телетабиси – Kurir.mk

Телетабиси се враќаат, но со промени: Нетфликс објави трејлер (ВИДЕО)

Магдалена Андонова — Wed, 19 Oct 2022 13:54:22 +0000

Тинки Винки, Дипси, Лаа-Лаа и По се враќаат во новото рестартирање на „Телетабиси“ чија премиера ќе биде во ноември на Нетфликс. Објавен е трејлер во кој се видливи некои промени. Така, во новите епизоди нема да има повеќе популарно сонце-бебе. Сега ќе има две сонца со две нови бебиња. Во новите епизоди можеме да ги видиме Телетаби како бебиња. Враќањето на Телетабиси беше најавено во септември. Според соопштението, серијата за предучилишна возраст ќе ги следи Телетабиси додека учат и растат во 21 век. Секоја од 12-те епизоди ќе вклучува и нова и оригинална песна „Tummy Tales“. Рејчел Бејнарт, Ребека Хајланд, Ник Чи Пинг Келингтон и Џеремаја Краге се новите изведувачи на Телетабиси.

Беше слаткото Сонце во „Телетабиси“: Погледнете како изгледа денес (ФОТО)

Ивана Ефремовски — Wed, 03 Oct 2018 14:51:23 +0000

Џеса Смит имала само девет месеци кога ја откриле продуцентите на Телетабиси, а ја имаше најсимпатичната улога – насмеано бебе. Сега таа е возрасна девојка која студира и со насмевка се сеќава на делот кога била популарното Сонце во мега популарната детска серија. Почнала да студира на еден англиски универзитет и кога ја прашале да каже нешто за себе, таа кажала дека „била насмеаното сонце“. На оваа фотографија позира со нејзината замена која би требало да се појави во новата верзија на „Телетабиси“.

Телетабисите останаа без најдрагиот: Почина Тинки Винки

Ивана Ефремовски — Tue, 23 Jan 2018 15:16:35 +0000

Сајмон Шелтон Барнес (52) кој го играше Тинки Винки во детската телевизиска серија „Телетабиси“ почина. Сајмон беше танчер и кореограф кој ја презеде улогата на еден од Телетабисите. Еднаш изјави дека презел голем ризик при изборот на професијата. -Јас кариерата ја започнав како танчер и така почнав да работам како кореограф. Мислев дека тоа е малку ризичен потег, но се исплатеше сигурно, рече Сајмон и додаде: -Имав многу фанови меѓу децата и родителите. Бевме како Битлси. Актер облечен како Тинки Винки утрово е претставен на Лондонскиот саем за играчки во Олимпија во чест на починатиот актер. Синот на Барнес Хенри по повод смртта на таткото изјави: -Во средата го загубив својот прекрасен татко, беше најздрав и најнежен човек што сум го познавал и го сакав повеќе од било што. Додека бев дете, ми беше срам што е танчер и актер, но сега не можам да бидам погорд. Сега е на подобро место и знам дека не би сакал да сум тажен, така што ќе го живеам својот живот онака како што тој би сакал. „Телетабиси“ беше детска емисија првобитно емитувана на Би БИ Си меѓу 1997 и 2001 година. Тинки Винки прво го играше Дејв Томпсон, кој сега е познат комичар, а наводно е отпуштен поради погрешното толкување на улогата и навестувањето дека овој Телетабис е геј. Барнс рече дека сексуалноста на ликот е прашање кое често му е поставувано поради тоа што Тинки Винки постојано носел торбичка во рацете. Актерот ќе биде кремиран на 7. февруари.