Теодора Генчовска – Kurir.mk

Генчовска: Преговорите ќе почнат по промената на Уставот, не попуштивме за јазикот

Магдалена Андонова — Sun, 17 Jul 2022 18:42:45 +0000

Министрите за надворешни на Македонија и Бугарија се потпишаа на протоколот за билатералните односи меѓу двете држави кој е дел од францускиот предлог. Документот кој денеска во Софија го потпишаа Османи и Генчовска, воедно е записник од втората седница на мешовитата македонско-бугарска комисија и се смета како отворање на патот за пристапни преговори за членство во Европската Унија. По завршување на официјалниот дел, на дополнителна прес коференција без нејзиниот македонски колега, Генчовска појасни дека вистинските преговори за членство во ЕУ, Македонија ќе ги отпочне дури по внесување на Бугарите во македонскиот Устав. Генчовска ги појасни и бугарските позиции во однос на јазикот.. Вели, ќе нема отстапки бидејќи официјална Софија не го признава постоењето на македонскиот јазик. Бугарските новинари побараа од Генчовска да го добијат поптишаниот протокол на увид, но не добија јасен одговор кога ќе биде објавен.

Македонците до вторник ќе чекаат за да дознаат што содржи протоколот со Бугарија – кој е во право, Генчовска или Османи?

Магдалена Андонова — Sun, 17 Jul 2022 15:03:23 +0000

Македонските граѓани до вторник ќе чекаат за официјално да дознаат што всушност содржи протоколот со Бугарија. На 19 јули ќе биде познато кој е во право – Генчовска која вели дека денеска потпишаниот документ е составен дел од пакетот на францускиот предлог или на Османи кој вели дека преговорите нема да зависат од решавањето на историските прашања со источниот сосед. А во протоколот, според брифингот одржан ден пред потпишувањето, Османи уверува дека не е на штета на Македонија и трерба подеднакво да го спроведуваат и двете држави. Тој вели дека и Македонија и Бугарија годинава и 2023 заеднички ќе слават историски настани кои веќе добиле зелено светло од мешовитата историска комисија. За Самуиловото царство ќе биде користена формулацијата веќе одобрена од историчарите, а како што беше посочено на брифингот во 2024-2025 треба да има усогласување на учебниците со до тогаш одобрени предлози од историската комисија. Говорот на омраза и територијалните претензии ќе бидат обврски за двете земји уверува министерот Османи а и Бугарија и Македонија ја охрабруваат комисијата за една година да го заврши Средниот век, но не ја обврзуваат. И додека учебници ќе се менуваат по едногласна одлука на мешовитата комисија, во протоколот има член дека Бугарите треба да се најдат во македонскиот устав – услов без кој нема да може да почне процесот на отворање на поглавјата и одржување на втората меѓувладина конференција.

Генчовска открива детали за протоколот!

Ристе Здравков — Sun, 17 Jul 2022 11:35:46 +0000

Министерката за надворешни работи на Бугарија, Теодора Генчовска нагласи и дека нема промена во т.н француски предлог и дека преговарачката рамка е таква каква што ни е дадена. – Овој политички и долг разговор во РС Македонија беше насочен кон нивната јавност, но веќе појаснивме дека нема да има промена – нагласи Генчовска. Таа потсети дека во денешниот протокол што го потпишаа двете страни има конкретни рокови за што треба да го направи Македонија. Документот, рече таа, ги вклучува четирите барања на бугарската страна – да се решат историските прашања, да се вклучат Бугарите во Уставот, да се стави крај на јазикот на омразата и Македонија да ги отвори досиејата на југословенските тоталитарни комунистички служби (УДБА). – Навистина, денеска сите бевме сведоци на еден многу важен момент – состанок на втората меѓувладина комисија. На средбата се разговараше за тоа што е сработено во секторските политики, има пет работни групи, беше пријавен напредок и се разговараше за тоа што и кога би можело да се случи во секторите енергетика, транспорт, градежништво, култура итн. Најважниот резултат е потпишувањето на вториот протокол. Содржи исклучително амбициозни краткорочни и долгорочни мерки, кои во пракса имаат за цел да решат голем дел од отворените прашања – рече таа. Генчовска нагласи дека овој протокол не е документ сам по себе, туку е дел од пакетот на таканаречениот „француски предлог“. Има механизам за следење на неговото спроведување и ги обврзува другите земји-членки да го следат, што според неа, е највредното од т.н француски предлог. – Како што повеќе пати изјавивме, тоа е составен дел од пакетот на францускиот предлог, мислам на Рамката за преговори и на заклучоците на Советот. Отсега продолжуваме со работата на ниво на експертски групи со колегите од РСМ со цел подобра координација и нивните следни чекори кои се однесуваат на промена на Уставот и вклучување на Бугарите не само во основниот закон, но и во останатиот дел од законската регулатива – рече министерката Генчовска, која му се заблагодари на тимот на МНР за нивната професионална работа.

Генчовска: Нема нов француски предлог, имплементацијата на протоколот може да се контролира

Ристе Здравков — Sun, 17 Jul 2022 11:00:47 +0000

Не, нема промена во францускиот предлог. Таква промена нема. Ова за БГНЕС го изјави министерката за надворешни работи на Бугарија Теодора Генчовска во врска со наводите во Република Северна Македонија дека има промени во францускиот предлог. Таа прецизира дека во протоколот што денеска го потпишаа двајцата министри – Генчовска и Бујар Османи, има конкретни конкретни рокови кои се дел од Преговорната рамка. „Има механизам да се контролира неговата имплементација. Тоа не е само билатерален протокол“, рече Геночвска, како одговор на прашањето на БГНЕС, „дали постои опасност денешниот протокол да ја следи судбината на првиот од 2019 година, кој што не се спроведе. Бугарскиот амбасадор во Скопје, Ангел Ангелов, за БГНЕС изјави дека е загрижен од антиевропските говори во РСМ во последните недели и ја повика политичката елита и локалните медиуми да тргнат по патот на европеизацијата на државата.

Генчовска: Македонски јазик не признавме и такво нешто ќе нема во документите во ЕУ

Ристе Здравков — Sun, 17 Jul 2022 10:57:30 +0000

Позицијата на Бугарија со договорот со Северна Македонија не се менува и не отстапува од тоа што го утврди Народното собрание, со едностраната декаларација истакнуваме дека нивниот официјален јазик не го признаваме и тоа ќе биде забележано во секој документ во интегративниот процес на Северна Македонија со ЕУ, истакна денеска министерката за надворешни работи на Бугарија Теодора Генчовска. „Сепак, тоа е малку поспецифично во контекст на другите 26 земји членки на ЕУ. Тие имаат свој став и ние не можеме на кој било начин да ги обврземе да ја прифатат нашата официјална позиција. Но нашата позиција е загарантирана како што е формулирана според договорот", рече Генчовска на брифинг по потпишувањето на билатералниот протокол на кој потпис денеска во Софија стави и македонскиот министер Бујар Османи. Од тимот на Генчовска во тамошното Министество за надворешни работи на брифингот е додадено дека е важно што „отсега ниту еден документ, во процесот на приклучувањето на Република Северна Македонија во ЕУ, не може да биде прифатен како бугарско признавање на постоењето на т.н. македонски јазик и тоа е јасно опишано во едностраната декларација што Бугарија ќе ја претстави во понеделник за време на состанокот на Постојаниот комитет". Генчовска нагласила дека дека потпишаниот документ не е посебен, туку е составен дел од пакетот на францускиот предлог.

БУГАРИЈА НАЈМНОГУ ЈА ПОДДРЖУВА МАКЕДОНИЈА: Генчовска ни посака успешен пат кон ЕУ

Ристе Здравков — Sun, 17 Jul 2022 09:50:51 +0000

Бугарија е државата која најсилно ја поддржува европската интеграција на Република Северна Македонија и Албанија. Им посакуваме успех на патот по кој долго време сакаа да тргнат. Се надевам дека со заеднички напори и со нашата поддршка ќе стигнат онаму каде што граѓаните на Северна Македонија најмногу сакаат да стигнат, а тоа е членството во ЕУ, изјави бугарската министерка за надворешни работи Теодора Генчовска по потпишувањето на билатералниот протокол во Софија. Министерот за надворешни работи Бујар Османи изрази надеж дека од денеска се отвора ново поглајве во односите меѓу двете држави. – За нас е историска можност што после 17 години кандидатски статус, Република Северна Македонија добива можност да ги почне преговорите уште задутре со ЕУ, со што почнува последната фаза од нашето пристапување во ЕУ. Се надеваме дека билатералниот процес со Бугарија и пристапните преговори ќе овозможат поблиска соработка меѓу нашите две држави. Очекуваме поддршка од Бугарија на овој пат – изјави Османи по потпишувањето на Протоколот. Двајцата министри оценија дека е постигнат напредок во работата на петте секториски групи и она што треба да се направи е тоа да се преточи во пракса. Експертите од Министерството за надворешни работи на Бугарија продолжуваат да работат со експертските групи од Министерството за надворешни работи на Република Северна Македонија. – Се гледа дека сите кои беа вклучени максимално се вложиле за да има проекти, меморандуми со кои односите меѓу нашите две држави отвараат ново поглавје. Во сите сектори ќе се поврзуваат луѓето и институциите со цел соработката да биде поблиска, заснована на меѓусебна доверба – рече Османи. Пред потпишувањето на Протоколот беше одржан вториот состанок на заедничката меѓувладина комисија со која копретседаваа министрите Османи и Генчовска. Потпишувањето на протоколот и одржувањето на состанокот на меѓувладината комисија следуваат откако вчера предлог-преговарачката рамка на француското претседателство со ЕУ беше одобрна од страна на Владата, по усвојувањето на заклучоците во македонското Собрание по Информацијата по овој документ.

Османи и Генчовска го потпишаа билатералнот протокол (ВИДЕО)

Ристе Здравков — Sun, 17 Jul 2022 09:12:46 +0000

Министрите за надворешни работи на Македонија и на Бугарија, Бујар Османи и Теодора Генчовска го потпишаа билатералниот протокол кој беше еден од клучните документи за отворањето на преговорите со Европската Унија. Потпишувањето на фамозниот протокол следуваше после тридневната дебата во македонското Собрание и гласањето на заклучоците по информацијата од Владата за францускиот предлог во кој беше и овој документ. Овој документ Османи и Генчовска го криеја две недели колку што траеја и протестите во Скопје и останатите градови против прифаќањето на францускиот предлог и билатералниот протокол со кој на Бугарија и се дава можност на годишно ниво да не блокира во процесот на преговорите ако не и бидат исполнети некои од барањата, како што се уставни измени за внесување на Бугарите во Уставот, ревизија на учебниците и говорото на омраза.

Османи и Генчовска денеска во Софија ќе го потпишат билатералниот протокол

Ристе Здравков — Sun, 17 Jul 2022 06:58:21 +0000

Министрите за надворешни работи на Бугарија и Северна Македонија, Теодора Генчовска и Бујар Османи, утрово во 10 часот по бугарско време ќе потпишат посебен билатерален протокол меѓу двете држави, откако ќе се одржи состанок на меѓувладината комисија во насока на финализирање на документот. Документот ќе биде дел од преговарачката рамка на Скопје за членство во ЕУ и содржи мерки за наставните програми за историја, говор на омраза и култура. Со 68 гласа „за“, македонското Собрание вчера и даде зелено светло на Владата да го усвои францускиот предлог. Одлуката помина со гласовите на владејачката СДСМ и албанските партии од власта и опозицијата. Токму преку оваа процедура, откако Скопје и Софија ќе потпишат билатерален протокол, може да се одобри преговарачката рамка на Македонија со ЕУ. Меѓутоа, во пракса, првата меѓувладина конференција нема да биде вистински почеток на преговорите меѓу Скопје и Брисел. Тоа ќе се случи само кога властите во Скопје ќе го сменат Уставот и ќе ги вклучат Бугарите рамноправно со останатите националности, пишуваат бугарските медиуми. Во текот на идните преговори, Европската комисија ќе следи дали се почитуваат прашањата за добрососедство, а Бугарија во секое време ќе може да стави вето.

Генчовска: Реакцијата во Северна Македонија е доста загрижувачка

Ивана Ефремовски — Wed, 06 Jul 2022 15:13:07 +0000

Реакцијата во Северна Македонија на европскиот предлог за деблокирање на евроинтеграциите на државата е доста загрижувачка за една демократска земја, изјави денеска министерката за надворешни работи Теодора Генчовска во коментар на последните случување во земјава. -Да им дадеме можност да и објаснат на нивната заедница што е овој пакет, рече Генчовска по денешната седница на бугарската Влада во оставка. Како што јави дописникот на МИА од Софија, Генчовска нагласи дека она што може да се направи од бугарска страна е да не се шпекулира со информации објавени во медиумите во Северна Македонија. Според Генчовска, бугарската позиција е јасна и Министерството за надворешни работи ма Бугарија строго ја почитува одлуката на бугарското Народно собрание. – Колегите во Република Северна Македонија треба да поминат низ процес согласно процедурите и да ги разгледаат документите преку нивната Влада и нивниот Парламент, додаде Генчовска. (МИА)

Генчовска ги разобличи Ковачевски и Османи: Нема нов француски предлог кој се разликува од она што бугарскиот парламент веќе го прифатил

Ивана Ефремовски — Thu, 30 Jun 2022 20:13:48 +0000

Нема нов француски предлог кој се разликува од она што бугарскиот парламент веќе го прифатил, изјави вечерва за БГНЕС Теодора Генчовска, министерската за надворешни работи на Бугарија во оставка. „Бугарските интереси се максимално заштитени. Во францускиот предлог се потврдуваат нашите услови. Нема нов француски предлог. Сега се зависи од Скопје. Од нив очекуваме државна и одговорна политика“, изјави Генчовска и додаде дека тие се подготвени уште вечерва да ги потпишат сите документи.