тешки товарни возила – Kurir.mk

Во прекин сообраќајот за тешки товарни возила на патот Маврово – Дебар, од утре летен режим за сообраќај

Ивона Петрова — Fri, 30 Jun 2023 11:52:02 +0000

Поради сообраќајна несреќа на регионалниот пат Маврово - Дебар, кај месноста Сенечки ливади, сообраќајот за тешки товарни возила е во прекин, додека патничкиот сообраќај се одвива непречено. Како што соопшти АМСМ, од утре до 31 август на државните патишта во земјава се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на викендот и за денови при екстремно високи температури. Забраната се однесува за следните термини: петок од 17:00 – 22:00 часот, сабота од 09:00 до 18:00 часот и недела од 09:00 до 22:00 часот. На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали: петок од 15:00 до 22:00 часот, сабота од 07:00 до 12:00 и од 18:00 до 24:00 часот и недела од 07:00 до 22:00 часот. Од АМСМ информираат дека поради асфалтирање на патниот правец Брезница – Македонски Брод низ НП „Јасен“ денеска се забранува секаков вид на сообраќај во период меѓу 8:00 и 15:00 часот. По завршување на работите сообраќајот ќе се одвива според стандардните термини. Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.

Забрана за движење на тешки товарни возила на државните патишта во Македонија

Ивона Петрова — Fri, 01 Jul 2022 05:32:54 +0000

Од денеска до 31 август на државните патишта во земјава ќе се применува привремен режим на сообраќај во летниот период, со што се забранува движење на тешки товарни возила чија вкупна маса преминува 15 тони за време на деновите од викендот и за денови при екстремно високи температури. Временските интервали на забраната за тешки товарни возила се: петок од 17 до 22 часот, сабота од 9 до 18 часот и недела од 9 до 22 часот. Како што соопшти Автомотосојузот на Македонија, во деновите со екстремно високи температури, определени од Министерството зa здравство, забранaта ќе важи и од понеделник до четврток во период од 11 до 17 часот. Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување проекти на државните патишта со Јавното претпријатие за државни патишта. Од денеска почнува и примена на привремениот режим на сообраќај во летниот период, од 1 јули до 1 септември, на магистралниот пат А2 делница: Скопје – Охрид – Скопје со кој се забранува движење на тешки товарни возила чија вкупна маса преминува 7,5 тони за време на викендите. Временските интервали на забраната за движење се: петок од 15 до 22 часот, сабота од 7 до 12 и од 18 до 24 часот и недела од 7 до 22 часот. – Овој посебен режим на сообраќај се воведува во текот на летото со цел избегнување на застојот во сообраќајот на патната делница кон најпосетуваното туристичко место во земјава, намалување на застоите на пунктовите за наплата на патна такса и воопшто побрз проток на возилата и непречено движење на туристите. Ограничувањето не се однесува на возила кои превезуваат живи животни, цвеќе, хуманитарна помош, жито и житни култури и леснорасиплива стока, наведува Автомотосојузот во известувањето. АМСМ информира дека сообраќајот на државните патишта утрово се одвива непречено, по суви коловози. Интензитетот на сообраќај на патните правци надвор од градските средини е зголемен. На граничните премини, од македонска страна, нема подолги задржувања за влез и излез од државата

Укината забраната за камиони на патот Маврово-Дебар

Катерина Бојаџиева — Wed, 02 Mar 2022 06:57:09 +0000

Укината е забраната за сообраќај за тешки товарни возила на патот Маврово-Дебар, соопшти утринава Авто мото сојузот на Македонија. Забраната е укината од 06:45 часот. На останатите патни правци низ државата сообраќајот се одвива непречено по претежно влажни коловози. На повисоките места има остатоци од кашест снег на коловозот и по интервенцијата на дежурните екипи на ЈП Македонија пат. Надвор од градските средини, интензитетот на сообраќај е умерен, а на граничните премини, од македонска страна, нема подолги задржувања за влез и излез од државата.

ВО ОВОЈ ДЕЛ ПАЃА СНЕГ БЕЗ ПРЕСТАН – воведена е и забрана за сообраќај на тешки товарни возила

Магдалена Андонова — Tue, 01 Mar 2022 18:58:18 +0000

Поради врнежи од снег воведена е забрана за сообраќај на тешки товарни возила на патниот правец Мавровска крстосница – Дебар. Како што информира АМСМ, забраната за сообраќај е воведена од 19:00 часот. (МИА)

Поради снег: Забрана за движење на тешки товарни возила на патот Маврово- Дебар

Катерина Бојаџиева — Thu, 14 Oct 2021 08:12:09 +0000

Поради врнежи од снег на патниот правец крак Маврово – Дебар, од 9:45 часот е воведена забрана за сообраќај за тешки товарни возила. Како што соопшти АМСМ, сообраќајот на државните патишта се одвива непречено, по влажни коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчев.

Укината забраната за сообраќај на овие правци во Македонија – ова мора да го прочитате пред да тргнете на пат ова утро

Дарко Андоновски — Mon, 22 Mar 2021 07:46:47 +0000

Од 8.20 часот е укината забраната за сообраќај за тешки товарни возила на планинскиот премин Ѓавато и на патниот правец Струга – Граничен премин Ќафасан, а од 8:30 часот се укинува и забраната за камиони на планинскиот премин Стража. АМСМ претходно соопшти дека забраната за сообраќај на камиони од 5.20 часот е укината и за планинскиот премин Плетвар и дека е нормализиран сообраќајот на патниот правец Маврови Анови – Дебар, кај Бигорскиот манастир, откако се пробиени лавините што вчера паднаа на делницата Дебар – Жировница.

Снегот ги блокира патиштата: Забрана за движење на камиони на повеќе патни правци во Македонија!

Дарко Андоновски — Tue, 26 Jan 2021 13:33:05 +0000

АМСМ соопшти дека поради интензивни врнежи од снег од 12:30 часот е воведена забрана за движење на тешки моторни возила на патниот правец К.Паланка – граничен премин Деве Баир. Од 13:00 часот поради интензивни врнежи од снег е воведена забрана за движење на тешки моторни возила на патниот правец Гостивар – Маврово. Претходно, забрана беше воведена и на патот Тетово – П.Шапка.

Снегот повторно прави проблеми: Еве на кои патни правци утрово има забрана за камиони

Дарко Андоновски — Thu, 31 Jan 2019 07:27:53 +0000

Поради интензивни врнежи од снег на патниот правец крак Маврово – Дебар, утрово во 7:30 часот, воведена е забрана за сообраќај за тешки товарни возила, соопшти Автомото сојузот на Македонија. На останатите патишта во државата сообраќајот се одвива во зимски услови по влажни коловози, на некои повисоки места има остатоци од кашест снег на коловозот. Слаб снег провејува на планинскиот превој Буково. Намалена видливост поради магла од 100 до 150 метри има на патните правци Битола – Прилеп, Битола – Демир Хисар, Битола – граничен премин Меџитлија, до 50 метри на патните правци Куманово – Свети Николе и Велес – Градско и од 20 до 30 метри на патниот правец Берово – Виница.

Забрана за сообраќај за тешки товарни возила на патот Маврово-Дебар

Дарко Андоновски — Wed, 23 Jan 2019 15:53:44 +0000

Поради интензивни врнежи од снег на патниот правец крак Маврово – Дебар во 16:25 часот е воведена забрана за сообраќај за тешки товарни возила, информираат од ЈП „Македонија пат“. Поради интензивни врнежи од снег попладнево од 16:15 е воведена забрана за сообраќај за тешки товарни возила и на планинскиот превој Буково.

Забрана за тешки товарни возила на планинскиот превој Буково

Дарко Андоновски — Tue, 22 Jan 2019 20:47:31 +0000

Забрана за тешки товарни возила е воведена на патниот правец Охрид – Ресен преку планинскиот превој Буково поради интензивни врнежи од снег. Забраната е воведена од 21.05 часот, соопшти вечерва Автомотосојуз на Македонија.