Украинска Армија: Украина врати дел од територијата на југ

Тале Кристо — Mon, 11 Sep 2023 06:13:34 +0000

Украинската армија синоќа соопшти дека освоила дополнителни 1,5 квадратни километри околу неодамна ослободеното село Роботин на југот на земјата, пренесуваат хрватските медиуми. -Русите се држат за секој метар украинска земја. Меѓутоа, украинските воени сили се обидуваат да и отежнат колку што е можно на руската Армија да дојде до залихи, а во некои области тоа беше успешно, изјави вчера Александар Ступун, воен портпарол на првите линии. Во меѓувреме, во источна Украина, руската Армија напредува во својата офанзива. Според Ступун, во близина на Маринка во регионот Доњецк, украинските војници одбиле околу 15 непријателски напади. Во областа Харков, Русите не успеале да напредуваат во близина на селото Берестово, соопштија украинските власти. Според украинскиот Генералштаб, во последните 24 часа се случиле повеќе од 30 битки.

Русија отворила истрага по упадот на нејзина територија

Тале Кристо — Tue, 23 May 2023 12:08:53 +0000

Руските власти денеска отворија истрага за „терористичкиот чин“ откако вооружена група од Украина ја нападна руската погранична Белгородска област. „Се преземаат мерки за утврдување на идентитетот на напаѓачот и сите околности на инцидентот“, се наведува во соопштението на Рускиот истражен комитет, орган одговорен за главните истраги во Русија. Гувернерот на Белгородската област, Вјачеслав Гладков, утринава изјави дека рускиот регион синоќа бил нападнат со беспилотни летала, а цел биле куќите и зградата на локалните власти по инвазијата на вооружените борци од Украина. Гладков додаде дека во нападите нема жртви или повредени.

територија – Kurir.mk

Украинска Армија: Украина врати дел од територијата на југ

Русија отворила истрага по упадот на нејзина територија