телефонска линија – Kurir.mk

„Њујорк Тајмс“: Постојана заштитена телефонска врска на Зеленски со Бајден

Ивона Петрова — Mon, 07 Mar 2022 06:55:37 +0000

СAД за украинскиот претседател, Володимир Зеленски, обезбедиле шифрирана комуникациска опрема што му овозможува директен контакт со американскиот претседател, Џон Бајден, преку безбедна телефонска врска, објави весникот „Њујорк Тајмс“. Портпаролката на Белата куќа, Џен Псаки, вели дека САД споделуваат разузнавачки информации со Украина „во реално време“, без притоа да прецизира детали. Весникот пишува и дека разузнавачки екипи наводно работаат на прекинување на руските дигитални напади и нивните комуникации. Персоналот на Американската команда за кибер-одбрана со седиште во САД и во Германија на украинската војска и даваат разузнавачки податоци од сателитски снимки и електронски пресретнати разговори за краток временски период, час два откако се обезбедени, пишува „Њујорк Тајмс.“

МНР формираше кризен штаб за несреќата: Отворена специјална телефонска линија за роднините

Ивона Петрова — Tue, 23 Nov 2021 10:50:30 +0000

Имајќи ја во предвид тешката несреќа што се случи синоќа во Република Бугарија, во која многу наши државјани ги изгубија своите животи, Mинистерството за надворешни работи на Македонија информира дека во министерството веќе функционира кризен штаб во врска со несреќата. Од МНР информираат дека двајца нивни вработени се упатени на испомош во Амбасадата на Северна Македонија во Софија со цел да помогнат околу сите процедури поврзани со трагичниот настан. За оваа цел, Министерството за надворешни работи отвори специјална телефонска линија на која сите загрижени граѓани, роднини и членови на семејствата ќе можат да се обратат за дополнителен совет: тел.број- 075 273 732.

Бесплатна телефонска линија кај Омбудсманот за пријавување повреди на избирачкото право

Ристе Здравков — Sun, 31 Oct 2021 06:10:26 +0000

Во канцеларијата на Народниoт правобранител денеска на денот на одржувањето на вториот круг од Локалните избори во периодот од 7:00 до 19:00 часот ќе функционира беслатната телефонска линија: 0800-54321, на којашто граѓаните ќе можат да пријават каква било повреда на избирачкото право. Отворени за граѓаните ( покрај главната канцеларија во Скопје), како што соопштуваат од канцеларијата на Народниoт правобранител, ќе бидат и подрачните канцелари на народниот правобранител во: Битола, Кичево, Куманово, Штип, Струмица во Тетово со цел да им се помогне во остварувањето и заштитата на нивните избирачки права. Покрај на бесплатната линија, граѓаните ќе можат за заштита на своите права да се јават и на следниве телефонски броеви: Тетово: 044 344-082, Кичево: 045 228-586, Битола: 047 242-310 и Куманово: 031 431-488,Струмица 034 329 -996 и Штип 032 389-701. Народниот правобранител, правата на граѓаните ќе ги штити со преземање на итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на нивните загарантирани права. Избирачкото право, како што потенцира народниот правобранител, е уставно загарантирано како еднакво, општо и непосредно и се остварува на слободни избори со тајно гласање и дека никој не смее да биде повикан на одговорност заради остварување на ова право, поради што не случајно повредата на слободата на определувањето на избирачите како и други повреди на избирачкото право се казниви дела. Исто така, народниот правобранител апелира до сите чинители во изборниот процес да ги почитуваат здравствените протоколи утврдени за начинот на гласање.

Отворени телефонски линии за прва психолошка помош при пожари

Ивона Петрова — Thu, 05 Aug 2021 09:42:59 +0000

Црвениот крст ги повикува сите граѓани кои имаат потреба од прва психолошка помош да се обратат на отворените СОС телефонски линии. – Секое лице кое се чувствува загрозено и вознемирено поради настанатите пожари може да се обрати, постави прашања и добие одговори и совети за успешно справување со ситуацијата која ја загрозува благосостојбата и создава чувство на лична и колективна загрозена безбедност, стои во фејсбук-статусот на организацијата од каде потсетуваат за можноста да се користат отворените телефонски линии на кои има соодветна прва психолошка поддршка од обучени волонтери. Отворените телефонскии линии се поделени на региони а се однесуваат на сите општини и населени места кои припаѓаат на наведените региони: Скопски Регион – 071/367-909, 071/367-981 и 071/379-119 Пелагониски Регион – (Битола, Демир Хисар, Крушево, Прилеп, Ресен) 047/236-019 и 070/791-770 Југозападен и Полошки Регион – (Гостивар, Тетово, Дебар, Кичево, Струга,Охрид) 072/239-051 и 072/239-077 Источен, Североисточен и Југоисточен Регион (Штип, Кочани, Берово, Виница, Делчево, Пробиштип, Кратово, Куманово, Крива Паланка, Струмица, Гевгелија, Валандово, Радовиш) 071/426-660 и 071/426-633 Вардарски Регион (Велес, Неготино, Свети Николе, Градско, Чашка, Кавадарци, Лозово, Росоман, Демир Капија) 075/294-036, 071/274-229 и 043/231537. ар/лв

Сојузот на здруженија на пензионери ќе отвори телефонска линија за пенионерски прашања

Магдалена Андонова — Thu, 30 Jul 2020 09:46:28 +0000

Сојузот на здруженија на пензионерите на Македонија ги информира пензионерите дека од 4 август ќе почне да функционира отворена телефонска линија за пензионерите „Ало, пензионерски прашања“ на која двапати неделно, по два часа пензионерите ќе можат да добиваат одговори на нивните прашања. – Во услови на пандемија, Сојузот на здруженијата на пензионерите на Македонија ги информира пензионерите дека од 4 август ќе почне да работи телефонската линија 02 3213 227 „Ало, пензионерски прашања“. Одговорите ќе ги даваат стручни и компетентни лица ангажирани од Сојузот, секој вторник и четврток од 10 до 12 часот, појаснуваат од Сојузот. Оттаму додаваат дека на овој начин се потврдува грижата за пензионерите со цел да добијат одговори на нивните психолошко-социолошки и здравствени проблеми, или да остварат обична комуникација со што, како што посочуваат, ќе се потврди значењето на разговорот и вниманието неопходно за луѓето во третата доба. (МИА)

Бесплатна телефонска линија во канцеларијата на Народниот правобранител на денот на изборите

Ивана Ефремовски — Sun, 12 Jul 2020 21:35:31 +0000

Во канцеларијата на Народниoт правобранител на денот на предвремените парламентарни избори во периодот од 7:00 до 21:00 часот ќе функционира беслатната телефонска линија: 0800-54321, на која граѓаните ќе можат да пријават каква било повреда на избирачкото право. Од прес-службата на Народниот правобранител соопштија дека отворени за граѓаните ќе бидат сите седум канцеларии на Народниот правобранител и тоа во Скопје, Битола, Кичево, Куманово, Струмица, Тетово и Штип, со цел да им се помогне во остварувањето и заштитата на нивните избирачки права. Покрај на бесплатната линија, граѓаните ќе можат за заштита на своите права да се јават и на следниве телефонски броеви: Тетово: 044 344-082, Струмица: 034 329- 996, Кичево: 045 228-586, Битола: 047 242-310, Штип: 032 389-701 и Куманово: 031 431-488. -Народниот правобранител, правата на граѓаните ќе ги штити со преземање на итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на нивните загарантирани права, соопштија од прес-службата. Народниот правобранител потенцира дека избирачкото право е уставно загарантирано како еднакво, општо и непосредно и се остварува на слободни избори со тајно гласање и дека никој не смее да биде повикан на одговорност заради остварување на ова право, а повредата на слободата на определување на избирачите и другите повреди на избирачкото право се казниви дела. Народниот правобранител апелира до сите чинители во изборниот процес да ги почитуваат здравствените протоколи утврдени за начинот на гласање.

Отворена телефонска линија за консултација и советување за лица со деменција и нивни негуватели

Ивона Петрова — Tue, 14 Apr 2020 08:06:06 +0000

Отворена е телефонска линија за консултација и советување за лица со деменција и нивни негуватели. Од Универзитетската клиника за неврологија информираат дека пациентите може во периодот од 11:00 до 13:00 часот, во понеделник и среда, да се јават на телефонскиот број 075/277-806 во амбулантата за деменции за консултација и советување. Повозрасните лица се особено чувствителни на кризни состојби и природни катастрофи, а ова за жал се потврдува токму во овој период кога сите ние живееме во услови на променета дневна рутина поради пандемија со болеста предизвикана од корона вирусот COVID-19. Во светот повеќе од 50 милиони лица живеат со деменција, а на секои 3 секунди се дијагностицира нов случај. Лицата кои живеат со деменција имаат ограничен пристап до информации и факти за пандемијата со COVID-19, а имаат и потешкотии да ги запомнат препораките за безбедно однесување и заштита (пр. носење на маска) или во разбирањето на информациите од јавно здравствен карактер (почитување на времето одредено со полициски час). Ненамерното, а условено од самата болест, непочитување на предупредувањата и препораките за социјално дистанцирање, потенцијално ги изложува на поголем ризик и можност за инфекција.

МВР воведува бесплатна телефонска линија за информации за граѓаните

Ивона Петрова — Tue, 17 Mar 2020 12:15:12 +0000

Министерството за внатрешни работи од утре (18.03.2020) во функција ги става бесплатната телефонската линија 080000201 и мејлот [email protected]k каде граѓаните (на македонски и албански јазик) ќе можат да добијат соодветна информација во однос на функционирањето на услугите и сервисите на МВР во претстојниот период согласно состојбата со коронавирус и препораките на Владата. Вработените во МВР, каде што тоа е возможно, ги редуцираа контактите со странките во делот на постапки и услуги кои не се итни и кои не се ограничени со рокови. Секогаш кога е тоа возможно, се користи телефонска или електронска комуникација, со цел да се одбегне доаѓањето на граѓаните во институцијата доколку тоа не е неопходно.

Чулев: Спречени 14 обиди за напуштање на кризниот регион Дебар и Центар Жупа, денеска се очекува пристигнување на 200 државјани

Ивона Петрова — Tue, 17 Mar 2020 11:22:38 +0000

Министерството за внатрешни работи денеска информираше за последните мерки и активности кои се преземени во насока на спречување на ширење на коронавирусот, а во координација со сите институции. -Во рамки на МВР е формирано координативно тело со највисоките претставници на Министерството кои секојдневно имаат состанок за координација на активностите и наредби на постапување на припадниците на МВР. Министерството апелира до граѓаните да се воздржат од патување надвор од државата и да го ограничат собирањето со поголеми групи во текот на работниот ден, истакна на денешната прес-конференција министерот за внатрешни работи Наќе Чулев. Тој информираше дека е отворена бесплатна линија на која граѓаните може да се информираат за сите активности кои се во надлежност на МВР, а поврзани со справувањето со спречување на ширењето на коронавирусот. Телефонскиот број е 0800-00201 и е отворен 24 часа, 7 дена во неделата. -Отворена е и е-маил адреса за поставување на прашања или пријавување на случаи во кои не се почитуваат мерките, адресата е [email protected], истакна Чулев. Министерот посочи дека МВР отстапило возило на Армијата со цел нивно постапување во кризните региони. -На 14 март МВР асистираше при извлекување на државјани кои беа заглавени во меѓуграничниот простор на српско-унгарската и хрватско-српската граница. Во координација со конзуларно-дипломатските претставништва во државата, МВР асистираше во спровод на странски државјани до границата и тоа на 15 март, спроведени се 36 луѓе до границата на Косово, а на 16 март спроведени се два конвои со 55 лица до граничните премини на Албанија и Косово. Имаме најава за влез на повеќе од 200 лица со автобуси и приватни возила кои по разни основи биле заглавени на разни гранични премини. Во текот на денот на очекува нивно пристигнување, доколку се утврди нестандардна состојба со истите ќе се постапи согласно насоките од Миистерството за здравство, истакна Чулев. Тој нагласи дка скопската полиција обезбедува 173 лица кои се во домашна изолација, а затворени се седум угостителски објекти и е дадена забрана за вршење на дејност. -Во Битола 13 лица кои се во домашен карантин се обезбедуваат, во Тетово има 16 лица, а имало едно прекршување на таа мерката. Во Охрид се обезбедуваат 82 лица, а контролираните се 173 објекти. Во Струмица 12 лица се обезбедуваат и е утврдено дека едно лице ја прекршило забраната и против него е поднесена пријава. Во Куманово се обезбедуваат шест лица, а во овој град се контролирани се 40 објекти. Полицијата и понатаму ќе постапува согласно препораките дадени од Владата на Македонија. Одделот за специјални намени спречил 14 обиди за напуштање на кризното подарачје Дебар и Центар Жупа. Во овие две населени места има околу 130 припадници на МВР, а има и 65 припадници на АРМ кои го обезбедуваат Зелениот појас и даваат асистенција во овој дел на МВР, изјави Чулев. Тој додаде дека затворени се сите гранични премини, а дозволени се само транзитни премини и влез за возила на дипломатскиот кор. -Скопскиот аеродром ќе биде затворен утре, а МВР ќе ги стави на располагање своите возила од граничната полиција за потребите на АРМ. На дневна основа ќе ја известуваме Владата за сите мерки што сме ги презеле во изминатите 24 часа. Од утре сите Управни служби на МВР ќе работат со скратено работно време. Од вчера до 7 часот утринава во земјава влегле 2.019 лица, а 1.331 лица ја напуштиле земјава. Седум државјани кој беа задржани на крузер се донесени во земјава, а четворица се задржани на Инфективната клиника во Скопје, извести министерот Чулев.

Отворена телефонска линија кај Омбудсманот за пријавување повреди на избирачко право

Дарко Андоновски — Sat, 20 Apr 2019 07:09:36 +0000

Граѓаните денеска на денот на одржувањето на првиот круг од Претседателските избори 2019, и предвремените избори за градоначалник за општините Охрид, Дебар и Ново Село ќе можат да пријават каква било повреда на избирачкото право на беслатната телефонска линија: 0800-54321 која ќе функција од 7:00 до 19:00 часор во канцеларијата на Народниoт правобранител. Како што соопштуваат од канцеларијата на Народниот правобранител, отворени за граѓаните ќе бидат сите седум канцеларии на Народниот правобранител во: Скопје, Битола, Кичево, Куманово, Струмица, Тетово и во Штип, со цел да им се помогне во остварувањето и заштитата на нивните избирачки права. Покрај лично во канцелариите, како и на бесплатната линија, граѓаните ќе можат за заштита на своите права да се јават и на следниве телефонски броеви: Тетово 044 344-082, Струмица 034 329- 996, Кичево 045 228-586, Битола 047 242-310, Штип 032 389-701 и Куманово 031 431-488. Народниот правобранител, се посочува, правата на граѓаните ќе ги штити со преземање итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на нивните загарантирани права. -И во оваа пригода, Народниот правобранител потенцира, дека, избирачкото право е уставно загарантирано како еднакво, општо и непосредно и се остварува на слободни избори со тајно гласање и дека никој не смее да биде повикан на одговорност заради остварување на ова право, поради што не случајно повредата на слободата на определувањето на избирачите како и други повреди на избирачкото право се казниви дела, стои во соопштението.