„МО со народни пари го платило 9.384 евра Темелко Ристески, за партиска агитација и пишани 10 текста на фејсбук, ДКСК да отвори истрага“

Дарко Андоновски — Thu, 02 Jun 2022 07:19:12 +0000

Владата на СДСМ, Ковачевски и Петровска го пробија дното. СДСМ испумпувала државни пари за партиски цели, ова денеска преку соопштение до јавноста го истакнаа од ВМРО-ДПМНЕ. -Министерството за одбрана исплатило 9.384 евра на професорот Темелко Ристески за десет фејсбук статуси, два текста и телефонски разговори за агитација за парламентарните избори во 2020 година за коалицијата „Можеме“ предводена од СДСМ. СДСМ испумпувала државни пари за партиски цели. Во извештајот кој го поднел и потпишал Темелко Ристески до МО за она што сработил јасно стои дека една од обврските е вршење на партиска активност за потребите на СДСМ, агитација и напад кон политичкиот противник, и за тоа наплатил вкупно 9.384 евра. Забеганоста нема крај, додека медиумите пишуваат дека војниците јадат небезбедна храна, немаат соодветна опрема и хумани услови за работа, се испумпувале не партиски, не донации, туку чисти буџетски народни пари преку Министерството за одбрана за потребите на СДСМ и коалицијата „Можеме“, велат од партијата. Од таму додаваат дека Димитар Ковачевски и Славјанка Петровска мора да понесат одговорност и да одговорат уште колку вакви лица биле ангажирани во државните институции за вршење на партиски активности на СДСМ и коалицијата „Можеме“? -До кога владата на СДСМ со народни пари ќе плаќа партиски послушници? Државната комисија за спречување на корупција наместо да глуми нем посматрач, веднаш без одлагање да реагира, да покрена постапка и целосно да го расветли случајот, а Телемко Ристески да ги врати парите назад. Дополнително ДКСК да испита и во кои други институции е вршена ваква исплата на буџетски пари? За овој скандал покрај политичка одговорност за сите инволвирани, мора да има кривична одговорност. Премногу е, стои во партиското соопштение на ВМРО-ДПМНЕ.

Универзитетскиот професор Темелко Ристески го потврди скандалозниот извештај: Напишав 10 објави на Фејсбук и 2 агитациони текста за „Можеме“

Тале Кристо — Mon, 30 May 2022 14:59:02 +0000

Министерството за одбрана 14 пати му исплатило на професорот Ристески по 30.000 денари, двапати по 45.000 денари, трипати по 15.000 денари, еднаш 20.460 денари. Универзитетскиот професор Темелко Ристески за Призма ја потврди автентичноста на извештајот што деновиве се појави на социјалните мрежи, а во кој тој до државниот секретар на Министерството за одбрана реферира што сработил во јули 2020 година. Тој вели дека бил ангажиран со договор за дело во текот на 2019 и на 2020 година, како советник за правни работи за стратегиски одбранбен преглед, за што поднел извештај до надлежното министерство. Но, покрај тоа што била побарана неговата стручност, во областа на правото и на одбраната, Ристески во извештајот до Министерството за одбрана ги навел и неговите активности на социјалните мрежи, кои се однесуваат на неговата поддршка до коалицијата „Можеме“, предводена од владејачката СДСМ, на тогашните предвремени парламентарни избори. Во извештајот, Ристески наведува дека активно ја следел изборната кампања, дека напишал десет објави на Фејсбук за поддршка на коалицијата „Можеме“, дека напишал две агитациони писма за поддршка на коалицијата, кои биле објавени на фејсбук-страницата на Партијата на пензионерите, а и дека имал и телефонски и лични контакти со претседателот на истата партија, за поддршка на владејачката коалиција. Ристески, во разговор за БИРН, нагласува дека има „уставно право да има свои лични уверувања“ и дека тоа што го напишал е согласно таквите уверувања. – Јас не кријам дека имам симпатии кон социјалдемократијата – изјавил професорот. Ристески е дециден дека „добиените пари од Министерството се исклучиво за стручно сработеното“, кое е содржано во првите две точки наведени во извештајот. Во нив професорот објаснува за активностите и контактите поврзани со законите за одбрана и за служба во армијата. За следните четири точки вели „мислев дека не е лошо да ги споменам“. Според податоците објавени на трезор, Министерството за одбрана 14 пати му исплатило на професорот Ристески по 30.000 денари, двапати по 45.000 денари, трипати по 15.000 денари, еднаш 20.460 денари. Вкупно за двете години ангажман под конто други „договорни услуги“, Министерството за одбрана на професорот му исплатило 577.140 денари или 9.384 евра. Последната исплата е во јануари 2021 година.

Темелко Ристески – Kurir.mk

„МО со народни пари го платило 9.384 евра Темелко Ристески, за партиска агитација и пишани 10 текста на фејсбук, ДКСК да отвори истрага“

Универзитетскиот професор Темелко Ристески го потврди скандалозниот извештај: Напишав 10 објави на Фејсбук и 2 агитациони текста за „Можеме“