телевизија 24 – Kurir.mk

Мицкоски гостин во емисијата „Студио 10“ на телевизија 24 во 10:30 часот

Тале Кристо — Thu, 10 Dec 2020 08:52:38 +0000

Лидерот на ВМРО-ДПМНЕ, Христијан Мицкоски претпладнево во 10:30 часот ќе гостува во емисијата „Студио 10“ на телевизија 24. -Следете го моето гостување во Студио 10 на телевизија 24 во 10:30 часот, објави Мицкоски на својата Фејсбук страница.

Огнен Јанески е нов главен и одговорен уредник на Телевизија 24

Ивана Ефремовски — Fri, 21 Dec 2018 15:43:13 +0000

Новинарот и водител Огнен Јанески од јануари ќе ја преземе функцијата главен и одговорен урендик на Телевизија 24. Тој соопшти дека ја прифатил понудата за оваа функција и од новата година ќе соопшти за евентуални нови програмски форми. Тој доаѓа на оваа позиција, откако досегашниот главен и одговорен уредник на телевизија, Младен Чадиковски информираше дека се повлекува од уредништвото, но ќе продолжи да работи како новинар. Чадиковски вели дека одлуката да се повлече ја донел во моментот кога решил да се кандидира за претседател на Здружението на новинарите.

Мисајловски: Откако СДСМ е на власт имаме политички прогон на секое ниво, криминалци се на слобода и се добиваат драконски казни по нарачка

Дарко Андоновски — Fri, 06 Jul 2018 20:57:15 +0000

Од страна на СДСМ откако е на власт имаме политички прогон на секое ниво, вие сте полни со омраза и јас жалам за сите постапки кои се случиле, јас жалам за многу луѓе кои се нашле во тие околности, јас жалам за тоа што на локалните избори имавме најнерегуларни избори во Република Македонија, ова вечерва во гостувањето на телевизија 24 го истакна потпретседателот на ВМРО-ДПМНЕ Владо Мисајловски. -Јас жалам што мојата куќа се запали, јас жалам што мојот дом беше ограбен, имате и камери од мојот дом и кола и човек и тој не се најде никогаш, жалам за дете што е избодено, а вие криете за тоа, јас жалам за сето она што го криете вие. Ако сакаме да направиме добра држава дајте да имаме исти аршини, исти принципи за секој, вие велите криминалци, јас колку што се сеќавам вие ослободивте многу луѓе од затвор пред локалните избори, можеби некој требало да излезе, некој не, не сум експерт и не можам да судам, но вие пуштивте од затвор преку 800 затвореници. Еден од вашите главни аргументи на изборите беше дека ќе направите посебен закон дека ќе ослободувате криминалци и тие излегоа, вели Мисајловски. Мисајловски додава и дека судовите не судат согласно принципи. -Ако имате вие убиства и некој добиваат казна од една или две години, сега имате драконски казни од 13 години по порачки тоа не бива и не е во ред, рече Мисајловски.

Мисајловски: Претседателот не е должен да потпише нешто што не е уставно, јас се согласувам со неговиот став

Матеја Петровски — Fri, 06 Jul 2018 20:02:46 +0000

Во вечерашното гостување во емисијата „24 Анализа“ на Телевизија 24, потпретседателот на ВМРО-ДПМНЕ, Владо Мисајловски, кажа дека во договорот со Грција, никаде во договорот не се споменува името Македонија. -Доколку неуставни работи има во еден закон или договор или спогодба, претседателот не е должен да потпише нешто што не е уставно. Тоа го знаат сите. Вие не можете со закон да побиете Устав, изјави Мисајловски. Тој го спомена и договорот со Бугарија каде како една од страните е запишана Република Македонија, за разлика од овој со Грција каде не е споменато името. -Имате еден куп работи кои не се логични, кои не се согласно меѓународно право во овој договор, имате детално образложение зошто претседателот Иванов не го потпишува. Јас се согласувам со неговиот став, изјави Мисајловски.

Мисајловски: Договорот со Грција е национална катастрофа, е штетен и буквално се погазува се што е национално

Дарко Андоновски — Fri, 06 Jul 2018 19:03:08 +0000

Договорот со Грција според мене е национална катастрофа и е штетен и буквално се погазува се што е национално и се она што сите политичари овие 27 години се обидувале да го договорат, односно разговарале за тие проблеми и сега имаме еден друг случај се потпишува се што е фрлено на маса и Македонија ги губи сите позиции, ова вечерва во своето гостување на телевизија 24 го потенцираше потпретседателот на ВМРО-ДПМНЕ Владо Мисајловски. -Целта ако овој договор да се потпише, односно е потпишан на било кој начин без да се разговара со опозицијата, без да знае претседателот што се се преговара иако претходно се знаеше дека сите партии се против „Ерга омнес“, сега веќе можеме да видиме дека сега веќе е потпишано, вели Мисајловски. Тој го прашува потпретседателот на СДСМ што точно ќе биде прашањето, што граѓаните ќе треба да заокружат на овој референдум? -Дали ќе излезе ВМРО-ДПМНЕ на референдум или не зависи токму од ова прашање и дали граѓаните ќе се чувствуваат комотно и удобно од овој референдум и дали ќе имаме демократски референдум. Во минатото видовме што се случуваше за време на изборите, јас како директен учесник во локалните избори знам многу добро што се случуваше. Граѓаните треба да се произнесат и тоа е демократско право, но исто така демократско право е и да не се излезе доколку некој граѓанин го смета тоа. Ние како партија ќе се произнесеме јасно и гласно и тоа ќе го направиме кога ќе ги добиеме целосно информациите од Владата, односно од СДСМ, истакнува Мисајловски. Тој додава и дека Заев наместо на македонските граѓани, тој на грчките им објаснил што подготвуваат за референдумот.