Тедрос Адханом Гебрејесус – Kurir.mk

СЗО: Повеќе од 35.000 случаи на мајмунски сипаници во светот

Магдалена Андонова — Wed, 17 Aug 2022 15:47:02 +0000

Над 35.000 случаи на мајмунски сипаници се регистрирани во 92 земји и територии во светот, што е зголемување за 20 отсто во однос на претходната недела, додека бројот на починати е 12, изјави генералниот директор на Светската здравствена организација (СЗО) Тедрос Аданом Гебрејесус. - Повеќе од 35.000 случаи на мајмунски сипаници се пријавени во СЗО од 92 земји и територии со 12 смртни случаи, рече генералниот директор на СЗО, а пренесе ТАС С. Како што наведе, минатата недела се пријавени близу 7.500 случаи на мајмунски сипаници, што е зголемување за 20 отсто во однос на претходната недела.

Тедрос: Мајмунски сипаници потврдени кај 1.600 лица

Ивона Петрова — Wed, 15 Jun 2022 05:53:18 +0000

Светската здравствена организација (СЗО) има информации дека од почетокот на годинава, мајмунски сипаници се потврдени кај 1.600 лица, а постојат сомнежи за уште 1.500 случаи во 39 земји, соопшти директорот Тедрос Адханом Гебрејесус. Тој прецизираше дека мајмунските сипаници се присутни со години во седум од тие земји, додека останатите 32 држави се погодени сега. Како што тој информираше, регистрирани се 72 смртни случаја од претходно погодените земји. Таму, каде мајмунските сипаници се појавиле неодамна, нема пријавено смртни случаи. Но, директорот истакна дека СЗО истражува за смрт во Бразил, поврзана со болеста. Според него, глобалната појава на мајмунските сипаници е „необична и загрижувачка“. Тедрос наведе и дека СЗО не препорачува масовна вакцинација против мајмунски сипаници.

Гебрејесус: Ова не е последна пандемија

Магдалена Андонова — Sun, 27 Dec 2020 08:39:42 +0000

Директорот на Светска здравствена организација Тедрос Гебрејесус денеска предупреди дека пандемијата со Ковид-19 не е последна и оти државите треба да вложуваат во здравството за да бидат подготвени за идните здравствении кризи. – Историјата не учи дека ова нема да биде последна пандемија, а епидемиите се факт, истакна Гебрејесус во видео пораката по повод првиот Меѓународен ден на подготрвеност за епидемии. Тој додаде дека попголемите вложувања во јавното здравство можат „да обезбедат нашите деца и нивните деца да наследат побезбеден, поотпорен и поодржлив свет“. (МИА)

Тедрос: Трупањето вакцини, исто така, ја продолжува пандемијата

Магдалена Андонова — Fri, 13 Nov 2020 09:19:34 +0000

Првиот човек на Светската здравствена организација, Тедрос Адханом Гебрејесус, смета дека правичниот пристап до вакцините ширум светот е во интерес на секого и секоја земја, додавајќи дека акумулацијата на вакцини во некои земји може само да ја продолжи пандемијата. -Национализмот поврзан со вакцинацијата ќе ја продолжи пандемијата, нема да се скрати, рече тој на Парискиот мировен форум, предупредувајќи дека вирусот ќе продолжи да се шири и економското закрепнување на глобално ниво ќе се забави доколку луѓето во сиромашните земји не можат да се вакцинираат. -Некои земји купуваат повеќе вакцини однапред, во количества што се над двојно повеќе од бројноста на населението, со што се загрозува достапноста на вакцините за другите земји, изјави Тедрос. (МИА)

Гебрејесус: Наредните месеци ќе бидат посебно тешки

Магдалена Андонова — Fri, 23 Oct 2020 20:50:05 +0000

Гебрејесус на состанокот во Женева рекол дека ова е критичен момент кога станува збор за пандемијата, особено на северната хемисфера. Тој истакнал дека неколкуте наредни месеци ќе бидат многу тешки и дека некој земји се на опасен пат, пренесе „ТАС“. Голем број земји бележат раст на бројот на заразени, што доведува до преоптоварување на здравствениот систем, истакна генералниот директор на СЗО. Тој ги повика лидерите на државите да преземат итни чекори со цел спречување на понатамошно влошување, како и сеопфатна анализа на епидемиолошката ситуација и итно прилагодување на мерките во оние места кои бележат голем раст на бројот на новозаразени. Освен тоа, властите мораат јасно да ја информираат јавноста за реалната епидемиолошка ситуација и да им помогнат на граѓаните и економијата, додава Гебрејесус. Тој забележал дека има недостаток на кислород во многу болници низ светот. Некои од најсиромашните држави на светот имаат само 5 до 20 отсто од потребниот кислород за лекување на пациенти, истакна генералниот директор на СЗО.

Директорот на СЗО: Долгорочните последици од коронавирус се непознати, особено кај децата

Ивона Петрова — Wed, 16 Sep 2020 09:12:11 +0000

Потенцијалните долгорочни последници од вирусот Ковид-19 се уште не се познати, особено кога станува збор за деца кои се излекувале од оваа болест, изјави директорот на Светската здравствена организација Тедрос Адханом Гебрејесус на прес-конференција во Женева. -Знаеме дека децата и адолесцентите може да се заразат и можат да заразат и други. Знаеме дека овој вирус може да биде смртоносен за деца, но и дека тие заболуваат во поблага форма. Би истакнал дека малку се тешките случаи и смртните случаи кај деца и адолесценти од Ковид-19, изјави првиот човек на СЗО. Според податоците со кои СЗО располага, помалку од 10 проценти од регистрираните случаи и помалку од 0,2 отсто од смртните случаи се меѓу лицата помлади од 20 години. Гебрејесус додава дека во секој случај потребни се дополнителни истражувања за факторите кои го зголемуваат ризикот од заболувањето од тежок облик на коронавирусот и смртен случај кај децата. Тој истакна дека потенцијално долгорочните последици по здравјето кај заразените од Ковид-19 се уште не се познати. -Иако децата најчесто не заболуваат од тешка форма на Ковид-19, тие страдаат на други начини. Во многу држави не функционира нормално работата на некои од основните служби, како на пример институциите кои вршат вакцинација, потоа училиштата не работеа и фактот дека милион деца ширум светот со месеци не одеа на настава, сето ова влијае на нив, објасни директорот на СЗО.

СЗО открива кои заедници се особено ранливи на коронавирусот

Ивана Ефремовски — Mon, 20 Jul 2020 17:51:21 +0000

Автохтоните заедници се особено ранливи на пандемијата заради условите за живот, вели генералниот директор на СЗО, Тедрос Адханом Гебрејесус. Тој изјави дека заклучно со 6 јули се пријавени повеќе од 70. 000 случаи кај домородните народи на американскиот континент и повеќе од 2.000 мртви. Автохтоните заедници сочинуваат половина милион луѓе ширум светот. „Не мора да чекаме за вакцината. Мораме да спасиме животи сега“, рече Тедрос на виртуелниот брифинг во седиштето на СЗО во Женева. Ги повика луѓето да ги преземат сите неопходни здравствени мерки, со посебен акцент на барањето контакти, за да се обидат да го спречат ширењето на Ковид-19. Во светот има над 14.6 милини заразени со коронавирусот.

СЗО: Пандемијата се влошува, а не слабее – секој ден по 160.000 нови случаи

Ивона Петрова — Thu, 02 Jul 2020 11:02:48 +0000

Светската здравствена организација (СЗО) денеска соопшти дека во јуни се регистрирани дури 60 отсто од вкупно 10-те милиони заразени со коронавирус во светот, што, предупредува таа, покажува дека епидемијата се влошува, а не слабее. Генералниот директор на СЗО, Тедрос Адханом Гебрејесус, изјави дека секој ден има по 160.000 нови случаи и ги повика сите држави да преземат сеопфатен пристап во борбата против вирусот. -Пронајдете, изолирајте и грижете се за секој случај, следете ги и ставајте ги во карантин нивните контакти, обучете и опремети ги здравствените работници, едуцирајте и оспособете ги граѓаните да можат да се заштитат себе си и другите, рече Тедрос. Тој предупреди дека земјите што применуваат само дел од мерките имаат „долг пат“, го пренесе „Гласот на Америка“. -Не само тестирање. Не само физичко растојание. Не само следење контакти. Не само носење маски. Туку се одеднаш, рече Тедрос, нагласувајќи дека една од работите што ги научи во изминатите шест месеци е дека никогаш не е доцна да се промени ситуацијата во една земја. Директорот на СЗО истакна дека носењето маска понекогаш може да спаси живот.

Тедрос: СЗО испраќа екипа во Кина да го истражи потеклото на коронавирусот

Ивона Петрова — Tue, 30 Jun 2020 08:08:41 +0000

Светската здравствена организација (СЗО) следната недела ќе испрати екипа во Кина за подобро да разбере како почна епидемијата на коронавирусот, изјави синоќа генералниот директор Тедрос Адханом Гебрејесус. -Познавањето на изворот на вирусот е многу, многу важно, изјави Тедрос, пренесен од Си-Ен-Ен. Тој додаде дека очекува посетата да доведе до разбирање на тоа како почна епидемијата и што може да се направи за светот да се подготви за тоа што го чека во иднина.

СЗО свика состанок на одборот за итни прашања

Ивона Петрова — Thu, 30 Apr 2020 07:58:12 +0000

Шефот на Светската здравствена организација Тедрос Адханом Гебрејесус, најави дека утре ќе се состане одборот за итни прашања за да се процени развојот на пандемијата со коронавирусот, три месеци по прогласувањето на итни меѓународни здравствени ситуации. Реагирајќи на бројните критики упатени кон СЗО, тој ги набројува сите акции кои Организацијата ги превземала од јануари, како и дека утре повторно ќе биде разгледана ситуацијата. На 30 јануари СЗО прогласи итна здравствена ситуација од меѓународни размери, што е највисоко ниво на узбуна и според меѓународните санитарни прописи, одборот за итни прашања треба да се состанува најмалку на секои три месеци. Првпат Гебрејесус го свика одборот кога во светот, со исклучок на Кина, беа регистрирани само 82 случаи на Ковид-19, без смртен случај.