телефон – Kurir.mk

Газа повторно оставена без интернет и телефонски услуги

Ивона Петрова — Wed, 01 Nov 2023 06:43:06 +0000

Интернетот и телефонските мрежи денеска се во целосен прекин во Појасот Газа, соопшти палестинската агенција за телекомуникации, што се случува по вторпат на територијата за помалку од една недела. „До нашите добри луѓе во саканата земја, жал ни е да објавиме дека комуникациите и интернет услугите се целосно прекинати во Газа“, соопшти Палестинската телекомуникациска компанија (Палтел) на X. Интернетот и телефонската мрежа беа во целосен прекин минатата недела, но беа обновени во текот на викендот. Владата на палестинската милитантна група Хамас тогаш го обвини Израел дека тоа го предизвикал со цел да „изврши масакри“ во Појасот Газа.

Трикови за да не Ве болат очите од гледање во телефон и компјутер

Катерина Бојаџиева — Fri, 18 Aug 2023 19:18:39 +0000

Се повеќе луѓе премногу време поминуваат пред компјутер и гледајќи во телефон. Ако сте во таква ситуација правете чести паузи и гледајте во билки. Околу 80 отсто од луѓето кои поминуваат повеќе од три часа дневно пред компјутер мислат оти тоа им прави проблеми, а половина од нив велат дека тоа им штети на очите. Проблеми се сушење на очите, загалување на погледот, главоболки, чувствителност на светло и замор. Она што е ефикасно е да направите повеќе мали паузи отколку една долга, како и да држите билки во канцеларијата. Тие се добри за превенција на сушењето на очите зашто додаваат влажност. Освен тоа, мониторот држите го под прав агол во однос на прозорецот и светилките, избегнувајте индиректно осветлување, а очите држите ги 50 до 80 сантиметри оддалечени од екранот – со што ќе го намалите заморот и проблемот со очите.

10 апликации кои најмногу ви ја цицаат батеријата на мобилниот телефон

Ристе Здравков — Mon, 17 Jul 2023 07:41:15 +0000

Апликациите за социјалните мрежи, стриминг сервисите и некои игри се меѓу најголемите виновници за трошење на батеријата на вашиот телефон, открија експертите. Според технолошките експерти, веб-локациите за технолошки тргување, апликациите кои најмногу влијаат на траењето на батеријата на вашиот паметен телефон се оние кои постојано работат во заднина – дури и кога не се користат активно, пренесува Daily Mail. Facebook и Instagram кои се во сопственост на Meta, Twitter, Snapchat и TikTok се едни од „тешкашите“, предупредуваат експертите, бидејќи апликациите имаат пристап до вашата локација, микрофон, камера и контакти во секое време. Ова е особено забележливо откако корисниците се пожалија дека новата апликација за социјално вмрежување на Meta, Threads, која собори рекорди со собирање повеќе од 109 милиони корисници од лансирањето минатата недела, ја троши батеријата на нивниот телефон „со молскавична брзина“. Некои фрустрирани корисници на новата апликација за микроблогирање, која многумина ја гледаат како директен ривал на Twitter, дури ја избришаа апликацијата откако им ја испразни батеријата на паметниот телефон. Иако причината за ова празнење на батеријата останува нејасна, експертот за сајбер безбедност Џејк Мур посочи дека тоа би можело да биде резултат на процес наречен „негативно тестирање“. „Апликациите на Meta долго време беа обвинети дека предизвикуваат празнење на батеријата на iPhone“, рече тој. „Ова може да биде затоа што програмерите се обидуваат да разберат повеќе за нивната апликација и како корисниците комуницираат со неа. Процесот наречен негативно тестирање се користи за да им помогне на програмерите да научат како луѓето ја користат апликацијата за да ја подобрат, а се сметаше дека Facebook ја користел во минатото“, вели Мур. Толп 10 апликации кои ви ја трошат батеријата: 1. Facebook 2. Twitter 3. Instagram 4. Snapchat 5. TikTok 6. Uber 7. Amazon 8. Spotify 9. Netflix 10. Candy Crush

Ако го правите ова пред спиење, многу си наштетувате на здравјето

Катерина Бојаџиева — Sun, 29 Jan 2023 21:37:57 +0000

Едно научно истражување дојде до сознанија кои укажуваат на тоа дека не смееме да го користиме мобилниот телефон барем пред спиење. Зборувањето на телефон пред спиење не е ни најмалку здрава навика. Од направената студија утврдено е дека оние кои го практикуваат тоа патат од главоболка, несоница и хроничен умор. Во истражувањето учествувале 36 жени и 35 мажи, на возраст од 18 до 45 години. Некои од испитаниците примиле радијација еднаква на онаа која ја емитува мобилниот телефон за време на разговорот, а останатите биле подложни на лажна радијација. Личностите од првата група чувствувале главоболка, несоница, а другата група немала никаква последица. Научниците сметаат дека зрачењето делува на дел од мозокот кој е одговорен за контрола на стресот. Затоа тие препорачуваат да го исклучуваме телефонот во текот на ноќта и да не го користиме непосредно пред да спиеме.

Не го запоставувајте детето поради телефонот, можни се лоши трајни последици

Ивона Петрова — Thu, 27 Oct 2022 10:18:13 +0000

Паметните телефони се голем дел од човековото секојдневие, па лекарите предупредуваат дека тоа станува сериозен светски проблем. На пример, родителите кои ги игнорираат своите деца и минуваат доста време на своите паметни телефони, ги изложуваат децата на опасност од депресија, сметаат стручњаците. Кинески научници кои проучувале 530 ученици на возраст од 10 до 18 години за да видат дали се жртви на тој вид запоставување дошле до занимливи откритија. Имено, децата чии родители биле „опседнати“ со телефонот, покажале поголеми симптоми на депресија при пополнувањето на прашалникот од оние чии родители не биле често со мобилните в рака. „Запоставувањето од родителите е сè почеста појава, при што родителот го користи мобилниот телефон во интеракциите со своите деца, а тие се чувствуваат исклучени“, објаснуваат научниците во напис објавен во „Журнал“. Така, примерите за родителско запоставување вклучуваат „редовно“ проверување на телефонот за време на оброците и постојано гледање во екранот и известувањата на него. Кинескиот научен труд содржел и прашања за учениците, меѓу другото, и за рангирањето, по своите гледишта, за родителската топлина и отфрлањето. Лицата кои учествувале во истражувањето биле на возраст меѓу 10 и 18 години. Откритијата говорат дека родителите колку повеќе време минуваат со паметниот телефон в рака, толку е поголема веројатноста децата да развијат депресија или анксиозно нарушување. Односно, децата на родителите кои се „врзани за нивните телефони“ се чувствувале лошо, отфрлено и добиле помалку внимание од возрасните, за кои, пак, сметаат дека се повеќе заинтересирани за екранот, отколку да им посветат внимание ним, тврдат стручњаците.

Имате празна батерија на телефонот? Внимавајте каде ја полните!

Ристе Здравков — Thu, 28 Jul 2022 11:06:03 +0000

На сите ни се случува да заборавиме или да немаме време да го наполниме телефонот. Ова може да биде вистински проблем кога сме далеку од дома. За наша среќа, има се повеќе јавни места кои ќе ни ги олеснат маките и ќе ни овозможат целосно бесплатно да ја наполниме батеријата. Сепак, иако јавните станици за полнење може да изгледаат како добредојдено решение, нивното користење може да ни создаде огромни проблеми. Зошто? „Тие станици за полнење и USB-портали може лесно да се модифицираат за да им овозможат на криминалците пристап до нашите телефони, вклучително и инсталирање малициозен софтвер на уредите“, вели Џејмс Гопел, професор по сајбер безбедност на Универзитетот Дрексел. Ова се најопасните места за полнење на вашиот уред: – Аеродроми – Железнички / автобуски станици – Туристички атракции – Трговски центри – Хотели – Кафулиња Овие локации се многу посетувани и криминалците ги сакаат, бидејќи можат да допрат до огромен број жртви. Најбезбедниот начин за полнење е штекерот каде што ќе го приклучите полначот на телефонот (ако го носите со вас). Хакерите не можат да пристапат до вашиот уред на овој начин, па дури и ако штекерот е оштетен, полначите на нашите телефони се „паметни“, па мала е веројатноста дека батеријата на телефонот може да се оштети.

Како да знаете дали некој ви го прислушкува телефонот: Експерти откриваат сигурносни знаци дека некој ве следи!

Магдалена Андонова — Tue, 26 Jul 2022 19:40:26 +0000

Сигурно барем еднаш во животот сте помислиле дека некој ви го следи телефонот. Технологијата измина долг пат, но затоа следењето и прислушувањето никогаш не било полесно, особено на мобилен телефон. Хакерите можат да дознаат апсолутно сè за вашиот живот! Со следење на GPS сигналите, тие можат да знаат каде одите на шопинг и други локации што редовно ги посетувате. Откако ќе соберат доволно информации, можат да ги продадат на Dark Web или да ги користат за кражба на идентитет, што не е невообичаено овие денови. За тоа сведочат бројни случаи ширум светот. Затоа, важно е да ги препознаете сигналите што ги испраќа мобилниот телефон во случај некој да ве следи: Телефонот сам се ресетира – Доколку мобилниот почне сам да се рестартира, тоа може да биде знак дека е хакиран – објаснуваат експертите за безбедност на уредите поврзани на интернет. Додаваат дека злонамерната програма вметната на каков било начин најчесто доаѓа во „конфликт“ со други апликации, па телефонот се „расипува“. Телефонот драстично забави Вашиот уред одеднаш забави и ве нервира? Вистина е дека секој телефон, iOS или Android, со текот на времето губи брзина и капацитет, но ако тоа се случи во комбинација со други „симптоми“ од оваа листа, секако не е добро. Слушате необични звуци Ако слушнете ехо, статични звуци или кликање, тоа може да биде знак дека некој ги слуша вашите повици. Експертите објаснуваат дека тоа ретко се случува, бидејќи хакерите усовршиле бројни техники, но внимавајте на квалитетот на звукот за време на разговорите кога сте во мирна средина или сами. Уредот е тајно вкоренет Станува збор за рачно отстранување на ограничувањата на производителот, за да може да се пристапи до заштитените делови на уредот и да се инсталира програма за шпионирање. „Не можете сами да го забележите ова. Побарајте Cydia за iOS или SuperUser за Android. Може да се случи и сами да се појават на вашиот екран“, велат експертите. На телефонот му треба премногу време за да се исклучи Обрнете внимание ако на телефонот му треба подолго време за исклучување од вообичаено. „Кога ќе го притиснете копчето за исклучување, уредот мора да ги заврши сите задачи што ги започнал. Ова значи и испраќање податоци на трета страна, односно хакер, што значително го зголемува времето на исклучување“, открива Readers Digest. Мобилниот често се прегреева Дали забележавте дека уредот е „жежок“ во последно време? Ова може да биде знак дека е хакиран. Злонамерна програма што работи континуирано, без да сфатите, доведува до прегревање. Секако, има и други причини поради кои телефонот се прегрева, а причина за тоа би можела да биде батеријата. Уште две причини за кои треба да се грижите и кои би можеле да бидат знак дека телефонот ви е хакнат се брзото празнење на батеријата и постојаното „пржење“ на интернетот, т.е. пакет на податоци. Што можеш да направите? Првото нешто што треба да направите е да го ресетирате телефонот. „Звучи неверојатно, но некои апликации и софтвер за следење се потпираат на тоа што никогаш не го рестартирате телефонот. Со овој едноставен потег ќе ги запрете хакерите“, рекол споменатиот извор. Антивирусните апликации можат да помогнат, но ако ги имате не значи дека сте заштитени. - Исклучете ги GPS-от и локацијата кога не ви требаат, бидејќи тоа спречува трето лице да ја знае вашата локација. Исто така, важно е редовно да го ажурирате телефонот и да ги бришете апликациите со кои не сте запознаени - се заклучува во написот Readers Digest. Ако ништо од ова не помогне, тогаш ресетирањето е во ред, но ресетирањето на хардверот и чувањето само на најосновните копии на податоци - фотографии, видеа, пораки, содржината на апликацијата Notes и други работи што не се од системска природа - велат сајбер-експертите.

Побрзо СТАРЕЕТЕ: Користењето на телефон пред спиење може да биде полошо отколку што мислевте

Ристе Здравков — Wed, 06 Jul 2022 08:48:44 +0000

Веќе е познато дека користењето на телефонот пред спиење не е особено здраво, па многу експерти ги повикуваат луѓето да не го користат овој уред барем еден час пред спиење. Веројатно знаете дека доколку го користите телефонот во кревет, потешко ќе заспиете, но тоа не е единственото нешто што може да го предизвика оваа навика. 1. Долгорочно нарушување на спиењето Многумина ќе ги поминат последните будни часови на крајот од денот читајќи пораки, е-пошта или вести, гледајќи фотографии или смешни видеа. Ова не само што може да ви го наруши сонот таа ноќ, туку може да влијае и на вашиот сон на долг рок, особено ако тоа е вашата вообичаена навика. Со користење на телефонот во кревет, можете да го нарушите целиот циклус на спиење и будност, а недостатокот на сон сам по себе може да создаде голем број здравствени проблеми. 2. Ефект на очите Сигурно сте го прелистувале вашиот Инстаграм и видот наеднаш ви се заматил. Ништо неочекувано и ништо што само вам ви се случува. Гледањето во екранот, особено ако е темно околу вас, доведува до прекумерно напрегање на очите, што предизвикува таканаречен замор на очите. За да ги заштитите очите, обидете се да ја намалите осветленоста на екранот и да избегнувате да го користите телефонот предолго. 3. Постојана болка во вратот Ако генерално имате проблеми со болки во вратот, користењето на телефонот може да го влоши вашиот проблем. Кога ја навалувате главата напред за да погледнете во екранот, ги затегнувате мускулите на вратот, што предизвикува болка. Ако не можете да замислите легнување без да го проверите телефонот, обидете се да го држите на ниво на очите за да избегнете оптоварување на мускулите. 4. Ова може да доведе до побрзо стареење на вашата кожа Ако ги преземете сите неопходни чекори за да ја одржите вашата кожа здрава, мазна и хидрирана, штета е што една мала и непотребна навика ќе ви ги уништи напорите. Кога гледате надолу во вашиот телефон, тоа предизвикува да се појават линии и брчки на вашиот врат, што пак може да направи да изгледате премногу старо.

Избришан „Вибер“ од мобилниот на Матеј: Производителот вели дека тоа може да го направи само корисникот

Магдалена Андонова — Mon, 14 Feb 2022 08:30:50 +0000

Избришан „Вибер“ од мобилниот на Матеј: Производителот вели дека тоа може да го направи само корисникот. Имено, вибер апликацијата на овој уред, која последен пат беше достапна на 22 јануари, е деинсталирана! Засега не се знае кој и зошто би можел да го направи тоа, но она што се знае е дека апликацијата не се брише од телефонот од страна на производителот по кратко некористење, туку нејзиното деактивирање мора да го направи корисникот, односно некој кој има пристап до телефонскиот систем. Профилот на Матеј се уште постои на „Whats app“, објави Информер. Телефонот на исчезнатиот сплиќанец од самиот почеток е голема енигма. Според податоците на полицијата, сигналот на оваа телефонот е регистриран ноќта на 31 јануари на шеталиштето кај Сава, каде се претпоставува дека Матеј влегол во водата, иако камерите не го забележале како го прави тоа. Следниот сигнал бил „фатен“ околу 2,5 часа подоцна, на неколку километри, во близина на островот Голема војна. Оваа информација на многумина им звучеше чудно, со оглед на тоа дека доколку Матеј влегол во Сава, а телефонот му бил во џеб, немаше да може толку долго подоцна да даде сигнал. Овие наводи ги потврди и компанијата која го произведе телефонот.

Зошто се избришани фајловите со Вац Ап комуникации од телефонот на Боки 13?

Магдалена Андонова — Mon, 06 Dec 2021 14:32:46 +0000

Телефонот на Бојан Јовановски алијас Боки13 беше и сеуште е тема која отвара многу легитимни прашања. Одбраната на Бојан Јовановски во текот на судската постапка за случајот Рекет повеќе пати го бараше телефонот на обвинетиот Јовановски да им биде даден на вештачење и селектирање на докази кои произлегуваат од содржината на истиот, но судијата Васка Николовска Масевска која е патем и во блиска роднинска врска (класичен пример на непотизам) со претседателот на кривичен суд Иван Џолев не дозволи на одбраната на Јовановски да го добијат телефонот на вештачење и да бидат презентирани доказите од истиот. Од денеска дистанца јасно е зошто судијката која го судеше Рекет не го дозволи барањето на одбраната и на тој начин брутално ги прекрши правата на одбраната во смисла на начелото на еднаквост на оружјата на сите страни во постапката и начелото на фер баланс на судењето. Од денескна перспектива може да се заклучи дека судскиот процес за Рекет се одвиваше и повеќе од брзо со набиена агенда се со цел да се заврши со пресуда без да бидат одговорени главните прашања за кои и стручната и општата јавност остана без одговори. Обвинителката Вилма Русковска конфузно и нејасно даваше различни одговори каде завршиле парите од фамозната торба Луи Витон. Во едно ТВ гостување кажа дека Јовановски ги потрошил на гардероба, веќе во друго интервју кажа дека Јовановски ги потрошил за сега згаснатата 1ТВ бидејки телевизијата била скапа играчка, за на крајот во трето интервју да одговори дека поминал подолг временски период и дека не знае каде завршиле парите?! Овие загрозувачки изјави на Русковска отвораат сомнеж за целата кривично правна постапка, за многубројните незаконитости во самиот судски процес, а особено во прилог на ова доаѓа фактот дека по брза постапка се пресуди "делото без телото"! После повеќе од две години на одбраната на Јовановски и беше дадена форензичка копија од телефонот како би извршиле анализа и вештачење и повторно се случи "нешто да фали". Нашата редакција го контактираше правниот тим на Јовановски од каде ни одговорија дека ќе ги искористат сите правни и институционални механизми за да биде повратена целата содржина од телефонот на нивниот клиент, додавајки дека изминатите денови до судот е доставен стручен извештај од страна на вештото лице кое го работи телефонот на Јовановски со целосно образложение што содржи форензичката копија, а што недостасува во истата, па во контекст на тоа адвокатот Дуковски додава дека судот е должен да ја обезбеди целата содржина бидејќи токму од доказите во телефонот на Јовановски ќе произлезат нови решавачки факти за утврдување на вистината како и за Рекет, така и за случајот Меѓународен сојуз кој е во судска сесија. Дуковски додава дека од оваа дистанца откако ги прегледал дел содржините кои се достапни на хард дискот, јасно му е зошто не бил даден телефонот во Рекет и дека многу високо профилни лица има од што да стравуваат. Дуковски: Се поставува прашањето зошто баш недостасува клучната комуникација од платформата Вац Ап на која Јовановски имал комуникација со Зоран Заев, неговиот брат Вице Заев, братучедот Трајце Заев, министерот Оливер Спасовски, Радмила Шекеринска, Фросина Ременски, Александар Кирацовски, Стефан Богоев, обвинителката Вилма Русковска, други обвинители и судии, директори на јавни установи... Во телефонот на мојот клиент има 317.000 фотографии и над 10-ци милиони фајлови, меѓу фотографиите има скрин шот од Вац Ап платформата, а за да има такви скрин шот фотографии морало и да има комуникација, така нели? Но и повеќе од јасно е дека на точно одредени структури не им одговара овие докази да излезат во јавност, бидејки тоа ќе значи морална, но и кривична одговорност на повеќе лица. Дуковски додава дека вештачењето на телефонот на Јовановски, кој досега не бил вештачен од страна на обвинителството претставува нов несоборлив доказ кој највисокиот суд во државата треба да го земе во обзир и во смисла на императивните одредби од ЗКП да овозможи нова судска постапка каде ќе има фер баланс и еднаквост на орудијата и на крајот законита пресуда со точно утврдена фактичка состојба за кривично правниот настан согласно законот за кривична постапка. Јовановски пред судот до Републичкиот обвинител Јовевски неколку пати бараше изземање на Вилма Русковска поради сомневање за непристрасност. Добро упатени извори велат дека токму од содржината на телефонот ќе се види дека Русковска комуницирала со Јовановски и споделувала информации со него кои според закон морале да бидат тајни. Да потсетиме дека и самиот Јовановски пред судот истакна дека Русковска му кажувала доверливи информации, меѓу другото кажа дека ден однапред пред да биде донесена пресудата од страна на судијката Кацарска му ги напишала во порака пресудите за обвинетите во случајот 27-ми Април. Како можела Вилма Русковска однапред да ги знае пресудите? Дали е ова доказ спрегата помеѓу обвинителите и судиите и нарачаните судски пресуди?! Од сето ова може да се заклучи дека лицето на правдата не е обелено, останува да видиме кој ќе биде следниот потег во овој судско- политички шах, каде досега само пиуните ги изгубија своите глави. На ред се повисоките фигури, шахот е долга игра, но на крајот секогаш следува шах - мат, а јавноста и правдољубивите граѓани овој пат очекуваат вистината и правдата да го зададат шах- матот во име на владеењето на правото и правната држава. Следното закажано рочиште за случајот Меѓународен сојуз е на 09.12.2021 четврток, каде ќе се дознае одлуката во врска со доказите од телефонот на Јовановски на судијката Софче Гаврилова Ефремова која го води предметот.