телевизија алфа – Kurir.mk

Нов полициски упад во Алфа телевизија

Дарко Андоновски — Tue, 23 Nov 2021 13:32:46 +0000

Почитувани гледачи на Алфа Телевизија, почитувани граѓани на Македонија, ве информираме дека “Министерството за внатрешни работи – Биро за јавна безбедност” денеска повторно направи ненајавен упад во Националната Телевизија Алфа со барања за доставување на Документација, Договори за соработка од било каков облик, Договори за емитување на рекламни спотови, web дизјан, припрема на web страна. Барањето е надополнето со достаување докази дека сме извршувале услуги од областа на рекламирањето, маркетингот и адвертајзингот!? А што друго впрочем јавно работи Алфа Телевизија?! Произведува програма и емитува реклами! Барањата се однесуват за национална телевизија која 24 часа, седум дена во неделата, 365 денови во годината продуцира и дистрибуира програма во рекламен простор од 12 минути на секој час програма. Тој визуелно и аудитивно присутен факт во домовите на граѓаните во Македонија и ширум светот, може многу едноставно да го утврди и министерот Оливер Спасовски со едноставно броење на телевизиското време на Алфа Телевизија во само 60 минути. И да утврди дека барањата на неговите агенти се бесмислени, објавува телевизијата. Упадот на полицискиот комесаријат на социјалдемократската УДБА за нас се ништо друго освен бескрупулозен притисок на власта на Зоран Заев и Оливер Спасовски, кои се обидуваат внатрешните финансиски консолидации на телевизијата да ги искористат со цел заплашување на сопственикот на телевизијата, управата, администрацијата и на крајот создавање страв кај вработените, нарушување на деловните односи и уништување на телевизија Алфа, која во многу наврати лично Зоран Заев ја прогласил нашата телевизија за државен непријател. Алфа Телевизија, е единствениот глас на слободата на Македонија и на Македонскиот народ во татковината и дијаспората и нема да дозволиме тој глас да биде занемен. Алфа Телевизија ќе ги надмине овие премрежја и ќе излезе посилна, погласна и послободна отколку што е сега. Нема да не уплашите и нема да не замолчите! ТРД Алфа ТВ, Управител, Јани Бојаџи

Почина Сашо Михајловски

Дарко Андоновски — Mon, 19 Oct 2020 12:48:40 +0000

Доцна синоќа на 50 годишна возраст, ненадејно почина Сашо Михајловски, вработен во телевизија АЛФА, пренесува телевизијата. Сашо долги години беше вработен во АЛФА, уште од нејзиното формирање, а беше претседател на синдикалната организација. Со ненадејната смрт на Сашо телевизијата не изгуби само работник, туку голем другар, колега, пријател, соборец… Искрено сочувство од колегите до семејството и неговите блиски. Погребот е во среда во 11 часот на градските гробишта Бутел во Скопје.

Новинарска екипа на ТВ Алфа избркана од пред влезот на „Сити Мол“

Предраг Кукиќ — Thu, 02 May 2019 15:52:25 +0000

На 1-ви мај 2019 година, пред влезот на трговскиот центар „Скопје Сити Мол“ снимател и новинар од Алфа ТВ биле грубо попречени во вршење на своите работни задачи. Припадници на приватната агенција за обезбедување „ОСА“ им пристапила на снимателот и новинарот на тротоарот пред влезот на трговскиот центар Скопје Сити Мол и наредиле да не снимаат и да го напуштат просторот. По пријавата од страна на екипата на АЛФА ТВ до ЗНМ, остварен е контакт со менаџерите на оваа агенција за обезбедување. Од таму велат дека ќе го преиспитаат настанот и ќе преземат мерки за утврдување одговорност кон лицата од нивната агенција кои евентуално ги пречекориле своите овластувања. Освен тоа, од „ОСА“ додаваат дека се извинуваат на снимателот и новинарката доколку на било кој начин ја попречиле нивната работа. ЗНМ ќе достави и барање за испитување на овој случај до Комората за приватно обезбедување на Република Северна Македонија со цел расчистување на овој инцидент. Потребно е да се знае дека припадниците на агенциите за приватно обезбедување во ниеден случај не смеат да ја ограничат работата на снимателите и новинарите кои известуваат, особено од јавен простор.

Потпретседателот на ВМРО-ДПМНЕ Александар Николоски гостин во „Отворено“ на Алфа денеска во 18:18 часот

Дарко Андоновски — Tue, 25 Dec 2018 14:42:44 +0000

Потпретседателот на ВМРО-ДПМНЕ Александар Николоски денеска ќе биде гостин во „Отворено“ на телевизија Алфа. Тој ќе ја анализира изминатава 2018 година, која е најцрната година и најлошата за Македонија. Емисијата е најавена за денес во 18:18 часот, а по тој повод тој објави и статус на Фејсбук. -На 25.12 (вторник) од 18:18 часот сум гостин во ,,Отворено" на Алфа ТВ. Ќе направиме анализа на 2018 година. Заминува можеби најлошата и најцрна година за Македонија. Осврт за истата како и проекции за 2019. Вторник 18:18 часот Отворено на Алфа ТВ Гледајте!, стои во неговиот статус на Фејсбук.

Нападната екипата на Економски Лидер пред вилата на Шилегов во Маврово: Ексклузивните видео снимки во вестите на Алфа

Дарко Андоновски — Fri, 21 Sep 2018 12:54:04 +0000

Екипата на Економски Лидер денеска е нападната во Маврово откако била спречена да го снима државното земјиште на кое скопскиот градоначалник Петре Шилегов гради луксузна вила. На екипата обезбедувањето им забранило да снимаат со камерата со образложение дека тоа било приватен имот иако се работи за државно земјиште. По физичкото кошкање снимката денеска ќе биде објавена во вестите 17:30 часот на телевизија Алфа. Во видеото објавено на фан пејџот на Економски Лидер се наведува и дека Јавното обвинителство треба да преземе мерки против заканите од страна на Петре Шилегов кон новинари, погледнете.

Васко Ефтов е нов директор на телевизија Алфа

Ивана Ефремовски — Mon, 23 Apr 2018 13:42:43 +0000

Познатиот новинар и уредник Васко Ефтов од денеска е управител на телевизија Алфа, дознава Лидер од извори во медиумот. На директорската позиција Ефтов доаѓа како автор на емисија „Во Центар“ која се емитува токму на Алфа и претставува најгледан ТВ продукт на телевизијата. Ефтов неговата кариера ја има започнато во осумдесетите години како новинар во НИП Нова Македонија. Во деведесетите ја почнува неговата емисија, која од тогаш па наваму е политичка емисија со најдолг континуитет во Македонија и постојано котира на врвот во рејтинзите на гледаност, на која телевизија и да се емитува, пишува Лидер. Телевизија Алфа е телевизија со национална концесија.