тенис – Kurir.mk

Ѓоковиќ е најплатен тенисер на светот – еве кои се во ТОП 10 листата и колку заработуваат

Ивана Ефремовски — Fri, 25 Aug 2023 17:33:14 +0000

Форбс го објави годишното рангирање на најплатените тенисери/ки земајќи ја предвид заработката од септември 2022 до август 2023 година. Новак Ѓоковиќ за прв пат се најде на врвот на оваа листа со 38,4 милиони долари. Топ 10 најплатени тенисери и тенисерки според Форбс: 1. Ѓоковиќ - 38,4 милиони (13,4 милиони на теренот + 25 милиони надвор од теренот); 2. Карлос Алкараз - 31,4 милиони (11,4 + 20); 3. Ига Швјонтек - 22,4 милиони (8,4 + 14); 4. Данил Медведев - 20,1 (7,1 + 13); 5. Рафаел Надал - 15,5 (1,5 + 14); 6. Ема Радукану - 15,3 (0,3 + 15); 7. Коко Гауф - 15,2 милиони (3,2 + 12); 8. Каспер Руд - 14,4 (6,4 + 8); 9. Наоми Осака - 12,1 (0,1 + 12); 10. Џесика Пегула - 10,9 (4,9 + 6). (МИА)

Петто финале за Калин Ивановски годинава

Ивана Ефремовски — Sat, 29 Jul 2023 13:45:15 +0000

Најдобриот македонски тенисер Калин Ивановски се избори за своето петто финале оваа година, откако попладнево на фјучерс турнирот во австрискиот град Крамсах го победи во полуфиналето Матис Ерар од Франција со 2-1 во сетови (4-6, 6-2, 6-2). Ивановски е втор носител на турнирот, а за триумф над четвртиот носител Ерар му беа потребни 2 часа и 15 минути. Ова е трето финале на Ивановски на турнири од овој ранг со награден фонд од 25.000 долари, по триумфот во Скопје и поразот во Куршумлиска бања. Во финалето противник на Ивановски ќе му биде јужнокорејскиот тенисер Жерар Кампана Ли (Кореа), кој во полуфиналето со 2-0 во сетови го совлада првиот носител Оливер Крафорд од САД. (МИА)

Гауденци реизбран за претседател на АТП

Ивона Петрова — Tue, 27 Jun 2023 09:40:24 +0000

Италијанецот Андреа Гауденци е реизбран на местото претседател на Асоцијацијата на тениски професионалци (АТП), објави синоќа организацијата. Гауденци застана на чело на АТП во 2020 година, а неговиот мандат сега е продолжен до 20206. Под негово водство дојде до зголемување на наградниот фонд во машкиот тенис за 37.5 милиони долари оваа година, што е најголем скок во историјата на тенисот во машка конкуренција. Гауденци најави дека сака да ја интензивира соработката со седумте управни тела во тенисот, меѓу кои се ВТА, Меѓународната тениска федерација и четирите грен – слем турнири (Австралија, опен, Ју-Ес Опен, Вимблдон и Ролан Гарос).

Тенисерите загубија и од Кипар и остануваат во Третата европска зона

Ристе Здравков — Fri, 16 Jun 2023 12:43:58 +0000

Македонската тениска Дејвис Куп репрезентација со пораз од Кипар ги заврши настапите на турнирот во Третата европска зона кој се одржа во Ларнака. Прашањето околу победникот беше решено по сингл-мечевите. Амар Хусеиновиќ загуби од Стилијанос Кристодолу со 0-2 во сетови (1-6, 2-6), а исто така пораз доживеа и Обрад Марковски од Менеалос Ефстатиу (1-6, 2-6). Така, натпреварот во двојки не е важен за пласманот. Покрај од Кипар, Македонија загуби и од Молдавија и останува во Третата европска зона. На последниот натпревар не настапи најдобриот македонски тенисер Калин Ивановски, веројатно поради повреда, откако претходно го предаде сингл-мечот со Молдавците.

Лина Ѓорческа го заврши настапот на турнирот во Макарска

Бошко Тасиќ — Thu, 08 Jun 2023 05:37:25 +0000

Македонската тенисерка, Лина Ѓорческа доживеа пораз во првото коло на Челиџер турнирот што се игра во Макарска, Хрватска. Таа во главната фаза стигна преку квалификациите, ама денеска немаше сила за изненадување против 124 на светот, Леолија Жанжан од Франција. Двата сета донесоа израмнета борба, решаваа нијанси кои беа на страната на Французинката која славеше со 6-4 и 6-4. Лина Ѓорчевска за настапот во овој дел од турнирот ќе освои шест поени.

Голема казна за тенисерот Уго Гастон

Бошко Тасиќ — Wed, 24 May 2023 07:04:46 +0000

Францускиот тенисер Уго Гастон доби драконска казна заради неспортско однесување на натпреварот против Борна Чориќ на мастерс турнирот во Мадрид. Пред Чориќ да заврши поен со смеч, Французинот извади топче од џебот и го фрли, со надеж дека поенот ќе се повтори, а тоа е оценето како неспортски гест и за него тој доби пенал од 133.000 долари од страна на АТП. Интересно, 22-годишникот нема заработено толку пари во целата сезона. Досега, Гастон инкасира 117,361 долари од „белиот спорт“ во актуелната сезона, додека во кариерата заработи 1,6 милиони долари.

По 23 години Скопје повторно домаќин на АТП Челинџер турнир

Бошко Тасиќ — Tue, 25 Apr 2023 05:10:37 +0000

Македонската тениска федерација по повод јубилеет „70 години македонски тенис“ ќе организира четири големи турнири во периодот од мај до септември 2023 година. По пауза од цели 23 години, Скопје ќе биде домаќин на АТП Челинџер 75 турнир со награден фонд од 80.000 американски долари. Организаторите очекуваат тенисери од 300 до 100 место на АТП ранг-листата, а турнирот ќе се одржи на терените на тенискиот клуб Југ од 20-ти до 27 мај. На почетокот на месец јуни ќе се одржи ИТФ турнир со награден фонд од 25.000 американски долари. Од 19 до 25 јуни, Македонија втора година по ред ќе биде домаќин на Били Џин Кинг Купот на Европа за третата група, а покрај нашата женска репрезентација ќе учествуваат и Албанија, Азербејџан, Кипар, Ерменија, Финска, Исланд, Луксембург, Молдавија, Црна Гора и Сан Марино. Тениското лето во Скопје ќе финишира во септември со ИТФ турнир во женска конкуренција со награден фонд од 25.000 долари

Руските тенисери се враќат на Вимболдон

Бошко Тасиќ — Fri, 10 Mar 2023 06:13:38 +0000

Отвореното тениско првенство Вимблдон ќе дозволи учество на руски и белоруски тенисери кои минатата година беа казнети за воената операција во Украина. Со оглед на тоа што Вимблдон во меѓувреме остана „сам“ во казнувањето на руските и белоруските тенисери, се очекува многу брзо одлуката да биде сменета и Медведев, Сабаленка, Рубљев и останатите да можат непречено да го играат „зелениот Грен слем“. . „Дејли мејл“ пренесува дека тенисерите од Русија и Белорусија веќе се информирани за веста и веќе им е кажано дека наместо тоа ќе бидат воведени строги правила. Тие ќе се натпреваруваат под неутрално знаме, а ќе бидат исфрлени од турнирот без никакво право на жалба доколку на било кој начин ја поддржат војната во Украина.

Медведев славеше во Доха, Крејчикова триумфираше во Дубаи

Бошко Тасиќ — Sun, 26 Feb 2023 07:53:07 +0000

Рускиот тенисер Данил Медведев е победник на АТП турнирот во Доха додека Барбора Крејчикова триумфираше во Дубаи. Медведев до 17-от трофеј во кариерата стигна откако во финалето за 107 минути во два сета со 6:4 и 6:4 го совлада поранешниот прв рекет на планетава, а сега 70-то рангиран на АТП листата, Енди Мареј. На женскиот турнир во Дубаи, 30-тата тенисерка на светот, Крејчикова славеше против водечката на ВТА листата, Ига Швојнтек. Тенисерката од Чешка до првиот триумф во 2023 година, а вкупно шести во кариерата по победата со 6:4 и 6:2 во меч што траеше 90 минути.

Бенчич го освои Абу Даби, Потапова најдобра во Линц

Бошко Тасиќ — Sun, 12 Feb 2023 21:24:26 +0000

Белинда Бенчич од Швајцарија го освои турнирот во Абу Даби, откако ја победи Русинката Људмила Самсонова со 1-6, 7-6/8, 6-4. Бенчич остане во финалето во тај-брејк во вториот сет, а потоа се надмина себеси и доминантно во третиот сет стигна до вториот трофеј во сезоната. Анастасија Потапова го освои турнирот во Линц, откако со 6-3, 6-1 ја декласира Хрватката Петра Мартиќ. Потапова со оваа победа од понеделник ќе направи забележлив скок на ВТА листата и ќе влезе меѓу триесетте најдобри.