Тео Ернандез – Kurir.mk

Тео Ернандез: Ова е неверојатен успех, две финалиња на СП по ред

Ристе Здравков — Thu, 15 Dec 2022 11:03:01 +0000

Тео Ернандез беше стрелец на првиот гол за Франција во полуфиналниот дуел против Мароко. Тој по триумфот (2:0) истакна дека тимот завршил одлична работа во триумфот над Мароканците. „Неверојатно е да се играат две последователни финалиња на Светското првенство, завршивме одлична работа. Финалето е голем натпревар, ќе се обидеме да победиме. Се надевам дека и мојот брат ќе биде тука за финалето“, изјави Тео Ернандез за TF1. Франција во финалето на Мундијалот в недела ќе се соочи со селекцијата на Аргентина.

Ернандез: Меси? Не му се плашиме!

Бошко Тасиќ — Thu, 15 Dec 2022 06:04:51 +0000

Франција и Аргентина ќе се судрат во недела од 16 часот во битката за златниот трофеј, а Ернандез посочи дека имаат три дена за да се подготват за одбрана на трофејот кој го освоија по вторпат пред четири ипол години во Русија. „Меси? Не му се плашиме! Аргентина има одличен тим, но имаме неколку дена да се подготвиме“, рече Ернандез. Тој посочи дека иако се чувствува умор, уживаат во прекрасните моменти и на овој Мундијал. „Ова беше една неверојатна вечер, тежок меч зашто Мароко е извонреден тим. Но, победивме и сега треба да се насочиме кон финалето. Имавме еден неверојатен месец во кој напорно работевме за да дојдеме до тука. Уморен сум, но ова е прекрасно. Сега ни треба брзо да се рекуперираме и да бидеме на сто отсто за финалето“, додаде Ернандез.

Милан сака да го продолжи договорот со Ернандез до 2026 година

Ивона Петрова — Tue, 28 Dec 2021 07:32:30 +0000

Дефанзивецот на Милан, Тео Ернандез може да го продолжи договорот со клубот, тврди новинарот Николо Шира. Според добриот познавач на италијанскиот фудбал, раководството на клубот од Милано е подготвено да му понуди на 24-годишниот Французин договор до летото 2026 година со годишна плата од 4,5 милиони евра. Сегашниот договор, кој е со важност до 2024 година, на фудбалерот му обезбедува 1,5 милиони евра годишно. Оваа сезона Ернандез одигра 20 натпревари за Милан на кои постигна два гола и пет асистенции.

Милан ја одбил понудата на ПСЖ, не го продава Eрнанде за 40 милиони евра

Ивана Ефремовски — Thu, 15 Jul 2021 11:18:08 +0000

Милан ја одбил понудата на Пари Сен-Жермен за дефанзивецот Тео Ернандез, објави „Тутоспорт“. Според италијанскиот спортски весник, „росонерите“ одбиле да го продадат 23-годишниот Французин на Парижаните за 40 милиони евра. Во сезоната 2020/21, Ернандез забележа 45 настапи за Милан, постигна осум гола и осум асистенции. Порталот „Transfermarkt.com“ ја проценува вредноста на играчот на 50 милиони евра. (МИА)