тешко повредена жена – Kurir.mk

Скопјанец осомничен дека тешко повредил жена и ја држел заклучена

Катерина Бојаџиева — Thu, 26 Jan 2023 10:08:07 +0000

Против 60-годишен скопјанец Основното јавно обвинителство Скопје поведе постапка за кривични дела – Тешка телесна повреда од член 131 став 1 и Противправно лишување од член 140 став 1 од Кривичниот законик. На 23 јануари, во неговиот дом, осомничениот повикал на кафе една оштетена жена и започнал да ја допира. Кога оштетената го одбила и му кажала да ги тргне рацете од неа, осомничениот започнал физички да ја напаѓа и да ја удира со тупаници и клоци по главата и по телото, нанесувајќи и тешки телесни повреди – фрактури на носот, набиеници и хематоми. Потоа ја заклучил во неговиот дом за да не може да излезе и ја држел таму до следниот ден. Надлежниот јавен обвинител до Основниот кривичен суд Скопје достави предлог за определување мерка притвор за осомничениот.

Утрово тешко повредена жена среде улица во Гостивар – полицијата трага по вовачот кој избегал во истиот момент

Дарко Андоновски — Sat, 20 Aug 2022 18:09:46 +0000

Полицијата трага по возач кој претпладнево удрил повозрасна жена на улица во Гостивар и тешко ја повредил. Од СВР Тетово информираат дека денеска околу 10 часот, во СВР Тетово пријавено е дека на улица „Илинденска” во Гостивар, патничко моторно возило, кое веднаш го напуштило местото, удрило во 69-годишната гостиварка Л.А. Во несреќата, таа се здобила со тешки телесни повреди констатирани во гостиварската Општа болница „Ферид Мурад”, каде била пренесена за укажување на лекарска помош. Извршен е увид и се преземаат мерки за пронаоѓање на возилото-учесник во сообраќајната несреќа.

Сопругот ја нападнал со нож, прилепчанка тешко повредена

Ивана Ефремовски — Tue, 23 Jun 2020 13:21:14 +0000

Прилепчанка била нападната со нож од својот сопруг кој имал здраствени проблеми, по што со тешки повреди била пренесена во болница. -На 22.06.2020 во 07:15 часот во Полициска станица Прилеп, К.С.(58) од Прилеп пријавила дека во нејзиниот дом во Прилеп била физички нападната со нож од нејзиниот сопруг З.С.(57) кој имал здравствени проблеми при што и биле нанесени тешки телесни повреди, констатирани од доктор во Општата болница Прилеп, соопштува полицијата. Се преземаат мерки за расчистување на случајот.