тешко повреден возач – Kurir.mk

Тешко повреден 30-годишник откако со своето возило излетало од автопатот Неготино-Демир Капија

Магдалена Андонова — Tue, 11 Jan 2022 10:28:55 +0000

Едно лице било тешко повредено во сообраќајна несреќа синоќа на автопатот Неготино-Демир Капија, информираше денеска Верољуб Додевски, портпарол на СВР Велес. Додевски појасни дека несреќата се случила околу 22:30 часот. Тогаш, патничко возило „фолксваген голф“, со неготински регистарски ознаки, управувано од А.Т.(30) од Неготино, излетало надвор од коловозот. Во несреќата возачот се здобил со тешки телесни повреди, констатирани во болницата во Кавадарци. Бил извршен увид на местото на несреќата.

Охриѓанец тешко повреден откако со своето возило „Рено“ удрил во метална ограда

Магдалена Андонова — Sun, 09 Jan 2022 11:41:16 +0000

Љ.Ј. (44) од Охрид здобил тешки телесни повреди откако на регионалниот пат Охрид – Св.Наум со патничко моторно возило „рено“ удрил во метална заштитна ограда. Како што соопшти МВР, повредениот е пренесен во Општата болница во Охрид каде му се констатирани повредите. На местото на настанот е извршен увид од увидна екипа од СВР Охрид.

Еден возач потешко и четири лица полесно повредени во вкупно 12 сообраќајки во Скопје

Дарко Андоновски — Fri, 05 Oct 2018 06:38:25 +0000

Еден возач се здобил со тешки телесни повреди, а четири лица сe полесно повредени во четири од вкупно 12 сообраќајни незгоди што изминатото деноноќие се случиле на подрачјето на СВР Скопје. Во осум сообраќајки причинета е материјална штета. Откриени се поголем број прекршоци и санкционирани се 52 возачи кои возеле побрзо од дозволеното, пет возачи кои биле под дејство на алкохол и 13 пред да се стекнат со правото за управување на моторно возило. Од сообраќај се исклучени две возила кои биле технички неисправни и 15 нерегистрирани возила. Сообраќајната полиција издала 97 казни за непрописно паркирање, а со специјалното возило „пајак“ отстранети се 69 возила. Полицијата санкционирала и осум возачи кои поминале крстосница на црвено светло, еден возач кој не дал првенство за минување на пешаците, еден за неправилно престројување, еден за неправилно престигнување и тројца за некористење зашитен шлем од страна на вел со мотор, мопед и мотоцикл. Одделението за превенција во текот на вчерашниот ден реализирала сообраќајна поука на која присуствувале учесници во сообраќајот кои сториле прекршоци во својство на возачи.