тејлор свифт – Kurir.mk

Најстариот фудбалски клуб демантираше дека ќе биде купен од Тејлор Свифт

Ивона Петрова — Sat, 28 Oct 2023 20:17:17 +0000

Најстариот професионален фудбалски клуб во светот, англискиот Нотс Каунти, ги демантираше гласините дека ќе биде купен од големата светска поп-ѕвезда Тејлор Свифт. Откако дел од англиските медиуми пренесоа информација дека американската пејачка и кантавторка сака да го купи Нотс Каунти, се огласија сопствениците на клубот Александер и Кристофер Ридз, демантирајќи ја веста. -Жал ни е што ги разочаравме нашите и обожавателите на Тејлор Свифт, но мораме да ја демантираме оваа приказна. Сигурно нема лоша крв меѓу нас и Тејлор, но таа сигурно не можела да поверува ниту во нејзините најлуди соништа дека ќе ѝ ја препуштиме нашата контрола, порачаа Крис и Алекс Ридз, во својата шеговита објава, одговарајќи со насловите од песни на американската поп – ѕвезда. Нотс Каунти е најстариот професионален фудбалски клуб, основан во 1862 година, а во моментов се натпреварува во четвртата англиска лига. Според последната анализа на „Блумберг“, личното богатство на Свифт се проценува на 1.1 милијарда долари.

Тејлор Свифт стана милијардерка

Ивона Петрова — Fri, 27 Oct 2023 12:49:52 +0000

Тејлор Свифт влезе во редот на милијардерите. Нејзината вкупна нето-вредност сега изнесува 1,1 милијарда долари, благодарение на турнејата „Ерас“ што соборува рекорди, објави „Блумберг“. Според наводите, пејачката е една од ретките уметници кои достигнале милијарда само со музика и концерти. Крис Лејден, директор за маркетинг во „Ситгик“ (SeatGeek), смета дека „турнејата на Тејлор Свифт - „Ерас“ ја пишува „книгата за економијата на забавата“, истакнувајќи дека поп-изведувачката е „економски феномен“. Покрај стадионите за концерти, пејачката доминира и во кината. Во првиот викенд, нејзиниот концертен документарен филм „Тејлор Свифт: Турнејата Ерас“ заработи околу 96 милиони долари на киноблагајните во САД и Канада, што го прави концертен филм со најголема заработка на домашен терен во неговиот премиерен викенд. Турнејата „Ерас“ би можела да заработи 2,2 милијарди долари само од продажба на билети во Северна Америка, според истражувањето во август на истражувачката компанија „Квесчн про“ (QuestionPro). Таа сума ја претставува досегашната продажба на влезници за северноамериканските настапи, како и вториот дел што продолжува следната година, а што би ја направило турнеја со најголема заработка досега. Според некои стручни анализи во САД, тоа има битно влијание на целокупното американско стопанство. Пејачката објави во 2019 година дека има намера повторно да ги сними своите први шест студиски албуми откако нејзината поранешна издавачка куќа ги оспори и ѝ ги одзеде нејзините авторски права. Оттогаш, Свифт издаде „Тејлор“ верзии за неколку свои албуми.

Телохранителот на Тејлор Свифт се бори против Хамас во Израел

Ивона Петрова — Wed, 18 Oct 2023 09:37:15 +0000

Телохранителот на познатата пејачка Тејлор Свифт наводно се вратил дома во Израел како волонтер да се бори против Хамас, јавуваат американските медиуми. Талмор Моран, кој ја придружуваше познатата пејачка за време на нејзината последна турнеја, на својот Фејсбук профил објави фотографија во униформа, додека во описот напиша „Јас сум со Израел“. Тој потоа додаде дека „додека едната страна ги штити бебињата, децата и постарите лица, другата страна ги користи како жив штит“. -Ќе ги навредуваме животните ако овие луѓе ги нарекуваме животни, но тие не се луѓе. Тие убиваа и касапеа семејства во креветите заедно со нивните миленици, а потоа ги запалија тие куќи. Обидете се да замислите дека такво нешто се случува во вашето соседство. Вашите соседи, семејството или познаниците, напиша тој. Медиумите пренесуваат дека Талмор по потекло е од Израел, но дека со години живеел и работел во САД, пишува NY Post. Талмор напиша дека добро живее во САД и дека има работа од соништата што ја сака, одлични пријатели кои му се како семејство и прекрасен дом. „Не морав да дојдам овде (Израел). Но, не можев да гледам од страна додека некој убива семејства и ги пали во нивните домови само затоа што се Евреи или Израелци“, напиша тој. Тој потоа додаде дека не само што стои со Израел, туку е и таму. Медиумите ја контактираа Тејлор Свифт во врска со овие наводи, но таа не сакаше да ги коментира.

Бијонсе и Тејлор Свифт – двигатели на растот на американската економија

Ивана Ефремовски — Mon, 02 Oct 2023 12:12:54 +0000

Американската стопанственичка Тина Ноулс ги прославува две од можеби најактуелните музички турнеи за 2023 година - „Renaissance Tour“ на ќерка ѝ Бијонсе и „Eras Tour“ на Тејлор Свифт. Според претприеменичката, токму овие два потфати во голема мера го придвижуваат растот на американското стопанство. На Инстаграм, Ноулс прво сподели слика од Фејсбук-објава со напис од „Њујорк тајмс“, поврзана со подробна анализа на економското и културното влијание на турнејата на нејзината ќерка Бијонсе. „Ова е толку прекрасно! Да можеш да ја стимулираш економијата не е мал подвиг! @beyonce", напиша мајка ѝ, пофалувајќи ја и другата поп-пејачка во својот став. - „И @taylorswift ! Самото тоа што се млади жени и се во можност да го доживеат ова, е толку прекрасно!!! Горда сум на двете!“ Турнејата „Ренесанса“ на Бијонсе почна на 10 мај во Шведска и ќе заврши на 1 октомври во Канзас Сити, САД. Пред почетокот, „Форбс“ проценуваше дека Бијонсе ќе заработи речиси 2,1 милијарда долари од овие концерти вкупно. За време на турнејата, Бијонсе пренасочи два милиони долари за студентите и малите бизниси преку нејзината добротворна фондација „Бијгуд“ (BeyGOOD). Турнејата „Ерас“ на првично требаше да трае од 17 март до 9 август. Но, Тејлор Свифт додаде дополнителни датуми, па сега има закажани настапи и за 2024 година, и во САД и ширум светот. Така, оваа турнејата има уште 13 месеци до крајот, а се проценува дека пејачката досега заработила милијарда долари од влезници, при што „Полстар“ проценува дека тие приходи до Нова Година ќе надминат 1,4 милијарди долари. (МИА)

Тејлор Свифт триумфираше на „Ем-ти-ви наградите“ за 2023 година

Ивана Ефремовски — Wed, 13 Sep 2023 08:10:28 +0000

Тејлор Свифт е големата победничка на „Ем-ти-ви видеомузичките награди“ (MTV Video Music Awards) за оваа 2023 година, бидејќи нејзината песна „Anti-Hero“ доминираше вечерта. Свифт освои 9 одличја од 11 номинации, вклучувајќи ја и главната награда за видеоспот на годината, за најдобра песна, визуелни ефекти и најдобра поп-песна на годината. -Ова е неверојатно. Фактот дека за оваа награда гласаат гледачите значи многу за мене, изјави таа. Свифт ја доби и наградата за албум на годината („Midnights“), како и за најдобар уметник, на доделувањето во „Пруденшл центарот“ во Њуарк, Њу Џерси, САД. Водителка на емисијата беше Ники Минаж, која исто така настапи и победи во категоријата најдобра хип-хоп изведба, за хитот „Super Freaky Girl“. Лил Вејн го отвори шоуто, додека други изведувачи беа Оливија Родриго, Карди Би и Меган Ти Сталион. Се прославија и 50 години хип-хоп со крајната изведба во којашто беа вклучени Ники Минаж, Ел-ел Кул Џеј, „Ран-Д.М.Ц.“ и „Грендмастер Флеш енд д Фјуриус фајв“ коишто ја израпуваа „The Message“. Раперот Диди ја подигна наградата за „светска икона“ којашто му ја врачи неговата ќерка Ченс Комбс и Мери Џеј Блајџ и изведе избор од неговите најголеми хитови. - Ова се тие 30 години. Му се молам на Бога да го работите она што го сакате цели 30 години!, изјави познатиот рапер. Шакира, исто така, изведе cпој од неколку свои хитови земајќи ја наградата „Видеоавангард“. - Сакам да ја споделам оваа награда со моите обожаватели кои секогаш ме поддржуваат „низ сито и решето“. Ви благодарам многу што сте мојата „војска“ во сите мои битки, изјави таа, меѓу другото, говорејќи англиски и шпански. Ајс Спајс беше прогласена за најдобар нов уметник, додека Рема и Селена Гомез победија во инаугуративната категорија за најдобар афробит со песната „Calm Down“. Успех имаше и за Италија бидејќи претходната група победничка на „Евровизија“ - „Манескин“ ја доби наградата за најдобра рок-песна, за „The Loneliest“. (МИА)

Обожавателите на Тејлор Свифт на нејзиниот концерт предизвикаа земјотрес од 2,3 степени

Ивона Петрова — Mon, 31 Jul 2023 16:53:00 +0000

Концертите на Тејлор Свифт во американскиот град Сиетл предизвикаа земјотрес со јачина од 2,3 степени според Рихтеровата скала, изјави сеизмолог. Според странските медиуми, податоците биле снимени за време на нејзината турнеја на стадионот „Лумен Филд“ на 22 и 23 јули. Сеизмологот Џеки Каплан-Ауербах вели дека активноста била предизвикана од обожавателите на Свифт или од озвучувањето. Емисиите го надминаа претходниот рекорд на Сиетл, познат како „земјотрес на ѕверот“ во градот во 2011 година. Го продуцираа американските фудбалски навивачи кои го славеа тачдаунот на Маршаун Линч за Сиетл Сихокс за време на натпреварот против Њу Орлеанс Сејнтс. Д-р Каплан-Ауербах, професор по геологија на Универзитетот Западен Вашингтон, изјави за Си-Ен-Ен дека разликата помеѓу НФЛ-играта и неодамнешните концерти на Свифт е само 0,3, но „тресокот бил двојно погласен“ и „апсолутно удвоен“. Концертите во Сиетл се одржаа пред вкупно 144.000 фанови во текот на две вечери. Познато е дека музичките концерти предизвикуваат сеизмичка активност, како на пример за време на концертот на Фу Фајтерс во Нов Зеланд во 2011 година.

Тејлор Свифт со нов албум и нов рекорд на „Билборд“

Ивона Петрова — Tue, 18 Jul 2023 11:50:35 +0000

Тејлор Свифт е првата жена изведувачка со најмногу бр. 1 албуми на топ-10 листата на списанието „Билборд“ во историјата. Музичката ѕвезда тоа го постигна со својот 12. албум на оваа листа - „Speak Now (Taylor's Version)“ (инаку 13-ти албум воопшто). Со тоа новата „поп-кралица“ го надмина рекордот на Барбара Стрејсенд кај пејачките. Говорејќи за машките уметници, Џеј Зи и Битлси имаат по повеќе од 12 албуми бр. 1, иако „Билборд“ наведува дека е променет системот за рангирање албуми. Свифт (33), исто така, стана и прв жив изведувач во речиси 60 години кој има четири албуми во топ-10 списокот во истовреме, додава списанието. Меѓу нив сега се „Midnights“, „Lover“ и „Folklore“. Поп-ѕвездата сега е и првиот изведувач кој има 11 албуми на топ-200 листата на влијателното американско гласило. Нејзиното рекордно достигнување се случи среде нејзината турнеја „Eras“ (на македонски: „ери“), вредна милијарди долари, што би требало да трае до август 2024 година. „Speak Now“ првично беше издаден во 2010., но Свифт си зеде задача да ќе ги пресними своите први шест албуми за да може да ги контролира правата над нив, па ова е третиот од нив.. Во октомври лани, пејачката стана и прва изведувачка која некогаш ги зазела сите 10 места на американската табела за синглови во истовреме по објавувањето на нејзиниот 10. студиски албум „Midnights“.

ТЕЈЛОР СВИФТ СЕ ЗАКАШЛА ПРЕД 60 ИЛЈАДИ ЛУЃЕ, А ТИЕ СЕ ЗАЛЕДИЈА ОД ЗБОРОВИТЕ ПОТОА: Боже мој дали виде некој од вас што се случи? (ВИДЕО)

Дарко Андоновски — Tue, 06 Jun 2023 14:04:52 +0000

Концертот на Тејлор Свифт во Чикаго пред околу 60.000 гледачи бил прекинат за момент кога инсект и влегол во устата и пејачката го проголтала. На видеото снимено од гледачите на концертот, се гледа како Тејлор Свифт ја прекинува песната и кашла. „Голтнав инсект. Се извинувам“, кажа пејачката. Свифт брзо се обиде да го надмине изненадувањето велејќи: „Ох, тоа е одлично. Боже мој, дали некој од вас виде што се случи?’ Концертот на Тејлор Свифт во Чикаго пред околу 60.000 гледачи бил прекинат за момент кога инсект и влегол во устата и пејачката го проголтала. На видеото снимено од гледачите на концертот, се гледа како Тејлор Свифт ја прекинува песната и кашла. „Голтнав инсект. Се извинувам“, кажа пејачката. Свифт брзо се обиде да го надмине изненадувањето велејќи: „Ох, тоа е одлично. Боже мој, дали некој од вас виде што се случи?’ Потоа се обиде да остане смирена, пејачката рече: „Во ред е, го проголтав“. „На крајот на краиштата, беше забавно“ , рече Тејлор Свифт и продолжи со концертот.

Обожаватели на Тејлор Свифт доживеале амнезија по нејзиниот концерт

Ивона Петрова — Fri, 02 Jun 2023 11:17:03 +0000

Платиле стотици долари за карта и го издржале поројниот дожд за да присуствуваат на концертот на омилената пејачка и да имаат незаборавна вечер. Единствениот проблем е што не се сеќаваат на ништо од таа вечер. Токму тоа им се случи на некои фанови кои беа на концерт на Тејлор Свифт. По три часа и 40 песни, луѓето се вратиле дома од концертот и сфатиле дека не се сеќаваат на ништо. Звучи неверојатно, но многу обожаватели на Тејлор Свифт тврдат дека страдаат од „амнезија по концертот“. Психолозите велат дека тоа е можно, а зад оваа појава најверојатно стојат емоциите и времето. Обожавателите на Тејлор Свифт на социјалните мрежи пишуваат за состојби на чувство како да спијат или да се надвор од своето тело, зголемувајќи ја вината што не можеле да се сетат на клучните моменти од концертот. Амнезијата може да биде многу сериозен симптом, кој вклучува губење на сеќавањата, искуствата и информациите што ги има. Д-р Мишел Филипс, предавач по музичка психологија на Кралскиот колеџ за музика, вели дека можноста за амнезија по концертот не е толку страшна како што звучи. Објаснува дека на фановите им е тешко да не се сетат дека биле на концертот. -Всушност, тоа веројатно ќе биде една од работите што ќе ги паметат до крајот на животот. Но, тие задржале некои аспекти од таа вечер во своето сеќавање, а други не, вели д-р Филипс. Без разлика дали тие се фокусирале на танцовите движења на Свифт или уживале во чувството да се на тоа место со саканите, луѓето обрнуваат внимание на она што им е важно и ја кодираат меморијата за тие работи, наместо самата музика, објаснува Филипс. Додава дека најлесниот начин да се разбере амнезијата по концертот е изреката дека „времето лета“ кога се забавуваме. Филипс вели дека кога обожавателите се возбудени и толку внесени во моментот, може да се почувствува како времето одеднаш да поминало и тие не биле во можност правилно да обработат сè што виделе, слушнале и почувствувале.

Заљубена и среќна: Тејлор Свифт сликана со ново момче

Ивана Ефремовски — Wed, 17 May 2023 06:48:55 +0000

Откако пejaчката Тејлор Свифт раскина со долгогодишното момче Џо Алвин, продолжуваат гласините за тоа која е нејзината нова љубов, а се чини дека таа веќе веројатно и не ја крие својата љубов. Имено, поп-ѕвездата е снимена како го напушта студиото „Електрик лејди“ во Њујорк со британскиот музичар Мети Хили - насмеана. Папараците ги снимиле доцна навечер, а музичарите побрзале до автомобилот којшто ги чекал пред студиото. Како што пренесуваат западните медиуми, на сликата, „Свифт се смешкала, а Хили замижал“ бидејќи му пречеле блицовите. До неодамна се говореше дека Свифт е во врска со Фернандо Алонсо. Возачот на Формула 1 објави неколку видеа коишто ги поттикнаа гласините за нивната врска. Во едната снимка, нејзината хит-песна „Карма“ беше пуштена во позадина, па некои обожаватели се убедени дека видеото снимено во вежбалница навестува наводна врска. (МИА)