терен – Kurir.mk

Италијанците уште недојдени почнаа да се жалат: Теренот е лош, има многу дупки

Ристе Здравков — Fri, 08 Sep 2023 17:33:37 +0000

Капитенот на италијанската фудбалска репрезентација, Чиро Имобиле го потенцираше очајниот квалитет на теренот на Националната арена „Тодор Проески“ каде утре ќе играат Македонија и Италија. Утре ја пречекуваме Италија со која се среќаваме првпат по победата во Палермо. Италијанците ќе сакаат да ни се одмаздат, а противник за тоа ќе им биде и лошиот терен на нашиот стадион. „Точно е дека теренот не е најдобар, го видов, забележав многу дупки, натпреварот ќе биде тежок“, вели Чиро Имобиле. „Со Македонија се соочивме во еден деликатен момент, пред две години. Тогаш горевме од желба да победиме, притисокот беше голем. Можеби и тоа имаше улога за крајниот резултат. Македонија е селекција составена од играчи кои играат во силни тимови. Би го издвоил Елмас како еден од најдобрите македонски фудбалери“. „Тоа што сум капитен е голема одговорност за мене, ме прави горд. Националниот дрес има тежина без разлика на моментот и условите. Секогаш сум горд кога играм за Италија, националниот дрес ги претставува сите клубови заедно. Среќен сум што ќе играм за еден тренер од кој ќе можам да научам многу нови работи“.

Фанот на Ливерпул кој влезе на терен да прослави гол, можеби веќе никогаш нема да влезе на Енфилд!

Ристе Здравков — Mon, 06 Mar 2023 13:58:57 +0000

Ливерпул отвори истрага за да го идентификува навивачот кој влезе на теренот за да го прослави голот на Фирмино. Еуфорично беше синоќа на Енфилд на историскиот меч во кој Ливерпул со 7-0 го победи Манчестер јунајтед. При погодокот на Боби Фирмино, еден навивач влезе во теренот и несмасно го собра Робертсон, малку фалеше да го повреди. Клоп збесна. Ливерпул соопшти дека почнале истрага за идентификација на навивачот кој влета во теренот. За клубот тоа е неприфатливо и опасно однесување. Доколку биде утврдено дека навивачот без дозвола влегол во теренот, што е многу веројатно, тој ќе добие доживотна забрана за присуство на Енфилд, но и на сите други стадиони во Премиерлигата.

Liverpool FC has begun an immediate investigation to identify and ban the individual pitch runner from Sunday's Premier League fixture against Manchester United at Anfield.
— Liverpool FC (@LFC) March 6, 2023

Натпревар од Лига 1 одложен поради лошата состојба на теренот по музички фестивал

Ивона Петрова — Sun, 14 Aug 2022 10:40:10 +0000

Натпреварот од второто коло во францускиот шампионат меѓу Лориен и Лион е одложен за друг термин. Оваа одлука е донесена поради лошата состојба на тревникот на „Стад ду Мустоар“ во Лориен. Од 6 до 11 август во арената се одржуваше музички фестивал, поради што тревникот, покриен со церада, беше сериозно оштетен. Лион на официјалната веб-страница го изрази своето жалење што Лориен не направи сЕ што е можно за да ја спречи оваа ситуација. Натпреварот Лориен – Лион требаше да се одигра денес од 13 часот.

УШТЕ ЕДНА ФУДБАЛСКА ТРАГЕДИЈА: 21-годишен грчки фудбалер колабираше среде натпревар и почина!

Тале Кристо — Wed, 02 Feb 2022 17:48:44 +0000

Уште една фудбалска трагедија го потресе фудбалски свет, овојпат од Грција дојде информацијата за прераната смрт на 21-годишниот фудбалер, Алесандрос Лампис. Тој почина на теренот, откако колабира за време на натпреварот на нисколигашот Иуполис против Енормијада. Лекарите веднаш реагирале и се обидоа да го спасат, но безуспешно. Како што пишуваат грчките медиуми, возилото за Брзата помош доцнело 20-тина минути, што се наведува како една од причините за големата трагедија. -Наш Алеко, наш брат и пријател. Си замина така неправедно. Целиот тим и целиот град денеска тагуваат. Нема вистински зборови, само неподнослива болка и кнедла во грлото. Среќен пат во вечноста, Алекара, се збогуваа за последен пат од неговиот клуб.

„Градоначалниците од ВМРО-ДПМНЕ се на терен од прв ден, се откажуваат од привилегиите и ќе започнат 3 капитални проекти уште првиот месец“

Тале Кристо — Mon, 08 Nov 2021 08:05:39 +0000

Градоначалниците од ВМРО-ДПМНЕ се на терен од прв ден, се откажуваат од привилегиите и ќе започнат 3 капитални проекти уште првиот месец, велат од ВМРО-ДПМНЕ. Со самото стапување на функцијата градоначалник, градоначалниците од ВМРО-ДПМНЕ излегоа на терен и почнаа со средување на општините, зголемување на хигиената, чистење на дивите депонии, уредување на шеталиштата. Претседателот на ВМРО-ДПМНЕ, Христијан Мицкоски на вчерашниот состанок со градоначалниците упати порака тие да се откажат од привилегиите кои ги носи нивната функција, и да не користат службено возило за приватни цели и надвор од работните обврски, како и да не ги употребуваат картичките за ручеци освен кога имаат делегации или работни средби. Скромноста мора да биде одлика на секој јавен функционер. Дополнително претседателот Мицкоски им кажа на градоначалниците дека граѓаните очекуваат проекти и сработување на ветеното, во таа насока уште во првиот месец ќе отпочнат со 3 капитални проекти во секоја општина. Граѓаните очекуваат резултати. Промените мора да се случуваат бргу. Создаваме нова иднина, стои ви партиското соопштение на ВМРО-ДПМНЕ.

Невиден очај и нерегуларности за време на молк – Градоначалници и криминални структури агитираат на терен!

Тале Кристо — Tue, 14 Jul 2020 19:27:07 +0000

Изборните нерегуларности од страна на одредени политички партии продолжи и во текот на денешниот ден. За време на молкот, јавноста беше сведок на низа нерегуларности од страна на една партија, за што по истите постапи и МВР, а за некои од лицата кои учествуваа во поткупи на гласови побарано е и притвор. Владејачка партија од македонскиот блок го крши предизборниот молк преку разни обиди за поткуп на гласачи и сценарија со кои ќе се влијае врз изборниот резултат на предвремените парламентарни избори закажани за во среда. Претходно дел од активистите се приведени откако на дело се фатени како се обидуваат да поткупат гласачи, додека полицијата активно работи да спречи понатамошни обиди да се влијае врз гласачите слободно и без притисоци да го дадат својот глас. Денеска на прес-конференција и министерот за внатешни работи Наќе Чулев предупреди дека МВР ќе постапува согласно законот. -МВР ќе биде бескомпромисно, доследно, крајно одговорно со никаква толеранција кон какви и да се евентуални обиди за попречување на граѓанското право за слободно изразување на политичката волја. Секое постапување кое е во спротивност со законот ќе биде соодветно санкционирано, а казните за кривичните дела против изборите се движат до 10 години затвор, истакна на денешната прес-конференција министерот за внатрешни работи Наќе Чулев. Но и покрај сите апели на надлежните, нерегуларните активности од страна на активисти на една владејачка партија продолжуваат и во текот на денешниот ден. Според информациите од терен масовно се агитира за време, се врши поткуп во ромски мала во Ѓорче Петров и Шуто Оризари. За во доцните часови за време на изборен молк градоначалници од една владејачка партија агитираат на терен, асвалтираат улички... Во некои населени места како Сингелиќ, Чучер Сандево, во струмичко и други места во доцните ноќни часови агитираат и криминални структури до политичката партија. Инаку, како за потсетување, МВР веќе лиши од слобода неколку лица за обид за поткуп, а за некои локални функционери е побаран дури и притвор.

Проблеми за Динамо Загреб вечерва: Теренот не се гледа од густата магла (ФОТО)

Дарко Андоновски — Thu, 08 Nov 2018 19:26:48 +0000

Динамо Загреб вечерва од 21 часот ќе го почне својот четврти натпревар во групната фаза од Лигата на Европа во која ќе го пречека Спартак Трнава на свој терен.

Хрватскиот тим има шанса уште вечерва со победа да обезбеди пласман во нокаут-фазата, но пред натпреварот се појавија неочекувани проблеми на кои не може никако да се реагира. „Максимир“ на речиси еден час пред натпреварот го „окупираше“ густа магла, а теренот едвај се гледа.

Митко Јанчев на терен, започнува серија средби со кавадарчани

Ристе Здравков — Wed, 03 Oct 2018 11:56:00 +0000

Градоначалникот на Кавадарци, Митко Јанчев заедно со службите од општината и од ЈП Комуналец од вчера започна серија средби со жителите на општина Кавадарци. Вчера попладне првата средба се одржа со жителите на урбаната заедница „Ќиро Крстев“. Градоначалникот имаше можност да се информира за проблемите на овие жители но и да ги информира за активностие кои ги има планирано локалната самоуправа за нивната урбана заедница.