телевизија телма – Kurir.mk

Лупевска распали по премиерот: Ковачевски ја загрозува безбедноста на вработените во Телма

Ивана Ефремовски — Mon, 16 Jan 2023 16:39:51 +0000

Владата оркестрирано истовремено преку премиерот Ковачевски и неговиот коалиционен партнер, лидерот на ДУИ, Ахмети изврши директен напад на нашиот медиум, оспорувајќи го правото на слобода на изразување, но и во време кога Телевизијата поставува прашања за кои јавноста мора да добие одговор, реагираат од телевизија Телма. Новинарката Снежана Лупевска Созен е директор и главен уредник на телевизијата. Во продолжение ја пренесуваме нивната реакција: Телевизија Телма секојдевно информира за теми и настани кои се од големо значење не само за демократијата во државата, туку, пред сѐ, за борбата против корупцијата и криминалот, и поставување на европски стандарди во владеењето на правото. Телма е непристрасен медиум со независна уредувачка политика, во која работат новинари со високи професионални стандарди, а сите објавени информации од страна на телевизијата се во интерес на јавноста. Информациите се темелат на факти и докази кои се проверливи, а за кои имаме поставувано и прашања, и барања до Владата за објавување и објаснување на истите, а за кои до денеска не сме добиле одговор. Телевизија Телма нема намера да го негира правото на лични впечатоци и перцепции ниту на лидерот на ДУИ, Али Ахмети, ниту на премиерот Димитар Ковачевски. Но, бидејќи Ахмети директно не прозва како Телевизија, а со тоа ја загрози и безбедноста на нашите новинари, а премиерот Ковачевски наместо да го осуди коалициониот партнер, првин избегна да нѐ именува, но даде прецизен опис како во тендерите на некои негови владини институции, каде условите се така опишани што недостасува уште името на компанијата што ќе добие. И на двајцата би им порачале: Жално е што од позиција на власт го воскреснувате тоа што не требаше да се повтори, етикетирање на медиуми и создавање и загрозување на слободата на изразување на медиумите.

Стојкоски: Ги демантирам изнесените невистини, не сум дал ниту усна, ниту пак писмена забрана за гаснење на затоплување во ООУ „Мирче Ацев“

Магдалена Андонова — Mon, 07 Feb 2022 16:58:00 +0000

Градоначалникот на општина Ѓорче Петров, Александар Стојкоски преку својата социјална мрежа Фејсбук испрати Демант до Телевизја Телма која во вестите во 15:30 часот изнела дека е од негова страна е дадена забрана за користење на парно греење во ООУ „Мирче Ацев“. Неговиот демант во продолжение ви го пренесуваме во целост:

„Сакам да упатам демант на грубите лаги и невистини изнесени во прилогот во вестите во 15:30 на TV Telma , во кој се наведува дека од моја страна е дадена забрана за користење на парно греење по 15 часот во ООУ „Мирче Ацев“, како и дека тоа било со цел да се заштеди нафта. Од моја страна ниту усмено, ниту писмено во изминативе три месеци, од доаѓањето на функција, во ниту еден момент не било наложено или пак посочено како и до колку часот да се користи парното греење во било која институција под надлежност на Општината, а ниту на памет не би ми текнало тоа до го направам во училиштата. И самата директорка која скоро четири години ја извршува функцијата, јавно посочи, дека лага е објавената вест, во која се наведува дека парното греење се исклучува по моја наредба. Напротив, од кога е дојдено новото раководство на Општина Ѓорче Петров, ги посетивме сите училишта, ги нотиравме проблемите и побаравме да се направи сѐ што треба за секој ученик, како и наставниот кадар, за да можат непречено и во хумани услови да оддржуваат настава. Доказ за тоа може да се најде и по медиумите и на социјалните мрежи каде постојано се споделуваат информации за активностите, но и во самите училишта. Го повикувам медиумот да објави доказ, дека од моја страна била издадена било каква забрана за користење парно после 15 часот, бидејќи и во Новинарскиот кодекс се наведува дека информациите кои се пласираат мора да се точни и проверени и притоа се додава: „Новинарот треба да прави разлика меѓу фактите и мислењата, меѓу веста и коментарот“. Ваквите лажни вести и конструкции, не одат во прилог за подобрување на било какви услови во училиштата, туку напротив, можат само да наштетат во доверба во истите. Притоа, и самиот медиум не е сигурен во веста која ја пласира, што се докажува и од прашалната форма на насловот (фотографија во прилог). Општина Ѓорче Петров останува отворена за медиумите и за јавноста, како и за сите прашања кои се од јавен карактер, но и за било каква критика која е заснована на факти.“

„Телма треба да знае дека освен бизнис интерес постои и јавен интерес кој ги обврзува да ја прекинат цензурата наредена од Заев за опозицијата“

Дарко Андоновски — Tue, 24 Nov 2020 18:38:06 +0000

И денес немаше никакво известување за активностите на опозицијата на телевизијата со национална концесија Телма, ова денеска преку соопштение до јавноста го истакнаа од ВМРО-ДПМНЕ. -Цензурата на Телма и мракот кој Заев го прави за опозициските активности продолжува што укажува дека Владата на Заев се брани не со аргументи туку со тоа што реши да ја замолкне опозицијата. Уредништвото на Телма треба да знае дека освен бизнис интереси на компанијата која ги поседува постои и јавен интерес кој телевизијата треба да го застапува, а тој налага избалансирано преставување. Дека телевизијата известува неизбалансирано во корист на владата со целосно игнорирање на активностите на ВМРО-ДПМНЕ потврдува и извештајот на АВМУ каде се констатира таквата цензура, потенцираат од ВМРО-ДПМНЕ. Од партијата додаваат дека цензорот Заев во заложништво ги држи дел од медиумите уценувајќи ги со бизнис и политички интереси. Таквиот мрак треба да ја сокрие катастрофата во здравството и економијата. Ги охрабруваме новинарите да ја штитат слободата и својата независност.

„Заев наместо да почне преговори со ЕУ, прави цензура врз опозицијата на Телма“

Дарко Андоновски — Sat, 21 Nov 2020 18:18:22 +0000

И денес на телевизијата Телма чие сопствеништво е на компанијата Макпетрол кон која Владата одлучи да и се платат 32 милиони евра за гасоводот, немаше ниту еден прилог каде е застапена опозицијата. Наспроти ова ревносно се пренесувани владините активности и изјави на челните луѓе на владата. Ваквата неизбалансираност, поточно целосното отсуство на ставовите на опозицијата е во спротивност со новинарските стандарди за избалансирано известување, стои во соопштението на ВМРО-ДПМНЕ. -Во состојба на цензура која доаѓа по бруталното откажување на интервјуто на претседателот на ВМРО-ДПМНЕ, партијата е принудена да ги искористи сите легитимни начини да биде застапена и да ги изрази своите ставови меѓу кои е и ова соопштение. Заев наместо да почне преговори со ЕУ, прави цензура врз опозицијата на Телма. Ги охрабруваме новинарите да не подлегнуваат и да дадат отпор на обидите на цензурирање, велат од партијата. Додаваат дека ги поттикнуваме и другите медиуми кои се под жесток притисок да известуваат демократски и ги охрабруваме да останат на страната на принципите, стандардите и демократијата, да издржат бидејќи не за толку долго работите ќе се променат кон поголема демократија и слобода.

Телма дознава: Кај кои фирми легнале парите од државна помош за исплата на плати од 14.500 денари?

Ристе Здравков — Sat, 23 May 2020 16:32:41 +0000

Компании на доскорешни владини функционери, приватни болници, обложувалници, казина, странски инвеститори, приватни училишта и универзитети, медиуми, винарски визби, текстилни фабрики, дури и религиски заедници. Телма дојде до листата на фирми кои добиле финансиска помош од државата за исплата на априлската плата од 14.500 денари за справување со последиците од Ковид 19. Државни пари – околу 106.000 евра легнале на сметката на Брако од Велес, каде што се врати поранешниот вицепремир Кочо Анѓушев откако одлучи да се посвети на бизнисот наместо на политиката. На листата со фирми кои имале големи исплати е и Аџибадем Систина на Орце Камчев која добила 142.000 евра. Меѓу компаниите кои земале по над 100.000 евра се многу обложувалници и казина. Така Спорт лајф е во првите пет компании кои добиле најмногу пари, дури 183.000 евра. Делта Бет пак добила над 132.000 евра, Сенатор 131.000 евра, а на сметката на Принцес хотел и казино од Гевгелија легнале речиси 120.000 евра. Земјоделскиот комбинат Пелагонија од Битола добил нешто под 100.000 евра за исплата на априлските плати. Пари добила и компанијата Пелистерка, винарската визба Тиквеш, голем дел медиуми, дури и компанијата Дурмо турс за која се води судски процес за несреќата кај Ласкарци. А на листата е и Исламската заедница – Муфтивство Прилеп кај која легнале над 32.000 евра. Она што е впечатливо е дека најголмиот колач од државните пари завршил кај големите компании- најмногу кај странските инвеститори во зоните. Прва на листата со речиси 1,2 милиони евра е битолската компанија Ккромберт и Шуберт. А малите бизниси практично како да се изгубиија на владината листа. Бизнисмените велат компаниите имале многу проблеми и нејснотии во целиот процес. Директорката на УЈП признава дека има одбиени компании поради најразлични грешки, но бројките ќе ги објават отккао ќе заврши целиот процес. Според Лукаревска, до сега е одобрена финансика помош од над 28 милиони евра за 21.542 компании, со која се опфатени платите на речиси 126.000 работници.

Николоски до Заев: Ајде на предвремени избори

Дарко Андоновски — Sun, 13 Jan 2019 14:57:33 +0000

Премиерот Заев согласно очекувањата избега од избори затоа што кажа уште едно друго решение, дека не би биле во корист на економијата и реформите на Република Македонија иако тој е веќе две години премиер на Република Македонија и нема ниту „Р“ од реформи, ниту „Е“ од економија, напротив економијата оди надолу, а секој ден гледаме корупциски скандали и инвестиции не доаѓаат, ова го потенцираше Александар Николоски од ВМРО-ДПМНЕ во вестите на телевизија Телма. -После се она шо се случи, особено после срамната промена на името, логичен след е да се одржат предвремени парламентарни избори заедно со претседателските на кои што граѓаните ќе кажат дали се согласуваат со промената на името на државата, а тие тоа го кажаа на референдумот. Едно големо мнозинство одлучи тивко да го искаже тоа преку не излегување на референдумот кој пропадна, но сега ќе имаат можност гласно да го кажат и да ја отфрлат оваа ненародна власт. Заев е свесен за тоа и затоа бега од избори, потенцира Николоски.

Телма: Две странски инвестиции си заминале, минималната плата наметната

Дарко Андоновски — Thu, 31 May 2018 17:45:36 +0000

Работодавачите од текстилниот кластер бараат да им се субвенционираат 50 % од придонесите за вработените, да се врати нормираниот учинок и да им се амортизира делот од замрзнатиот курс на денарот. Се жалат дека обврската за исплата на минимална плата им е наметната и дека со тоа масата за плати им се зголемила за 30 % , индустријата е пред колапс, а две странски компании веќе ставиле клуч на врата. Без нормиран учинок се загрозува функционирањето на целата текстилна индустрија, рече Перковска што ќе резултира со откази и намалено производство, објавува телевизија Телма. „Една шивачка шие за 10 луѓе. Трудоинтензивните да се ослободат од придонесите и да се насочат кон работниците. Тоа не е загуба, дел ќе се врати со ДДВ“, кажа Маријана Перковска од Текстилниот кластер. За да ја илустрираат негрижата на државата кон нив, работодавачите направија паралела со земјоделците кои добиваат 100 милиони евра субвенции, а на обвинувања во јавноста дека на сметка на ниските плати на работницит, возат џипови, споделија светски искуства. „Не може земјоделец да добива 100 милиони или некој министер да излезе и да каже – вие возите џипови. Каков е тој одговор, тоа е смешка. Денес во 21 век бизнисмените одат со авиони, а не со џипови. Ако дојде некој газда ние во југо ли ќе го возиме“, кажа Сашко Станоевски од Текстилниот кластер. Во текстилната индустрија работат околу 65 000 работници или 20 % од вкупниот број вработени. Извозот на текстилни производи учествува со 13,3 %, а најголеми трговски партнери се Германија и Холандија.