тен – Kurir.mk

Совршен тен за неколку минути: Направете сами препарат за самопотемнување од само една состојка

Магдалена Андонова — Wed, 15 Jun 2022 20:10:04 +0000

Половина од летото помина, а многумина од нас не одлучија да одат на море, но тоа не значи дека не можете да шетате низ град со убав тен – и тоа природен За постигнување убав бронзен тен, потребни се неколку дена на море, планина, езеро, а тоа подразбира часови и часови излежување на сонце. Знаеме дека сончевите зраци ја уништуваат кожата, можат дури и да предизвикаат канцер, па многу жени последниве неколку години се штитат од сонце, а бронзениот тен го добиваат така што купуваат препарати за самопотемнување. Но ако не им верувате на купечките или ви се скапи, ви предлагаме едноставен рецепт за препарат по кој кожата ќе ви биде како свила, а тенот бронзен. Се прави само од една состојка, важно е само пред неговото нанесување, добро да го подготвите телото со пилинг. Овој препарат многу лесно се премачкува, а помага и за изгореници од сонце. Ќе бидете воодушевени! Од состојки ви треба само црн чај! Во 2 дл вода додајте 2 супени лажици црн чај, оставете го да се олади половина час, процедете го чајот, сипете го во шишенце со пумпа и испрскајте го производот на целото тело и секако на лицето.

Со овие масла не смеете да го мачкате телото пред сончање

Ивана Ефремовски — Fri, 09 Jul 2021 13:37:50 +0000

Не секогаш се потребни скапи масла за сончање за да се добие бронзен тен, но не секое масло е здраво да се користи. -Некои од нив во лето се забранети за употреба, предупредуваат дерматолозите. Иако многумина од нас го користат како замена на другите масла за сончање, важно е да се нагласи дека кантарионовото масло не смее никако да се става пред излегување на сонце. Доколку се намачкате, мора да поминат барем 24 часа за да можете да се изложите на УВ зрачењето за да бидете сигурни дека нема да добиете непосакувани нус појави. Скоро истото важи и за маслиновото масло кое има фантастичен ефект на кожата, ја влажни и ја прави еластична, но тоа нема да ве заштити од ултравиолетовите зраци. Многу често маслиновото масло може да предизвика изгореници кои со често повторување предизвикуваат трајни оштетувања на нашата кожа – како хиперпигментација, соларна кератоза или рак на кожата.

Како што подолго да го сочувате сончаниот тен после одморот

Ристе Здравков — Mon, 10 Aug 2020 09:19:32 +0000

Оние кои уживаат во сончањето, се разбира дека сакаат и што подолго да им трае бојата која ја добиле во текот на летото. За да не ви е жал добриот тен кој сте го добиле тешко, брзо да го загубите, еве неколку совети. Пијте многу вода Прво правило за што подолго да остане бронзената боја на вас, па дури и до зрелата есен, е пиењето вода. Бидејќи како кожата се суши одвнатре така и тенот се губи. Обидете се кожата да остане хидрирана. Пилинг Пилингот нема да ја „извади“ бојата на кожата, напротив. Правете пилинг на кожата еднаш во десет дена. Многу изумрени клетки се наоѓаат на горниот дел од кожата, а за да ги отстраните пилингот е идеално решение. Тој ќе помогне вашиот темен тен да стане повпечатлив. Млеко за тело Мачкајте го телото со млеко за тело. Освен што е добро за кожата одвнатре, ја негува и однадвор. Не морате да нанесувате млеко после секое туширање, туку на секои два-три дена. Видови храна Јадете мисиркино месо, белки од јајца, лосос, сирење, бадеми и авокадо. Сите овие намирници се богати со тирозин, состојка која е неопходна за производство на меланин, кој пак е заслужен за бронзениот тен. Масло за тело Добро е ако наместо гел за туширање во следниот период користите масло кое ќе ја исчисти но подеднакво и негува кожата многу подобро од гелот.