телохранители – Kurir.mk

По оружениот инцидент: Евертон ангажира телохранители за своите фудбалери

Ивана Ефремовски — Sat, 13 Mar 2021 11:29:15 +0000

Раководството на Евертон одлучи да најми телохранители за своите играчи, по оружениот инцидент што деновиве се случи во семејниот дом на шведскиот голман во редовите на премиерлигашот од Ливерпул, Робин Олсен. Како што објави весникот „Дејли Мејл“, на сите фудбалери на Евертон им е понудена лична заштита, а премиерлигашот, во меѓувреме, организирал и едукативен курс за играчите со совети како да се однесуваат во случај на близок контакт со вооружени криминалци. На 10 март, непознати лица по кои сè уште трага полицијата, вооружени со ножеви упаднаа во домот на Олсен во време кога во семејната куќа биле и неговата сопруга и двете деца. Англиските медиуми јавија дека од домот на Олсен биле украдени скапи часовници и накит, а фудбалерот и неговото семејство, за среќа, не биле повредени. (МИА)

Телохранителите на Ким трчаат по возот и го „гланцаат“ пред од него да излезе лидерот (ХИТ ВИДЕО)

Дарко Андоновски — Wed, 24 Apr 2019 12:59:35 +0000

Телохранителите на Ким Џонг-ун, кои севернокорејскиот лидер го допратија денеска до Владивосток, повторно го привлекоа вниманието на светските медиуми. Додека блиндираниот зелен воз полека влегуваше во станицата, агентите на Ким, во црни костуми и бели ракавици во од ја „гланцаа“ вратата на возот, од која потоа излезе севернокорејскиот лидер. Кога возот запре, тиа поставија „мостче“, кое ги спојува возот и црвениот килим на кој стапна Ким. Тој потоа прошета по градскиот плоштад, каде му беше приреден пречек со оркестарот на гардата, а потоа седна во црна лимузина, опкружена со 12 телохранители. На снимките се гледа како севернокорејските агенци го забрзуваат одот и почнуваат да трчаат покрај лимузината со која се вози Ким. Слични сцени можеа да се видат и за време на минатогодишната посета на Ким на Јужна Кореја.

Ова го може само обезбедувањето на Ким: Автомобилот се движи, а тие… (ВИДЕО)

Ивана Ефремовски — Sat, 02 Mar 2019 09:12:46 +0000

Самитот на американскиот претседател Доналд Трамп и севернокорејскиот лидер Ким Јонг-ун заврши неуспешно. Но, и овој пат, како и на претходниот самит, социјалните мрежи беа преплавени од фотографии и снимки од Виетнам, каде што се одржуваше состанокот, а најголемо внимание повторно предизвика обезбедувањето на севернокорејскиот лидер. Познато е дека Ким има многу телохранители во своја придружба. Сите беа облечени во костуми, и еден по еден, скокнуваа во автомобилите кои се движеа. Не е јасно зошто толку брзаа, но го инспирираа Интернетот за многу коментари. Тие се регрутирани од Корејската народна армија, мора да бидат со иста висина како лидер, да имаат добра вид, добро да пукаат со пиштол и да се занимаваат со боречки вештини. Личното обезбедување на Ким е дел од Врховната гарда, која со децении го штити владејачкото севернокорејско семејство. (МИА)

Incredible scramble as North Korean security climb into moving cars pic.twitter.com/tfdRz8UMWj
— Motoko Rich (@motokorich) February 28, 2019