теретани – Kurir.mk

Зошто теретаните, спортските сали и фитнес студијата се полни со огледала? Еве го одговорот

Катерина Бојаџиева — Wed, 22 Sep 2021 13:38:45 +0000

Има многу причини зошто повеќето спортски сали и фитнес-студија имаат бројни огледала на ѕидовите. Сѐ се сведува на подобрување на вежбањето, но и мотивација за подобри резултати преку следење на сопствените движења на телото. Вежбањето пред огледало може да изгледа како признак на заљубеност во себеси, но вистината поради којашто огледалата со десетлетија се составен дел од танцовите студија и вежбалниците, е друга. Според „Сајколоџи тудеј“ (Psychology Today), истражувањата потврдуваат дека вежбањето пред огледало може да има и позитивни и негативни страни. Од позитивната гледна точка, тие помагаат да се усоврши формата на телото. Со помош на тоа, човекот го поправа движењето, дишењето, опуштањето на мускулите итн. Од друга страна пак, огледалата можат да ја попречат внатрешната рамнотежа и да нѐ натераат да го префрлиме вниманието на небитни движења. Со оглед на ова, „надворешниот фокус (нагласка на тоа како Вашите движења влијаат врз сѐ она околу Вас) води кон подобри перформанси отколку внатрешниот фокус (тоа – како се движи телото или мускулните групи) за време на физичките напори“, се вели во истражувањето. Огледалата може да ја намалат опасноста од повреди и ја зголемуваат мотивацијата Најдобар начин да избегнете повреди во вежбалницата е добрата форма. Но, вежбите пред огледало помагаат да се постигнат потребните промени за да се спречат какви било незгоди, напрегања или истегнување на мускулите. Гледајќи го своето движење, пак, може дополнително да се инспирирате, да работите понапорно и да дадете сѐ од себе. Огледалата го развиваат и чувството за простор и за кореографија. Работењето близу другите е многу полесно ако видите на огледалата- колку всушност сте блиску. Тоа помага при полесно совладување кореографски движења, без вртење наназад.

Во карантин СЕ ЗДЕБЕЛИЈА, пред да се вратат на работа САКААТ ДА ОСЛАБАТ – Бум во теретаните во САД

Ристе Здравков — Fri, 23 Jul 2021 08:08:24 +0000

За време на долгиот период на карантин, кога повеќето работеа од дома, повеќето не излегуваа надвор со денови и немаа никакви физички активности. Седејќи дома во удобна облека како тренерки или пижами тешко беше да се забележат неколку килограми вишок. Ако додадеме на тоа и вознемиреност и нарачување/консумирање храна (на нервна основа) – работите беа прилично надвор од контрола. Сега, кога е време дојде време за враќање на работа, имаше некои проблеми. Дел од вработените не можеа да „влезат“ во своите панталони, тесни фустани и деловни одела. Блумберг пишува дека Американците сега масовно се вртат кон вежбање и теретана, затоа што се пред враќање во канцеларијата. Бројот на платени членарини на фитнес-локациите во САД расте, а личните тренери се исто така на големо резервирани. Исто така, претплатите на WW (Weight Watchers) се зголемиле за 16% на крајот на првиот квартал од 2021 година, во споредба со претходната година. Изолацијата и вознемиреноста, поттикнати од глобална пандемија, ги принудија луѓето да јадат повеќе и да се движат помалку. Во исто време, треба да се истакне дека во САД, секое четврто лице од 10, е дебело. Вкупно 42% од популацијата добила несакана тежина, во просек 13 кг, според извештајот на годишното истражување на стресот на Американската асоцијација за психологија. Бидејќи ковид-19 го зафати светот, дебелината се споменува како еден од факторите што сигурно не е во добра корелација со вирусот. Дури и модните компании излегоа со некои видови кампањи кои промовираат облека за „облини“, поточно, порелаксирани, поудобни парчиња облека. Дури и пред пандемиската криза, скоро третина од населението, во просек, во 100-те најголеми американски градови имаа проблем со прекумерна тежина, а 25% од нив не вежбале претходниот месец. Некои прелиминарни студии за пандемијата откриваат намалена активност и помал внес на здрава храна, како и зголемен стрес и дебелина. Кон крајот на мај, 12% од вработените во Менхетен се вратиле на работа барем со скратено работно време. Анкетираните компании очекуваат таа бројка да достигне 62% до крајот на септември. Во последните неколку недели, новите клиенти на компанијата „Own Your Fitness“ од Менхетен, изјавиле дека сакаат не само да ослабат, туку и да се прилагодат на корпоративното опкружување. Почнале да велат: „Сакам да изгледам како да сум сè уште конкурентен и да се снаоѓам“, додава американската агенција. Низ целата земја, повеќе од 500 луѓе се приклучиле на бесплатната програма што вклучува совети и линкови што водат до видеа од 30- до 60 секунди, апелирајќи на тоа зошто дебелината е штетна за здравјето и како тоа доведува до рана смрт.

Во државата Њујорк повторно се отвораат музеите и теретаните

Дарко Андоновски — Tue, 25 Aug 2020 15:00:13 +0000

Музеите низ американската држава Њујорк и теретаните во делови од државата надвор од градот Њујорк повторно ќе можат да продолжат со работа во понеделник, согласно олеснувањето на рестриктивните мерки воведени поради пандемијата на коронавирусот. Според упатствата кои ги објави гувернерот на сојузната држава Њујорк, Ендрју Куомо, максималниот број на посетители дозволени во музеите ќе се намали на 25 проценти од вообичаено, а билетите ќе важат ограничено време. Куомо исто така рече дека теретаните и фитнес центрите од понеделник ќе можат да работат со третина од капацитетот, но градоначалникот на Њујорк, Бил де Бласио информира дека теретаните во градот ќе останат затворени најмалку до 2 септември.

Почнуваат со работа теретаните и вежбалните, од денеска угостителските објекти можат да работат и во внатрешноста

Ивона Петрова — Fri, 26 Jun 2020 05:35:35 +0000

Угостителските објекти од денеска можат да работат и во внатрешноста на објектите преку соодветен протокол за работа, а се дозволува и работа на теретаните и вежбалните, додека моловите ќе можат да работат и во неделите. Ова го овозможува Уредбата што ја донесе Владата на својата 72-ра седница во вторникот врз основа на препораките на Комисијата за заразни болести. Согласно протоколите за работа, вработените во угостителските објекти кои послужуваат задолжително треба да носат заштитни маски и зачестено да одржуваат хигиена на раце. Во просторот за послужување на гости, каде има поставено маси, треба да се обезбеди растојание од столче до столче од 1,5 до два метра со соседните маси во сите правци. На една маса со четири столици може да седат и да се послужуваат максимум две лица или четири лица доколку се од исто семејство. Дозволен е максимален број на 12 лица на споени маси заедно со задолжително растојание помеѓу секој гостин од 1,5 метри. Задолжително треба дабиде поставено дезинфекционо средство за раце на секоја маса. Забрането е организирање на прослави (свадби, родендени, крштевки и сл.) При организирањето на игри на среќа во автомат клубовите бројот на лица е ограничен, односно најмногу едно лице може да биде присутно на пет квардратни метри, а на влез задолжително треба да има редарска служба која ќе врши дезинфекција на раце на сите лица кои влегуваат во објектот, контрола на заштитна опрема (заштитни маски). Заштитната опрема е задолжителна при влегување и движење низ објектот. Во објектот е задолжително одржување дистанца од најмалку 1,5 метар, а во случај на помало растојание задолжително треба да се користат пластични, стаклени или слични прегради, паравани и слично. Слични услови има и за организирање на игри на среќа во казина, со тоа што редарската служба ќе врши контролирано пропуштање на лица во објектот со запазување дистанца од најмалку два метра до казино рецепцијата. Воедно позициите за регистрација на посетители мора да бидат одвоени најмалку два метра една помеѓу друга. Присуството на лица на касите низ објектот е со одржување дистанца од два метра растојание. За играње на апарати на среќа (АИС) доколку гостите седат на играчкото место на АИС и притоа е запазено минималното растојание или играчкото место е обезбедено со пластични, стаклени или слични прегради тогаш носењето заштитна опрема е задолжително за време на играта. Доколку гостите седат на играчкото место на АИС со повеќе играчки места (електронски рулет) и притоа е запазено минималното растојание или играчкото место е обезбедено со пластични, стаклени или слични прегради тогаш носењето на заштитна опрема е задолжително за време на играта. За играње на масите за жива игра предвидено е играта Американски Рулет да се одвива со најмногу три играчи при што носењето заштитна опрема е задолжително. Играта на маса за жива игра Блек Џек, Карабиан Покер, Ултимејт Тексас Покер и други казино игри кои се играат на маси со седум играчки места, се одвива со најмногу три играчи при што носењето на заштитна опрема е задолжително. Игра на маса за жива игра Тексас Холдем Покер се одвива преку едно играчко место со најмногу пет играчи при што носењето на заштитна опрема е задолжително.

Ќе се отвораат казината и фитнес центрите, најави Филипче

Ристе Здравков — Mon, 22 Jun 2020 13:49:59 +0000

На Комисијата за заразни болести зборевме за олабавување на мерките и дојдовме до заклучоци да се отворат казината, а до крајот на неделата да профункционираат и фитнес центритe, истакна министерот за здравство Венко Филипче на денешната прес-конференција. „Во однос на границите, дополнително ќе ја информираме јавноста, вели Филипче.