термоцентрала – Kurir.mk

Русите ја уништиле термоцентралата во Киев

Тале Кристо — Fri, 25 Feb 2022 20:27:16 +0000

Руската војска, наводно, ја уништила термоцентралата во Киев, вели градоначалникот на Киев, Виталиј Кличко, што е знак дека таа е насочена кон критичната инфраструктура во главниот град, јави „Гардијан“. Оваа објави следуваше по друг извештај на Кличко дека пет експлозии се слушнале во период од три до пет минути во близина на електрана лоцирана северно од Киев, јави „Телеграф“. -Службите за итни случаи работат. Ги дознаваме деталите. Ситуацијата сега, без претерување, е заканувачка за Киев. Ноќта ќе биде многу тешка, истакнал градоначалникот на украинската престолнина, Виталиј Кличко.

ВМРО-ДПМНЕ ќе го модернизира РЕК Битола и ќе изгради нова термоцентрала во Пијанец и Малешевијата

Ивона Петрова — Fri, 28 Feb 2020 08:02:51 +0000

ВМРО-ДПМНЕ секогаш работела за добро на граѓаните на Република Македонија. ВМРО-ДПМНЕ по 12-ти април кога ќе дојде на власт ќе реализира проекти кои ќе го подобрат стандардот на граѓаните. ВМРО-ДПМНЕ се обврзува на обнова која подразбира целосна модернизација на РЕК Битола и продолжување на векот на траење, велат од ВМРО-ДПМНЕ. Од партијата истакнуваат дека овој сложен проект опфаќа набавка на нова опрема за потребите на РЕК Битола, зголемување на нејзините капацитети и модернизација на работата, како и примена на целосни, без исклучок и без компромис, еко стандарди за намалување загадувањето на животната средина и целосно еколошко работење на комбинатот. -ВМРО-ДПМНЕ се обврзува за обнова која што подразбира нова термоелектрична централа во Пијанец и Малешевијата според високи еколошки стандарди што ќе биде од стратешко значење за Источна Македонија. Ова подразбира 1.000 силно платени нови вработувања за Делчево, Пехчево, Македонска Каменица и Берово, и останати места околу. За целиот регион тоа ќе донесе нова додадена вредност, средства од 20-тина милиони евра годишно и враќање на животот во овој крај. ВМРО-ДПМНЕ по 12-ти април ќе донесе обнова на Република Македонија со реални проекти и реални ветувања. Обнова што ќе значи повеќе за секој граѓанин во Република Македонија, посочуваат од партијата.

Мицкоски вети нова термоцентрала со високи еколошки стандарди во Малешевијата за 1000 нови вработувања

Тале Кристо — Sat, 22 Feb 2020 12:53:01 +0000

Лидерот на ВМРО-ДПМНЕ Христијан Мицкоски вети изградба на нова термоцентрала во Пијанец и Малешевијата според високи еколошки стандарди што ќе биде од стратешко значење за Источна Македонија. Ова ќе значи 1 000 нови вработувања од овој дел на земјата. -Се обрзуваме за обнова која ќе донесе нова термоцентрала во Пијанец и Малешевијата според високи еколошки стандарди што ќе биде од стратешко значење за Источна Македонија. Ова ќе значи 1 000 нови вработувања за Делчево, Пехчево, Македонска Каменица, Берово и останатите места, со добри плати. За целиот регион тоа ќе донесе 20 милиони евра обрт годишно и враќање на животот во овој крај, порача Мицкоски.