техники – Kurir.mk

ЧЕТИРИ начини како да се справите со НАПАД НА ПАНИКА: Дишењето може да биде од клучно значење

Ристе Здравков — Wed, 19 Apr 2023 07:27:32 +0000

Отежнато дишење, болки во градите, потење и забрзано чукање на срцето се само некои од симптомите на напад на паника. Овој напад може да се случи ненадејно и често спречува каква било реакција, бидејќи личноста се чувствува како да е парализирана. Многу луѓе кои имаат напади на паника велат дека се чувствуваат како да умираат или да добиваат срцев удар, додека други го опишуваат нападот на паника како чувство како да ја изгубиле контролата врз своето тело, пишува Newsbeast, пренесувајќи начини кои можат да бидат корисни во кризни ситуации. 1. Техника 4:6 За оние кои барем еднаш во животот имале напад на паника, пораката „земи длабок здив“ можеби звучи несериозно. Според д-р Јан Стенли, психолог од Универзитетот во Колорадо, оваа техника всушност функционира, но на специфичен начин. Тој препорачува да го истуркате воздухот од белите дробови неколку секунди подолго отколку што е потребно за вдишување. Обидете се да го задржите вдишувањето четири секунди, а издишувањето шест секунди. 2. „Виножито“ Д-р Каролин Рубенштајн, психолог од Флорида, им препорачува на луѓето кои имаат напади на паника да ги фокусираат своите сетила на нешто околу нив што може да го окупира и нивниот вид и нивните мисли. – Помислете на виножитото. Или побарајте три црвени работи во собата во која се наоѓате, а потоа три жолти, сини и зелени работи. Ова се многу ефикасни методи, бидејќи ќе ви го одвлечат вниманието – нагласува психологот Рубенштајн. Други „корисни одвлекувања“ може да бидат слушање музика или излегување на свеж воздух. 3. Грижете се за вашето држење Д-р Карен Лин Касидеј, директор на Центарот за третман на анксиозност во Чикаго, изјави за DailyMail дека луѓето кои се склони кон напади на паника треба да се грижат за своето држење и да стојат исправено. Променетото дишење и лошото држење може да ги влошат симптомите на анксиозност. – Стоењето или седењето во поза што ја отсликува вашата самодоверба има психолошки поттик, бидејќи го подобрува расположението и нивото на енергија, а во исто време го намалува стресот и анксиозноста – објасни д-р Касидеј. 4. Идентификувајте го нападот За многу луѓе, едноставно идентификувањето на напад на паника може да биде смирувачко. Исто така, неопходно е да се промени аголот на гледање на напад на паника и да се набљудува без реакција. – Тоа е ментален трик што го користиме, а кој некако носи логика и контрола над емоциите – откри д-р Рубенштајн.

Трикови за блескав дом, со овие едноставни намирници ќе ги отстраните најтврдокорните дамки

Ивона Петрова — Thu, 03 Jun 2021 08:40:19 +0000

Доколку сакате темелно да исчистите некои делови од вашиот дом, ова се неколку предлози кои одамна се практикувале, но во сегашноста може се малку подзаборавени. Се користат природни препарати кои ги користеле и нашите баби. Сребрен прибор за јадење Успешно може да го исчистите со помош на банана. Но, ако долго време стоел неисчистен детално, тогаш можеби е подобра опција да го ставите во тенџере кое претходно е обложено со алуминиумска фолија. Ставете три лажици сода бикарбона и додадете жешка вода. Оставете да отстои десетина минути и повторно измијте го приборот. Дамки од бигор Наслагите кои со текот на времето се создаваат од бигор, особено на туш батеријата не се убава глетка. За да го исчистите во пластична кеса ставете алкохолен оцет, а потоа во истата кеса ставете го тушот, така да биде целосно потопен. За да бидете сигурно дека кесата нема да се лизне, врзете ја и оставете да преноќи. Наслаги од лепак Доколку сакате да ја тргнете етикетата од теглата, а лепакот остана траг обидете се да го исчистите со лепак. Оцетот успешно го раствора лепакот, а помага и во отстранување на маснотиите кои знаат да останат по отстранување на лепакот. Полирање кожа Кожните чевли или чанта сакате да ги вратите во полн сјај? Пребришете нежно со мека крпа која претходно е потопена со млеко. Овој трик би требало веднаш да делува. Туш кабина Дамките на туш кабината се честа боја, а може да ги отстраните со бебешко масло. на чиста крпа ставете неколку капки бебешко масло и темелно пребришете ја кабината. Огледало во бања Пребришете го со крпа на која имате ставено пена за бричење. Со овој трик огледалото нема да се замаглува, а пената дополнително може да ја користите и како средство за отстранување на дамки од тепихот.

Најважната техника која мажите треба да ја применуваат во кревет

Ристе Здравков — Sat, 17 Nov 2018 08:44:22 +0000

Одложување или контролирање на оргазмот е техниката преку која мажот намерно го продолжува сексуалниот чин во корист на својата партнерка. Со други зборови, тоа е нешто што секој маж би требало да го прави, ако на неговата партнерка и е потребно повеќе време за доживување на оргазам. Многу мажи без размислување доживуваат оргазам, најчесто по две минути од почетокот на сексуалниот однос, и се вртат на другата страна, оставајќи ја својата партнерка незадоволна. За да не дојде до забуна, тука не станува збор за прерана ејакулација со која многу мажи имаат проблем, бидејќи тоа е незгоден проблем, но поправлив, за кој секоја жена би требало да има забирање. Голем број на мажи доживуваат оргазам по неколку минути пенетрација и сметаат дека тоа е доволно, но прашањето е што вашата партнерка има да каже на сето тоа. Секоја жена има свои преференци, но ако неа 2-3 минути не и се доволни (не зборуваме за сексот на брзина и не се работи за ситуации кога сте уморни), што би требало мажите да знаат и направат е да ја применуваат техниката на одложување на оргазам. Техниката е едноставна, кога мажот ќе почувствува дека е близу да го доживее врвот, треба да престане на кратко, а потоа повторно да продолжи. Ова треба да го направи неколку пати. Нема полошо нешто од себичен партнер кој мисли само на своето задоволство. Сексот би требало да биде забава за двајца, така да двајцата партнери да уживаат и бидат задоволни. Освен тоа, не е се во пенетрацијата. Многумина забораваат на важноста на предиграта која многу жени ја ставаат на прво место, а нивните партнери ја игнорираат.