Тел Авив – Kurir.mk

Блинкен во Тел Авив: Израел има право и должност да се заштитува

Ивана Ефремовски — Fri, 03 Nov 2023 13:35:25 +0000

Израел има право и должност да се заштитува, за да гарантира дека нападот од 7 октомври никогаш повеќе нема да се повтори, изјави денеска американскиот државен секретар Ентони Блинкен. Тој ова го изјави во Тел Авив за време на неговата втора посета на Блискиот Исток по почетокот на војната меѓу Израел и Хамас. „Остануваме убедени дека Израел има не само право, туку и должност да се заштитува и да направи се што е во негова моќ, за да не се повторат нападите од 7 октомври“ врз палестинското исламистичко движење против еврејската држава, рече Блинкен по состанокот со израелскиот претседател Јицак Херцог. Американскиот државен секретар изутрината се сретна со израелскиот премиер Бенјамин Нетанјаху. Тој денеска е во Израел, а викендот ќе го посети Јордан. (МИА)

Ракети истрелани кон Тел Авив, се огласија сирените за воздушен напад

Катерина Бојаџиева — Thu, 26 Oct 2023 11:57:45 +0000

Сирените за воздушен напад денеска се огласија во Тел Авив, откако врз градот беа истрелани низа ракети. Сирените се огласија и во Холон, Ришон Лезион и околните области. Жителите известуваат за експлозии кои најверојатно се резултат на израелскиот одбранбен систем „Железна купола“, пишува Тајмс оф Израел. Засега нема информации за повредени.

Силен ракетен напад врз Ерусалим и Тел Авив, пратениците од Кнесетот во засолништа

Ивана Ефремовски — Mon, 16 Oct 2023 14:52:37 +0000

Силен ракетен напад е извршен денеска врз Ерусалим и Тел Авив, принудувајќи ги пратениците од Кнесетот сред седница да мора да одат во засолништа. Сирените за воздушен напад се огласија во Ерусалим и Тел Авив, а членовите на палестинската милитантна група Хамас од Појасот Газа лансираа ракети со долг дострел. Тајмс оф Израел“ наведува дека ова е веројатно најголемата канонада од баражен ракетен оган од првиот напад на Хамас на 7 октомври. Неколку силни експлозии се слушнале во двата најголеми града во Израел, но засега нема извештаи за повредени или материјална штета. Седницата на Кнесетот, на чиј почеток зборуваше премиерот Израел, Бенјамин Нетанјаху, е одложена, а пратениците и останатите присутни отидоа во засолништа. (МИА)

Хамас го нападна аеродромот во Тел Авив

Катерина Бојаџиева — Tue, 10 Oct 2023 13:12:46 +0000

Сирените за воздушен напад денеска се огласија низ Тел Авив и други околни градови, а палестинската милитантна група Хамас соопшти дека повторно ги нападнала градот и аеродромот Бен Гурион. Во градот се регистрирани силни детонации, јавија локалните медиуми. Според нив активиран е и заштитиниот ПВО систем Железна купола. По делумно затишје тоа е нов голем напад, објавија израелските медиуми. Портпаролот на бригадата на Хамас, Ал Касам Абу Убаида изјави дека нападот бил одговор на убиствата на цивили. Во исто време, на населението во Ашкелон му е даден рок да го напушти тој град до 17 часот по локално време.

Сирени за можни воздушни напади се огласија во Ерусалим и во Тел Авив

Тале Кристо — Mon, 09 Oct 2023 15:21:20 +0000

Сирените се огласуваат низ Ерусалим и Тел Авив во моментов, јавија локалните израелски медиуми. Регистрирани се серија детонации веднаш по активирањето на сирените. Вооруженото крило на Хамас потврди дека истрелало ракети кон Ерусалим како одговор на бомбардирањето на цивилни домови. Засега нема извештаи за загинати или материјална штета.

ВИДЕО: Хаос на аеродромот во Тел Авив, ракета падна во близина

Ристе Здравков — Mon, 09 Oct 2023 10:38:08 +0000

Хамас ги ракетира Тела Авив, Ерусалим и уште неколку израелски града. Една од ракетите насочени кон Тел Авив падна во близина на аеродромт Бен Гурион. Веднаш настана паника меѓу патниците.

Latest News;
Rockets hit Tel Aviv’s Ben Gurion Airport , Hamas is not coming slow#طوفان_القدس #IsraelPalestineWar #FreePalastine #Israel #IStandWithPalestine #IStandWithIsrael #Israel_under_attack #Gaza #HamasTerrorists #hamas #Hezbollah pic.twitter.com/FFOWOrJgdc
— Verona Mark (@Venora_mark) October 9, 2023

Хаос настана на аеродромот исполнет со луѓе кои поради војната се обидуваат да го напуштат Израел.

Ben Gurion Airport in Tel Aviv after being targeted by Palestinian missiles#طوفان_الأقصى #عملية_طوفان_الأقصي #غزة_تحت_القصف #FreePalastine #طوفان_القدس #كتائب_القسام pic.twitter.com/zS6U8swm8X
— اللهم انصر فلسطين يارب 🇵🇸❤️ (@Lewandoski84254) October 9, 2023

На видеата објавени на социјалните мрежи се гледаат луѓе кои трчаат од авионите назад во аеродромската зграда. Голем број странски државјани, но и Израелци бегаат од земјата поради војната која почна во саботата. Сите земји почнаа експресна евакуација на своите државјани.

„Виз ер“ ги откажа сите летови до и од Тел Авив

Ристе Здравков — Mon, 09 Oct 2023 09:06:24 +0000

Унгарската авиокомпанија „Виз ер“ ги откажа сите летови до и од Тел Авив. Тоа не е првата авиокомпанија која направи ваков потег. „Поради ситуацијата во Израел, ги откажавме сите летови до и од Тел Авив до понатамошно известување“, се вели во соопштението на „Виз ер“. Како што јавија американските медиуми, „Јунајтед ерлајнс“, „Американ ерлајнс“ и „Делта ерлајнс“ објавија дека привремено ги прекинале летовите од и до меѓународниот аеродром во Тел Авив. Летовите ги откажаа и „Ер Франс“ и нискобуџетната компанија на „Трансавија груп“ Ер Франс – КЛМ соопшти дека во наредниот период ги откажува сите летови од Париз и Лион до Тел Авив. Летовите за Тел Авив ги откажаа и германската авиокомпанија Луфтханза и „Брусел ерлајнс“, дел од авиогрупата.

Хамас: Нападот во Тел Авив е одмазда за израелската операција на Западниот брег

Тале Кристо — Wed, 05 Jul 2023 05:53:37 +0000

Палестинското исламистичко движење Хамас ја презеде одговорноста за нападот со возило врз група луѓе во Тел Авив и соопшти дека тоа е одмазда за големата израелска операција на Западниот Брег. Во нападот беа повредени осум лица, а најмалку пет се во тешка состојба, соопштија од двете болници кои ги примија повредените. Еден 20-годишен палестински напаѓач, со потекло од окупираниот Западен Брег, вчера влета со возилото во група луѓе, а потоа го продолжил нападот вооружен со нож. Напаѓачот бил убиен од вооружен цивил, соопшти полицијата. Израелската безбедносна агенција Шин Бет соопшти дека напаѓачот влегол во Израел без дозвола и не им бил познат на израелските власти. Хамас тврди дека напаѓачот бил еден од неговите членови и дека нападот бил „чин на самоодбрана среде актуелниот ционистички масакр во Џенин“. Израелскиот министер за полиција, Итамар Бен-Гвир, дојде на местото на нападот во Тел Авив и го повтори својот повик до граѓаните да носат оружје за да се одбранат во улични напади. -Кога Израел ја почна својата активност во Џенин, знаевме дека тероризмот ќе се обиде да се закани, рече тој.

Палестинците извршија терористички напад во Тел Авив, загина италијански турист

Ристе Здравков — Sat, 08 Apr 2023 10:23:02 +0000

Еден италијански турист загина, а седум други се ранети во напад со автомобил во близина на плажа во Тел Авив во петокот (7-ми април), соопштија израелските власти. Италијанскиот министер за надворешни работи изјави дека убиениот бил италијански државјанин, Алесандро Парини. Снимката од местото на настанот покажува превртен автомобил во близина на шеталиштето и израелски полицаец кој отвора оган. Израелското Министерство за надворешни работи посочи дека се работи за терористички напад, иако се уште не е јасно што се случило, пренесе агенцијата АП. Израелската полиција соопшти дека автомобилот удрил во група луѓе во близина на популарниот приморски парк пред да се преврти. Локалната полиција соопшти дека полицајците го убиле осомничениот напаѓач. Нападот се случи откако претходно во петокот две сестри беа убиени, а нивната мајка беше ранета во престрелка на окупираниот Западен Брег. Полицијата во Тел Авив соопшти дека во 21:25 часот по локално време (18:25 часот по средноевропско време), 45-годишен маж возел автомобил Киа покрај градската плажа, удирајќи во неколку пешаци пред да се преврти на тревникот на Чарлс Клор. Израелските служби за итни случаи соопштија дека освен наводниот сторител, во нападот имало вкупно осум жртви и дека сите се туристи. Од ранетите тројца се здобиле со тешки телесни повреди, но не се опасни по живот, а четворица се само полесно повредени, се вели во соопштението.

Илјадници на улиците на Тел Авив протестираа против новата влада на Нетанјаху

Ристе Здравков — Sun, 08 Jan 2023 08:12:46 +0000

Неколку илјади луѓе синоќа излегоа на улиците на Тел Авив за да протестираат против новата влада на премиерот Бенјамин Нетанјаху, која ги обединува екстремните десничарски и верски партии. Демонстрантите се собраа во центарот на крајбрежниот град и гласно маршираа низ улиците, веејќи израелски знамиња и држејќи транспаренти против Нетанјаху. „Заедно со илјадниците демонстранти излеговме да протестираме и јасно да кажеме – нашата земја не може да се уништи! Ќе продолжиме да се бориме за нашата демократија“, напиша на Твитер лидерот на израелската Лабуристичка партија, Мерав Михаели. Новиот десничарски кабинет на Нетанјаху положи заклетва минатата недела, при што неколку министерски места беа доделени на ултранационалисти. Се наведува дека владата планира сеопфатни реформи, од проширување на населбите на окупираниот Западен Брег до слабеење на моќта на судството. Драматичните реформи на новиот министер за правда Јарив Левин во судството беа главната грижа на демонстрантите. Левин сака да му овозможи на мнозинството во парламентот да ги поништи одлуките на Врховниот суд. Левин сака да го промени и составот на телото кое ги назначува судиите. „Ако не излеземе на улица, ќе ја изгубиме нашата демократија“, рече еден од демонстрантите Хеви Боем, додавајќи дека новата влада е криминална и корумпирана. Друг учесник рече дека е добро што толку многу луѓе излегоа на улица, „но дека сè уште не е доволно да се спречи оваа криминална власт“. Меѓу изменетите закони беше и оној што му дозволи на лидерот на ултраортодоксната партија Шас Арјеха Дери да стане министер за внатрешни работи и покрај пресудата за даночни прекршувања. Нетанјаху, од друга страна, е лидер со најдолг стаж во Израел и е вмешан во години на истраги кои вклучуваат измама, нарушување на довербата и корупција.