тегови – Kurir.mk

Супер бабичка: Има 100 години и уште крева тегови (ВИДЕО)

Ивана Ефремовски — Mon, 09 Aug 2021 17:30:18 +0000

Едит Марвеј-Траина, која има 100 години, е запишана во Гинисовата книга на рекорди како најстар кревач на тегови во светот. Таа почнала да тренира на 91-годишна возраст. Сега виталната 100-годишна кревачка на тегови Едит успева да крене меѓу 20 и 45 килограми. „Додека ги гледав тие дами како тренираат, мислев дека можам да кренам тегови и го направив тоа. Колку почесто доаѓав во теретана, толку повеќе ми се допаѓаше тоа што го правев. Наскоро станав дел од тимот “, вели Едит. Станала сериозна натпреварувачка во сениорската рунда кревање и почна да освојува трофеи. Едит исто така признава дека нејзините победи во последните неколку години ја натерале да добие толку многу трофеи што во еден момент немала доволно простор за нив во нејзиниот дом. Страсната спортистка продолжува да ги инспирира другите, толку многу што ги поттикнала на различни возрасти да се занимаваат со физички активности.

Супер бабичка: 78-годишна пензионерка држи 19 рекорди – крева тегови од 180 килограми (ВИДЕО)

Ивана Ефремовски — Thu, 20 May 2021 07:37:14 +0000

Нора Лангдон е американска пензионерка која веќе 13 години крева тегови, па денес важи за атлетска ѕвезда во својата земја. Но, тоа не било секогаш така. На 65-годишна возраст, кога се пензионирала, Нора имала тешкотии дури и при качување по скали. Но, тоа ја мотивирало да се врати во форма. Така, како што, пренесува „Ту отро дијарио“, денес бабичката е во состојба да крене 180 килограми, со што држи најмалку 19 светски рекорди. -Никогаш не одев во вежбалници и не спортував додека не наполнив 65 години, признава таа во американската телевизиска програма „Добро утро Америка“. – Првиот ден кога стапнав во вежбалница, си отидов дома вечерта и си реков дека никогаш нема да се вратам затоа што ми беше премногу… Тогаш слушнав глас кој ми велеше да се вратам. Па, се вратив и еве ме денес!, раскажува таа. Бабичката сега има и личен тренер и, со постепено зголемување на масата на теговите, се смести на врвот на ранг-листата на жени во нејзината возрасна група, со победи во 20 натпревари. -Ги победив сите! Немам конкуренција!, гордо вели таа. Нејзиниот тренер Арт Литл вели дека следна цел ѝ е да направи нешто досега невидено за нејзината возраст – кревање тежина од над 453 килограми. -Тоа е изненадувачко, затоа што ќе помислите дека кога некој старее, станува послаб. Но, ова не е таков случај, затоа што таа (Нора) своето време го минува во вежбалница и работи напорно, додава Арт. – Многу луѓе во поодмината возраст, само ќе останат дома, ќе седат и ќе гледаат телевизија откако ќе се повлечат… Но, вие сте родени за да продолжите, сѐ додека Бог не „ве прибере“. Вашето тело е создадено за вежбање и треба да го одржувате во движење за да останете здрави!, вели тој. (МИА)

Топење маснотии: Со кардио или со кревање тегови?

Ристе Здравков — Thu, 20 Aug 2020 08:42:01 +0000

Без разлика дали вашето фитнес патување почнува сега или се обидувате да се ослободите од оние последни неколку килограми до идеалната тежина, сигурно сте се прашале како најбрзо и најдобро ќе ги стопите масните наслаги: со кардио или со кревање тегови? Експертите од Gravity Transformation - Fat Loss Experts одговараат на сите прашања поврзани со оваа тема. Погледнете го видеото и продолжете по патот на остварување на вашите фитнес цели.

Херој на денот: Момче со церебрална парализа крена тег двојно потежок од него

Ивана Ефремовски — Mon, 01 Apr 2019 13:32:31 +0000

Момче тешко 45 килограми крена тег повеќе од двојно потежок од него и со тоа стана хит на интернет. Тегот тежи над 90 килограми. Сè тоа, според фановите на новата интернет-ѕвезда, е уште позначајно поради тоа што момчето има церебрална парализа. Повеќето коментари на Фејсбук одат во насока на тоа дека ако еден човек е доволно упорен и посветен, ништо не е невозможно и целта е секако на дофат.