тешки кражби – Kurir.mk

Расчистени шест тешки кражби во битолско- приведени четири лица, предметите вратени на сопственикот

Катерина Бојаџиева — Fri, 20 Oct 2023 07:31:20 +0000

На 19.10.2023 во с.Могила, битолско, полициски службеници од криминалистичката полиција при СВР Битола ги лишиле од слобода Б.Б.(50), Г.П.(40), Т.И.(48) и Р.О.(34), сите од с.Могила, поради сомнение дека извршиле шест кривични дела „тешка кражба“. При претреси во нивните домови, извршени со судска наредба, биле пронајдени и одземени повеќе предмети за кои постои сомнение дека потекнуваат од кражби извршени во земјоделски комбинат во с.Радобор, општина Могила. Пронајденото било вратено на сопственикот, а лицата биле задржани во Полициската станица Битола. По целосно документирање на случајот, против нив ќе бидат поднесени соодветни кривични пријави.

Приведен крадец, расчистени две тешки кражби- поднесена кривична пријава

Катерина Бојаџиева — Thu, 01 Jun 2023 10:31:59 +0000

Одделението за криминалистички работи при ЕВР Карпош поднесе кривична пријава против А.Л.(23) од Скопје, поради постоење основи на сомнение за сторени две кривични дела „тешка кражба“ по член 236 од Кривичниот законик. Имено, на 29.05.2023 тој со употреба на сила и алат влегол во плац на ул.„Скупи“ и одзел повеќе предмети, додека на 09.04.2023 на истиот начин влегол во плац на правно лице во Скопје, од каде што одзел повеќе предмети. По преземени мерки и активности, вчера (31.05.2023) тој бил лишен од слобода и со него бил извршен службен разговор во Полициската станица Карпош. Одземените предмети биле пронајдени и вратени на сопствениците.

Расчистени пет тешки кражби во Битола, пронајдените украдени предмети вратени на сопствениците

Дарко Андоновски — Fri, 27 Jan 2023 16:09:16 +0000

Денеска (27.01.2023), полициски службеници од криминалистичката полиција при СВР Битола извршиле службен разговор со Б.В.(23) од Битола. Тој се сомничи дека извршил пет тешки кражби, при што од куќи, објект и возило, на подрачјето на Битола, одзел повеќе предмети. Во разговорот во полициска станица Б.В. ги признал делата, а дел од предметите биле пронајдени и вратени на сопствениците. По документирање на случајот, против него ќе биде поднесена соодветна пријава.

Расчистени пет кривични дела тешка кражба на подрачје на ОВР Кочани

Дарко Андоновски — Mon, 23 Jan 2023 14:52:21 +0000

Денеска (23.01.2023) во ОВР Кочани е извршен службен разговор со 16-годишен малолетник,во присуство на родител, при што расчистени се вкупно пет кривични дела: Една тешка кражба од ЈЗУ Општа болница -Кочани, две тешки кражби од куќи и две тешки кражби на дрзок начин, сите сторени на подрачјето на ОВР Кочани. Одземеното ќе биде вратено на оштетените, а по документирање на случаите ќе биде поднесен соодветен поднесок.

Скопјанец осомничен за две тешки кражби

Катерина Бојаџиева — Mon, 07 Feb 2022 08:56:27 +0000

Основното јавно обвинителство Скопје поведе постапка против 53-годишен скопјанец за кого постои основано сомнение дека сторил две кривични дела – Тешка Кражба по член 236 став 1 точка 3 од Кривичниот законик. Надлежниот јавен обвинител до судијата на претходна постапка од Основниот кривичен суд Скопје достави и предлог за определување мерка притвор за осомничениот, бидејќи постојат околности што очигледно укажуваат на опасност од бегство. Осомничениот на 29.12.2021 година, во Градскиот Трговски Центар, на дрзок начин одзел еден женски паричник, во кој имало парични средства во износ од 100 денари, лична карта, здравствена картичка и неколку банкарски картички. Тој го искористил невниманието на оштетената и моментот во движење кога ги ставала своите купени производи во кеса, се движел до неа и се доближил, па со протнување на раката во левиот џеб на јакната, го зел паричникот. Без да биде забележан го напуштил местото на настанот, а во текот на денот, во неколку наврати, од два банкомати, со одземените кредитни и дебитни картички успеал да извади и да земе парични средства во износ од 63.000 денари. На 04.02.2022 година, на автобуската станица пред зградата на МАНУ, на дрзок начин одзел еден мобилен телефон во вредност од 20.000 денари. Тој го искористил невниманието на оштетената и толпата патници кои влегувале во автобусот и во моментот кога оштетната го ставила мобилниот телефон во десниот џеб од својата јакна, осомничениот се втурнал во нејзина близина на скалите при влезот во автобусот, со раката го извлекол и зел мобилниот телефон од џебот, со намера противправно да го присвои. Потоа веднаш се симнал од автобусот, се свртел и почнал да се движи по тротоарот, но бил забележан и задржан од полициски службеници, лишен од слобода и спроведен во полициска станица.

Извршиле две тешки кражби, а “пленот“ им е фатен во автомобил

Ивана Ефремовски — Sat, 06 Nov 2021 12:09:01 +0000

На 05.11.2021 во 12:45 часот од полициски службеници на ОВР Гостивар биле лишени од слобода И.З.(25), В.С.(25) и З.С.(25), сите од Гостивар, поради постоење основано сомнение дека во гостиварското село Сретково извршиле две тешки кражби. При преглед во возилото со кое се превезувале биле пронајдени повеќе предмети кои потекнуваат од кривичните дела, кои биле одземени и вратени на сопственикот. По документирање на случајот против нив ќе биде поднесен соодветен поднесок.

СВР Тетово расчисти 6 тешки кражби во Гостивар, приведен крадецот

Ивона Петрова — Wed, 08 Sep 2021 08:34:27 +0000

Осомничен дека ги извршил кражбите е 25-годишниот А.О. о долнореканското село Видуше. -Во текот на минатиот и овој месец А.О. со употреба на сила и со користење на штрафцигери и други алатки ги провалил вратите и прозорците на неколку гостиварски јавни установи (Болница, Катастар и други) и по влегувањето во нивната внатрешност, претежно одземал оставени парични средства во фиоки, каси и на други места, информира портпаролот на СВР Тетово, Марјан Јосифоски. Дваесет и петгодишниот видушанец приведен е во Полициската станица Гостивар и по целосното документирање на овој случај, ќе му биде изготвен соодветен поднесок по член 236 од Кривичниот законик , а поради основи на сомнение дека сторил кривично дело "тешка кражба".

Две лица обвинети за тешки кражби во Скопје

Тале Кристо — Tue, 15 Jun 2021 08:04:13 +0000

Јавен обвинител од Основното јавно обвинителство Скопје поднесе Обвинителен предлог против две лица кои се товарат дека сториле кривични дела – Тешка кражба од член 236 став 1 од Кривичниот законик. Обвинетиот 35-годишен скопјанец и обвинетата 25-годишна скопјанка, по претходен договор заеднички влегле во куќа на улица „Венијамин Мачуковски“ и додека станарите спиеле, од масата во дневната соба одзеле две женски чанти во кои имало пари, банкарски картички и други документи. Една од оштетените го затекнала обвинетиот до украдените чанти во раката и вознемирана го прашала што прави, по што тој заедно со неговата соизвршителка се дале во бегство. Веднаш по настанот обвинетата употребила една од украдените картички и извршила вкупно седум трансакции во два маркета. Само неколку дена подоцна, првообвинетиот, со совладување препреки, извршил уште една тешка кражба во стан во зграда на истата улица. Имено, тој успеал по фасадата на зградата и држачите од олукот да се искачи на висина од 2.5 метри, се прекачил на балконот од станот и преку незаклучената балконска врата влегол внатре. Од дневната соба одзел женска чанта со лични документи и банкарски картички, па веднаш го напуштил местото. Една од украдените картички веднаш ја употребил во маркет, реализирајќи две трансакции. Поради опасност од бегство, надлежниот јавен обвинител до Основниот кривичен суд Скопје достави и предлог за продолжување на претходно определената мерка притвор за првообвинетиот.

Приведен крадец од скопско, расчистени четири тешки кражби

Магдалена Андонова — Tue, 24 Nov 2020 10:12:25 +0000

На 23.11.2020 во 10.50 часот полициски службеници од Единицата за внатрешни работи Гази Баба на место викано Дрма, атар на с.Мралино, го лишиле од слобода Ф.А.(37) од с.Јурумлери, скопско, поради основано сомнение за сторено кривично дело тешка кражба извршена во викенд куќа. Кај Ф.А., кој првично се претставил како косовски државјанин М.А., биле пронајдени предмети кои потекнуваат од кривичното дело, кои биле вратени на оштетениот. По преземни мерки и активности утврден е идентитетот на пријавениот и расчистени се вкупно четири кривични дела тешки кражби извршени во викенд куќи на подрачјето на Петровец. Ф.А. бил приведен во полициска станица и по целосно документирање на случајот против него ќе биде поднесена кривична пријава по член 236 од Кривичниот законик.

Уапсени татко и малолетен син од Куманово заради тешки кражби од куќи и станови

Ивана Ефремовски — Fri, 14 Feb 2020 09:40:26 +0000

Во текот на изминатата недела СВР Куманово преземаше мерки и реализираше повеќе кривични дела „тешки кражби“ од куќи и станови. Завчера, врз основа на судска наредба, извршен е претрес во домот на Р.М.(47) од Куманово, при што се пронајдени и одземени електричен шпорет и машина за перење, додека од неговиот 16-годишен син одземени се 20 пара машки и женски обувки. Истиот ден бил извршен претрес и во домот на И.З.(31) од Куманово, при се пронајдени и одземени неколку електрични апарати за домаќинство и повеќе други предмети за домаќинство. Поради постоење основи на сомнение дека е сторител на кривично дело „тешка кражба“ од слобода е лишен 16- годишникот, во присуство на неговата мајка. По целосно документирање и расчистување на случаите, против лицата ќе бидат поднесени соодветни пријави.