телеграма – Kurir.mk

Мицкоски со телеграма со сочувство до Турција и турскиот народ за жртвите од земјотресот

Катерина Бојаџиева — Mon, 06 Feb 2023 08:56:41 +0000

Лидерот на ВМРО-ДПМНЕ Христијан Мицкоски испрати телеграма со сочувство до Турција и турскиот народ за жртвите од земјотресот. -Во мое лично име и во име на ВМРО-ДПМНЕ изразувам длабоко жалење и искрено сочувство до пријателскиот турски народ и до Република Турција за жртвите од страотниот земјотрес кој го погоди реонот на градот Газиантеп. Нашите мисли и молитви се со семејствата на настраданите, во надеж дека надлежните ќе успеат да спасат што е можно повеќе луѓе во акциите на извлекување. Тешко е да се изберат зборови за утеха во вакви трагични мигови, но сум уверен дека солидарноста и хуманоста на луѓето ќе помогнат што побрзо да се обединат и насочат сите капацитети кон обновување и санирање на погодените места од разорниот земјотрес, вели Мицкоски.

Заврши ерата на телеграми во Германија

Ивона Петрова — Wed, 04 Jan 2023 13:15:37 +0000

Во Германија официјално заврши ерата на телеграми со последен бран од илјадници кратки пораки испратени за Нова година, објави денеска главната поштенска служба во земјата – Дојче пост. Службата соопшти дека 3.228 телеграми биле испратени на последниот ден од понудата на услугата на новогодишната ноќ. Ова е во целосна спротивност со просечниот месечен број – помеѓу 200 и 300 испратени телеграми во последниве години. Дојче пост соопшти дека била една од последните во светот што сè уште нудела испорака на телеграми, и тоа само во земјата во последните години. Во 2018 година, службата престана да испраќа телеграми во странство. Телеграмата, чии почетоци датираат од 19 век, долго време се сметаше за застарена и скапа услуга. Во последниве години, испраќањето телеграма со до 160 знаци чинеше најмалку 12,57 евра (13,31 долари) во Германија.

Мицкоски испрати телеграма со сочувство до Курц

Ивона Петрова — Tue, 03 Nov 2020 09:56:28 +0000

Претседателот на ВМРО-ДПМНЕ Христијан Мицкоски испрати телеграма со сочувство до австрискиот канцелар Себастијан Курц по вчерашниот тетористички напад во Виена. -Примете го моето сочувство и најдлабоко жалење за настаните кои се случија во Виена. Овој напад е терористички напад на цела Европа, и на вредностите кои ние ги негуваме. Македонците сочувствуваат со Австријците во овие тешки моменти. Нашите молитви се со Вас и Вашата држава, стои во телеграмата на Мицкоски.

Политичарите испраќаат последен поздрав до Амди Бајрам

Ивона Петрова — Sat, 24 Oct 2020 13:33:46 +0000

Долгогодишниот пратеник и претседател на партијата Сојуз на Ромите, Амди Бајрам почина денеска на 64 годишна возраст. Политичарите во државава за последен пат се простуваат од својот колега и изразуваат сочувство до семејството Бајрам. Со големо жалење ја примив тажната вест дека мојот долгогодишен и драг колега Амди Бајрам го напуштил овој свет. Дозволете од свое лично име и од името на пратениците на Собранието на Република Македонија да изразам длабоко сочувство за оваа голема загуба, наведе претседателот на Собранието Талат Џафери. Претседателот на Собранието посочи дека Бајрам како долгогодишен пратеник и претставник на ромската заедница во Република Македонија учествувал во носењето на голем број значајни и стратешки одлуки за земјата. – Тој беше достоен претставник на својата етничка заедница и направи голем број на работи за нивното општествено напредување. Со својата реторика и позитивен дух се истакнуваше од сите колеги пратеници и ќе остане секогаш запаметен. Моето сочувство оди и до семејството на нашиот поранешен колега Амди Бајрам сигурен дека тагата за вашата голема загуба е неизмерна, наведе Џафери. Длабоко сочувство до семејството и најблиските за ненадејната смрт на Амди Бајрам, долгогодишен пратеник во собранието на Република Македонија и претседател на партијата Сојузот на Ромите, изразија и од ВМРО-ДПМНЕ. -Бајрам беше политичар кој се вгради во македонската општествено политичка сцена и во текот на неговиот неколку децениски политички ангажман ќе се памети по своите заложби и говорења за правата на Ромите, се вели во телеграмата од ВМРО-ДПМНЕ. -Го познавав долги години, беше весел, итар, полн со анегдоти, секогаш внесуваше смееа, па и во најтешки моменти... Фармерките од Трст, првите негови избори за пратеник, голот со пета, годините на незаслужен одмор во Идризово, велешкото потекло на неговата мајка,... се само мал убав дел од памтењето на неговите зборови... Ја сакаше Македонија и страдаше што мораше да прави така како што направи последните години... Нека Господ го чува весел каков што беше! Бог да го прости, пишува Илија Димовски на Фејсбук. Телеграма со сочувство испрати и генералниот секретар на СДСМ Љупчо Николовски. -Со голема тага ја примив оваа жална вест. Изразувам искрено и длабоко сочувство до семејството, роднините и пријателите на Амди Бајрам. Во овие моменти на тага сочувствуваме со Вас, за вашата загуба која знаеме дека не може да се надомести. Амди Бајрам беше долгогодишен претседател на Сојузот на Ромите од Македонија, наш коалициски партнер со кој имавме принципиелна соработка, кој учествуваше и во важните процеси за напредок на земјава. Нека почива во мир, стои во телеграмата на генералниот секретар на СДСМ Љупчо Николовски.

Телеграма од Чулев: Наредбите од Спасовски не важат – сите прераспоредени да се вратат на старите работни места!

Тале Кристо — Sat, 11 Jan 2020 14:48:48 +0000

Со телеграма од 10 јануари до сите организациони единици, министерот за полиција Наќе Чулев ги известува сите во министерството за внатрешни работи дека сите наредби на екс министерот Оливер Спасовски со кои полициските службеници неколку саати пред нова година 2020, од страна на Весна Доревска и Виолета Влаховиќ беа прераспоредени во други полициски станици и деградирани - престануваат да важат. Сите работници треба да се вратат на местата од кои биле прераспределени, стои во телеграмата на Наќе Чулев до сите организациони единици на МВР.