Тензично во Албанија: Доколку се смени Уставот, претседателот со народот ќе влезе во Собрание

Тале Кристо — Sun, 24 Nov 2019 15:40:14 +0000

По најавите од страна на владејачкото мнозинство во Албанија, дека ќе го сменат Уставот во надлежностите за давање заклетва кај шефот на државата, реагираше Теди Блуши, портпарол на претседателот Илир Мета. Тој најави дека доколку се случи тоа „ претседателот ќе биде во Собрание заедно со народот“. – Во врска со најавата неуставнот Парламент да одлучи да ги одземе уставни ингеренции на претседателот, единствената легитимна институција во државата, сакам да ве информирам дека истиот ден кога тоа ќе се случи, претседателот ќе биде присутен таму, но заедно со албанскиот народ, напиша Блуши на својот Фејсбук профил. Иницијативата за смена на уставот мнозинството ја почна на вонредна седница на Парламентот и изгласа резолуција, откако Мета ги повика граѓаните „да ја преземат судбината на државата во свои раце“. Тој на вонредна прес-конференција,пред два дена истакна дека како претседател ќе биде бранител на Уставот и ќе се спротивстави на сите обиди за уништување и антидемократско однесување во земјата. Според него, Албанија не може да се управува со резолуција, туку со Устав. Мета исто така рече дека Албанците нема да дозволат нова диктатура. – Албанците треба во своите раце да ја преземат судбината на оваа држава, во одбрана на Уставот. Уставот е црвената линија. Претседателот ќе биде во директна нејзина одбрана. Претседателот ќе побара референдум за да ја одбрани Републиката, за да се одлучи дали ќе се врати во нова диктатура, порача Мета.

Тензично пред албанскиот Парламент

Дарко Андоновски — Thu, 21 Mar 2019 10:52:36 +0000

Тензично е пред албанскиот Парламент во кој се одржува пленарана седница, а пред него илјадници граѓани повторно излегоа на протест организран од обединетата албанска опозиција. Демонстрантите се обидуваат да го пробијат полицискиот кордон врз кого фрлаат димни бомби и тврди предмети, извкувајќи „Рама оди си“, „Парламент на криминалци“… Полицијата повика на воздржаност но веќе се пристигнати возила подготвени да го разбијат насобраниот народ со водени топови. Конфронтација со полицијата претходно имаа и жителите од населбата „Астир“, кои повеќе од 100 дена протестираат бидејќи нивните домови треба да се урнат поради изградба на големата обиколница во Тирана. Во Парламентот заклетва дадоа уште тројца пратеници од Социјалистичкото движење за интеграција (ЛСИ), кои ги заменуваат оние кои се откажаа од мандатите. При влегувањето во Парламентот пратеникот Ралф Ѓони од ЛСИ, беше испрскан со боја. На протестот учествува поранешнот премиер и претседател на Албанија и почесен претседател на Демократската партја, Сали Бериша. Актуелниот лидер на ДП, Љуљзим Баша е во Брисел.

тензично – Kurir.mk

Тензично во Албанија: Доколку се смени Уставот, претседателот со народот ќе влезе во Собрание

Тензично пред албанскиот Парламент