Тен Хаг – Kurir.mk

Тен Хаг: На сите голови што ги примивме им претходеа грешки

Бошко Тасиќ — Mon, 23 Jan 2023 05:55:48 +0000

Менаџерот на Манчестер Јунајтед, Ерик тен Хаг, истакнува дека грешките на неговиот тим влијаеле на конечниот исход и поразот од Арсенал. – Голем натпревар. Полно темпо и публиката е голем победник. Се сретнаа два врвни тима, но ние сме разочарани. Како инаку кога ќе изгубите ваков натпревар во доцните фази. На сите голови што ги примивме им претходеа грешки и тоа не смее да се случи. Не можеме да победиме така. Можевме да ги избегнеме сите три гола. Од таа страна ова не беше доволно добро – изјави Тен Хаг. Манчестер Јунајтед сега е изедначен на третото место со Њукасл и заостанува шест бода зад градскиот ривал Сити и 11 зад водечкиот Арсенал со натпревар повеќе.

Манчестер Јунајтед ги продолжи договорите со четворица фудбалери

Бошко Тасиќ — Sat, 24 Dec 2022 18:20:48 +0000

Eрик Тен Хаг продолжува со својата работа во Манчестер Јунајтед, навивачите сметаат дека холандскиот стратег е вистинскиот човек да го врати тимот во битката за титулите како во Англија, така и во Европа. Денес Тен Хаг потврди дека се продолжени договорите со четворица фудбалери. Во претсојниот преоден рок можеби ќе има промени во Манчестер Јунајтед, меѓутоа Маркус Рашфорд, Лук Шо, Фред и Диого Далот сигурно ќе останат во клубот. Овие четворица фудбалери потпишале договор до крајот на 2023 година со опција и за продолжување. Договорите на четворицата истекуваа летово, но Јунајтед ја искористи клазулата за автоматско продолжување и спречи тие да си заминат бесплатно. „Тимот оди во добра насока и среќни сме поради тоа, ова се играчи кои имаат голем придонес во нашиот пат. Сакаме да се развиваме и да продолжиме каде што застанавме. Создаваме тим за иднината на долги патеки“, изјави Тен Хаг.

Тен Хаг повторно го понижи Португалецот: Роналдо е петти избор за капитен, но морав да му ја дадам лентата

Ристе Здравков — Mon, 07 Nov 2022 09:19:48 +0000

Манчестер јунајтед вчера претрпе пораз (3-1) на гостувањето кај Астон Вила, а изненадувачки, со оглед на недоразбирањата во изминатиот период, Кристијано Роналдо беше стартер и ја носеше капитенската лента за „црвените ѓаволи“. Сепак, Ерик тен Хаг објасни дека Португалецот всушност е петтата опција за капитен на тимот, но вчера морал да ја добие лентата. „Мегвајер беше на клупата, Бруно Фернандеш не играше, а помислив и Де Хеа да ја носи лентата бидејќи е вистински лидер. Сепак, тој е голман и е далеку од останатите фудбалери. Мислев да го одредам и Кашемиро за капитен, но тој се уште не зборува добро англиски јазик и затоа одлучив да му ја дадам лентата на Роналдо“, изјави Тен Хаг.

Роналдо очекува титули со Тен Хаг

Ивана Ефремовски — Sat, 14 May 2022 08:24:38 +0000

Португалскиот напаѓач Кристијано Роналдо оцени дека Манчестер јунајтед го очекува светла иднина под водство на новиот тренер Ерик Тен Хаг. Педесет и две годишниот Тен Хаг на крајот на сезоната го напушта Ајакс и се сели на клупата на Манчестер јунајтед, откако минатиот месец потпиша договор со премиерлигашот до лето 2025 година, со можност да ја продолжи соработката за уште една година. -Сите сме среќни и возбудени, не само како играчи, туку и како навивачи. Мораме да веруваме дека следната сезона ќе можеме да освојуваме титули. Знаме дека (Тен Хаг) заврши одлична работа во Ајакс. Тој е искусен тренер, но мораме да му дадеме време, изјави синоќа Роналдо. Манчестер јунајтед сезонава не успеа да обезбеди пласман во Лигата на шампиони и на коло пред крајот на сезоната во Англија е шестопласиран со 58 бодови, 31 помалку од градскиот ривал Манчестер сити на врвот на табелата. (МИА)