тенисери – Kurir.mk

Вимблдон нема намера да ја повлече забрана за руски и белоруски тенисери

Ивона Петрова — Wed, 13 Jul 2022 12:41:52 +0000

Раководството на Вимблдон е подготвено и следната година да им забрани настап на руските и белоруските тенисери и тенисерки на грен-слем турнирот во Лондон, објавија денеска британските медиуми. Лондонскиот весник „Дејли мејл“ пишува дека конечната одлука треба да биде донесена во март идната година, но оти организаторите на Вимблдон се подготвени да ја повторат овогодишната забрана, доколку војната во Украина и натаму трае. Годинешното издание на Вимблдон не се бодување за рангирањето на АТП и ВТА, но, според „Дејли мејл“ организаторите се подготвени повторно да платат казна поради едностраната забрана. Организаторите на лондонскиот грен-слем се раководат и од тоа дека Меѓународниот олимписки комитет, наводно, е блиску до одлука да им забрани на руските спортисти настап на Игрите 2024 во Париз.

Руските и белоруските тенисери ќе настапуваат на Ролан Гарос во Франција

Тале Кристо — Fri, 29 Apr 2022 09:35:55 +0000

Руските и белоруските тенисери ќе можат да играат на Отвореното првенство на Франција во 2022 година. Ова информација ја соопшти претседателот на Француската тениска федерација Жил Моретон. Тој нагласи дека учеството на овие тенисери на Грен слемот Ролан Гарос е можно само со неутрален статус. – Позицијата не е променета. До денес, ние ја почитуваме декларацијата од 9 март 2022 година на сите министерства за спорт на Европската унија и другите земји потписнички, која има за цел да воведе режим на строга неутралност за руските и белоруските спортисти – без знаме, без химна. Точка. Ова е ставот и ние го следиме, изјави Моретон за „L’Equipe“. Претходно на тенисерите од Русија и од Белорусија им беше забрантео да учествуваат на Грен слемот Вимблдон. Моретон не го коментираше овој факт, истакнувајќи дека позицијата на Велика Британија може да се разликува. – Нема да навлегуваме во проценките и одлуките на владата на Обединетото Кралство. Секој има свој став, додаде Моретон. Отвореното првенство на Франција ќе се одржи од 22 мај до 5 јуни.

Неизвесен настапот на руски и белоруски тенисери на Вимблдон

Тале Кристо — Tue, 05 Apr 2022 17:02:20 +0000

Организаторите на грен – слем турнирот во Вимблдон водат разговори со британската Влада околу прашањето за настап на тенисерките и тенисерите од Русија и Белорусија во овогодишното издание, најавувајќи денеска оти конечната одлука ќе ја објават кон средината на мај. На руските и белоруските играчи им е дозволен настап на АТП и ВТА турнирите, но без истакнување на името и знамето на нивните држави поради инвазијата врз Украина. – Забележавме насоки од Владата на Обединетото Кралство во врска со присуство на руски и белоруски поединци во неутрално својство на спортски настапи во Обединетото Кралство. Ова е и натаму сложено прашање со многу предизвици, а ние продолжуваме да учествуваме во разговорите со Владата на Обединетото Кралство и раководните тела на меѓународниот тенис, се наведува во соопштението на организаторите на Вимблдон. Британскиот министер за спорт Најџел Хадслтон рече минатиот месец оти не би му се допаднало „руски спортист да виори руско знаме“ и да го освои Вимблдон во Лондон. Тој додаде дека вториот светски рекет Данил Медведев можеби би морал да даде гаранции дека не го поддржува рускиот претседател Владимир Путин доколку сака да настапи на турнирот, што е на програмата од 27 јуни до 10 јули.

АТП: Вакцинирани 95 отсто од најдобрите светски тенисери

Ивона Петрова — Sat, 25 Dec 2021 14:04:01 +0000

Вакцинирани против коронавирус се вкупно 95 од 100. најдобро рангирани светски тенисери, изјави денеска првиот човек на АТП Тур, Сајмон Хигсон. Извршниот директор на АТП Тур наведе на Твитер дека само пет играчи од Топ 100 најдобри не примиле вакцина против Ковид-19, без да го наведе нивниот идентитет. – Нашите најнови бројки за првите 100 (тенисери) се 95 отсто, напиша Хигсон на својот Твитер профил. Прашањето околу вакцинирањето во светскиот тенис стана тема број еден со наближувањето на Грен-слем турнирот Австралија Опен на кој тенисерите за настап мораат да бидат вакцинирани.

Невакцинираните тенисери ќе може да играат на Австралија опен

Тале Кристо — Mon, 25 Oct 2021 08:57:41 +0000

ВТА со писмо ги информираше играчите за условите под кои ќе можат да дојдат на Австралија опен 2022, објави новинарот Бен Ротенберг. Во писмото се вели дека сите играчи мора да приложат негативен тест за коронавирус најмногу 72 часа пред поаѓање во Австралија, а потоа уште еден во рок од 24 часа по пристигнувањето. Целосно вакцинираните играчи после тоа не подлежат на никакви ограничувања. Од играчите кои нема д абидат вакцинирани ќе се бара да поминат двонеделен карантин во хотелот, а потоа редовно да се тестираат. Не е наведено дали ќе можат да тренираат додека се во изолација. Сепак, се остава можност, во зависност од актуелната ситуација со пандемијата, овие услови да можат да се променат.

Двајца тенисери позитивни на коронавирус пред почетокот на Австралија опен

Ивана Ефремовски — Tue, 19 Jan 2021 13:57:00 +0000

Уште три лица се заразија со коронавирус пред почетокот на Австралија опен, пренесува „FP“. Меѓу нив има двајца тенисери. Како што е забележано, се разболе жена на 20 години и двајца мажи на 30 години. Вкупно, девет лица поминаа позитивни тестови за време на карантинот пред турнирот. За потсетување претходно 47 играчи беа во карантин две недели. Грен слемот во Мелбурн ќе се одржи на 8-21 февруари во Мелбурн.

Австралија Опен: Колективен карантин поради позитивни случаи на Ковид-19

Магдалена Андонова — Sat, 16 Jan 2021 11:10:17 +0000

Вкупно 24 тенисери и тенисерки, зааедно со нивниот придружен персонал, кои со чартер-лет од Лос Анџелес пристигнаа во Мелбурн за да учествуваат на претстојниот Австралија Опен ќе останат во двонеделен карантин, откако се откриени два случаи на зараза со Ковид-19 меѓу патниците. – Наместо пет часа тренинг на отворено во „балон“, ќе можеме да тренираме само во затворено, објави уругвајскиот тенисер Пабло Куевас, кој беше меѓу патниците во авионот. Првиот годинашен грен-слем треба да започне на 8 февруари, а околу 1.200 тенисерки, тенисерки, тренери и членови стручните екипи треба да пристигнат во Мелбурн со 15 посебни чартер летови. (МИА)

Организаторите на Австралија опен ќе бидат тужени поради карантинот за тенисерите

Ивона Петрова — Mon, 04 Jan 2021 07:30:46 +0000

Сопствениците на апартмани во „Вестин Мелбурн“ се подготвуваат да ги тужат организаторите на Австралија опен во врска со нивната одлука за карантин на тенисери во овој хотел, пишува „Сиднеј Морнинг Хералд“. Тие стравуваат за нивното здравје и не се согласиле странските играчи да живеат со нив. – Изгледа дека сме фрлени и незабележани. Оваа ситуација предизвикува проблеми со здравјето и човековите права кои не се проучени, вели еден жител на хотелот кој живее таму 15 години. Австралија Опен треба да се одржи од 8 до 21 февруари. Тенисерите ќе пристигнат во Мелбурн кон средината на јануари и ќе одат во задолжителен карантин од 14 дена пред почетокот на натпреварувањето.

Вимблдон ќе исплати вкупно 10 милиони фунти на 620 тенисери

Магдалена Андонова — Fri, 10 Jul 2020 15:56:47 +0000

Парите од наградниот фонд, издвоени за Вимблдон, ќе бидат дистрибуирани на 620 играчи кои требаа да учествуваат на годинешниот турнир, кој беше откажан заради коронавирусот, објави „АЕЛТК“. Отвореното првенство на Британија, првично закажано за 29-12 јуни, за прв пат е откажано во време на мир, заради коронавирусот, во кој загинаа повеќе од 44.000 луѓе во земјата. – Сега сме во состојба да ги распределиме парите од наградниот фонд на овие 620 тенисери, чие рангирање на светската ранг-листа ќе им овозможи директно да влезат во главната ждрепка или квалификациите. Од вкупно 10 милиони фунти, „АЕЛТК“ ќе ги распредели парите од наградниот фонд со оглед на околностите од оваа година и во духот на распределбата на наградниот фонд на „АЕЛТК“ во последниве години, се вели во соопштението. Оттаму соопштија дека 224 играчи во сингл ќе добијат по 12.500 фунти, бидејќи се запишани во квалификациите, додека 256 играчи во главната ждрепка ќе добијат по 25 000 фунти. Играчите во двојки ќе добијат по 6.250 фунти, а лицата со посебни потреби ќе добијат по 6.000 фунти. – Задоволни сме да објавиме дека нашата полиса за осигурување ни овозможи да го дознаеме ефектот на откажувањето врз играчите и сега сме во состојба да ја понудиме оваа исплата како награда за напорната работа што ја вложивме, рече извршниот директор на „АЕЛТК“, Ричард Луис. „АЕЛТК“ исто така објави дека оние што се сместени во распоредот за машки синглови за турнирот следната година ќе бидат базирани „само на ранг-листата“, додека во основната шема при сингл за жени нема да има промени. (МИА)

Димитров не е единствен: Уште 3 тенисери позитивни на коронавирус

Ивона Петрова — Mon, 22 Jun 2020 08:06:02 +0000

Уште тројца тенисери кои учествувале на Адрија тур се позитивни на коронавирус, а еден од нив е Борна Ќориќ. Хрватскиот тенисер е позитивен на коронавирус, покажал вчерашниот тест кој го направиле тенисерите учесници на турнирот откако е објавено дека бугарскиот тенисер Григор Димитров е заразен. Ќориќ во изминатите денови дружел со бугарскиот тенисер, играле кошарка заедно. Уште двајца тенисери кои учествувале на турнирот во Задар се позитивни на Ковид-19, но нивните имиња се уште не се објавени Позитивен на коронавирус е и кондициониот тренер на Димитров.