ВИДЕО: Терористи уапсени во Македонија, погледнете како беа фатени и што заплени полицијата

Ивана Ефремовски — Tue, 01 Sep 2020 08:11:08 +0000

Министерството за внатрешни работи во соработка со Агенцијата за национална безбедност и Основното јавно обвинителство за гонење на организиран криминал и корупција презеде оперативно тактички мерки и активности што резултираа со сузбивање односно приведување на трочлена терористичка група која делувала на територијата на Република Македонија. Одделот за сузбивање на организиран и сериозен криминал-Секторот за борба против тероризам, насилен екстремизам и радикализам при Министерството за внатрешни работи поднесе кривична пријава до Основното јавно обвинителство за гонење на организиран криминал и корупција против Б.А. (28) од Куманово, а кој престојува во Скопје, за сторено кривично дело „терористичка организација“ предвидено и казниво по член 394-а став 1 и „тероризам“ по член 394-б став 6 в.в. став 1, како и против В. А. (22) и Е. Љ. (25), двајцата од Куманово, за сторени кривични дела „терористичка организација“ по член 394-а став 2 и „тероризам“ по член 394-б став 6 в.в став 1 од Кривичниот законик. Б.А., В.А. и Е.Љ. се рецидивисти, односно повратници, лица кои претходно за сторено кривично дело „Учество во странска војска, полиција паравоени или параполициски формации“ од чл. 322-а од КЗ се правосилно осудени и издржале казна затвор. На почетокот на 2019 година, А.Б. создал терористичка/злосторничка организација во која членуваат В.А., Е.Љ. и уште неколку лица и заедно формирале злосторничка организација „ќелија“ со основи на идеолошката матрица на познатата терористичка организација ИСИС, со намера на изведување на терористички акт на цели на територија на Република Македонија. За остварување на таа намера. Членовите на групата обезбедувале финансиски средства и набавиле поголема количина на оружје, муниција и воена опрема, која ја сокриле-складирале во близина на локалниот пат с. Биљановце/с.Пчиња на м.в „Менкова Колиба“. Како резултат на добиени оперативни сознанија и примена на оперативно тактички мерки на споменатата локација пронајдени се: пет автоматски пушки, пушкомитралез, 18 рамки за автоматска пушка со по 30 куршуми, рамка со 15 куршуми, три дрвени кундаци, дрвен кундак со механизам за испалување, три гранати за рачен фрлач со напис RD 40мм, пет запалки за гранати за рачен фрлач со осигурачи, две маскирни капи, две поткапи црна и сива боја, два пара маскирни ракавици, два тактички елеци, четири тактички елеци со маскирна боја, знаме со испишани арапски букви (ИСИС), марама со испишани арапски букви. Врз основа на издадени Наредби од Основен Кривичен суд Скопје на 31.08.2020 од страна на Одделот за сузбивање на организиран и сериозен криминал со подршка на Одделот за специјални полициски операции извршени се претреси во дом и други простории кај лицата Б. А., В. А. и Е. Љ. на вкупно четири локации, од кои три на подрачјето на Куманово и една на подрачјето на Скопје, и притоа истите се лишени од слобода. Од извршените претреси пронајдени и одземени се: два појаси рачно изработени исполнети со прашкаста материја (експлозив), метални кугли (лагери) монтирани на картонска подлога и две запалки од рачна бомба за активирање на појасите, две направи со жици од разна дебелина, две радиостаници, осигурач за експлозивна направа, лап-топ компјутер, девет мобилни телефони, пет СИМ картички, електронски уред со објектив, две USB-а, футрола за пиштол, маскирна облека, два ножа, две футроли за ножеви,ПМВ Ауди А-3 и др.

Депортиран македонски државјанин кој бил дел од терористичка група во Сирија

Ивона Петрова — Wed, 11 Mar 2020 06:38:39 +0000

Еден државјанин на Македонија и еден на Германија кои биле дел од терористичка група се депортирани од Турција во нивните земји, соопшти турското Министерство за внатрешни работи. Тие биле заробени во Сирија како припадници на ИСИС. Владата во Анкара најави дека ќе продолжи да ги враќа заробените терористи во матичните змеји и покрај противењето на некои европски држави, пренесува агенцијата Анадолија. Според податоците на турското МВР, лани од Турција во нивните земји на потекло биле депортирани 780 странски терористи.

Нацисти осудени на казна затвор, го крстиле бебето Адолф (ФОТО)

Ивана Ефремовски — Thu, 20 Dec 2018 11:29:57 +0000

Британска двојка доби затворски казни кога двајцата партнери беа обвинети за учество во екстремно десничарска терористичка група, пренесоа локални медиуми. Адам Томас (22) доби затворска казна од шест и пол години, а некогава партнерка Клаудија Пататас (38) е осудена на пет години затвор поради учество во National Action, група чие постоење беше забрането во 2016. Поротата во судот од Бирмингам на сослушувањето дознала дека двојката на своето дете му дала средно име Адолф, наводно поради восхит кон лидерот на нацистичка Германија, Адолф Хитлер. Како дел од доказите приложени на суд биле и фотографии на кои Томас и Пататас позираат до знаме со свастика. На друга фотографија е прикажана Пататас со бебето, исто така позирајќи до знаме со свастика. Пататас, која има потекло од Португалија, вели дека сите Евреи мора да бидат убиени, а дека нејзиниот сопруг Томас смета дека сите лица што не се белци се неподносливи. Двојката беше осудена по седумнеделен судски процес.

терористичка група – Kurir.mk

ВИДЕО: Терористи уапсени во Македонија, погледнете како беа фатени и што заплени полицијата

Депортиран македонски државјанин кој бил дел од терористичка група во Сирија

Нацисти осудени на казна затвор, го крстиле бебето Адолф (ФОТО)