Sat, 06 Mar 2021 08:50:50 +0000

Во првата недела од дистрибуцијата на вакцините против коронавирусот преку меѓународната програма Ковакс во 20 сиромашни земји низ светот се испорачани 20 милиони дози вакцини, соопшти генералниот директор на Светската здравствена организација, Тедрос Адана Гебрејесус. -Ковакс испорача вкупно 20 милиони дози на вакцина во 20 земји, рече Тедрос на прес-конференција. Следната недела, преку програмата ќе се испорачаат уште 14,4 милиони дози на вакцини во уште 31 земја, додаде директорот на СЗО, со што вкупниот број на земји во кои ќе се достават вакцини преку овој систем ќе се зголеми на 51, додаваат британските медиуми.

Директорот на СЗО апелира за размена на податоци за новиот вид на коронавирус

Ивона Петрова — Wed, 05 Feb 2020 06:37:25 +0000

Директорот на Светската здравствена организација (СЗО), Тедрос Адан Гребрејесус ги повика сите министри за здравство итно да ја унапредат размената на податоци за новиот вид на коронавирус и најави дека ќе испрати тим од меѓународни експерти во Кина за да работат со тамошните колеги. – Испраќаме маски, нараквици, респиратори и речиси 18.000 заштитни костуми во повеќе од 20 земји на кои им е потребна поддршка, рече Гебрејесус на состанокот на Извршниот одбор на СЗО во Женева. Потсетувајќи дека досега 22 држави преземале мерки за трговија или патувања поврзани со коронавируси, тој рече дека треба да бидат краткотрајни, сразмерни на ризиците по здравјето на луѓето и редовно да се разгледува. – Таквите ограничувања можат да имаат ефект на засилување на стравот и стигмата, притоа да обезбедат мала корист, предупреди Греберејесус.