тестенини – Kurir.mk

Во ЕУ лани произведени 6,1 милион тони тестенини, Италија е на врвот на статистиката

Ивана Ефремовски — Mon, 30 Oct 2023 10:56:39 +0000

Во земјите на ЕУ во 2022 година се произведени 6,1 милиони тони тестенини во вредност од 7,8 милијарди евра, што е за милион тони повеќе или 20 отсто повеќе од пред пет години. Како што објави Евростат, Италија е водечка членка на ЕУ во производството на тестенини со 4,2 милиони тони произведени минатата година, вредни 5,1 милијарди евра и учествува со 68 отсто од вкупното производство во ЕУ по волумен и 66 отсто по вредност. Истовремено, Италија беше убедливо најголемиот извозник на тестенини во ЕУ и извезе 2,1 милиони тони, што претставува 77 отсто од вкупниот број членки на ЕУ. (МИА)

Најчести грешки кои ги правите кога варите тестенини

Катерина Бојаџиева — Sun, 08 Oct 2023 12:25:24 +0000

Подготвувањето на шпагети или макарони не е толку едноставно како што многумина мислат. Тестенините се едно од најомилените јадења за луѓето, но несвесно при нивната подготовка се прават грешки, иако мислите дека е лесно да се направат. Ова се најчестите грешки: Преварени тестенини Ставате недоволно сол и користите масло Ги додавате тестенините пред водата да зоврие Не ги мешате доволно Ги миете по варењето Ги оставате премногу да стојат по варењето Ја истурате водата во која се варат, а може да ја искористите за сос.

Уште ги готвите тестенините во вода? Еве зошто тоа е грешка!

Ристе Здравков — Fri, 06 Oct 2023 07:35:10 +0000

Тестенините одамна го освоија светот, вкусни се, сестрани и пред се спасителни во временска криза, бидејќи се подготвуваат многу брзо. Но, ако сепак го готвите во вода, проверете зошто правите „грешка“. Со многу корисен трик во готвењето можете да го подготвите уште побрзо, но и повкусно. Наместо да готвите тестенини во вода, сега можете да ги готвите во сос. Ова ќе ви заштеди многу време – што е совршено за оние денови кога треба да подготвите нешто навистина брзо – а тестенините ќе имаат уште побогат вкус. Гответе ги во сос од домати Подгответе сè за сосот – можете да користите конзервирани домати, да додадете лук, маслиново масло, босилек и сè друго што вообичаено би го користеле за да направите домашни пасирани домати. На крајот додадете малку вода и секако тестенините. Оставете да зоврие и потоа оставете да се свари. На почетокот ќе биде прилично воденo и нема да изгледа многу вкусно, но не грижете се, тестенините ќе ја впијат водата, оставајќи ве со густ сос (скробот од тестенините ќе се погрижи за ова) и навистина богат вкус. И уште една добра страна – ќе извалкате само едно тавче. Сос од пармезан и лук Потребни ви се: еден путер, 4 чешниња лук (ситно сечкани), 2 чаши пилешки супа, 1 чаша млеко, 220 гр тестенини (на пр. фетучини), сол и бибер по вкус, рендан пармезан (по вкус), свеж магдонос. Брзо пропржете го лукот на путер, покријте го со густин и млеко, додајте ги тестенините и посолете и побиберете по вкус. Ставете ги тестенините да зовријат, а потоа намалете ја топлината и варете додека тестенините не се сварат по ваша желба. На крајот измешајте пармезан и сечканиот магдонос. Пица паста Потребни ви се: Маслиново масло, колбас, пиперка, пасирани домати, оригано, босилек, лук, тестенини (на пр. ротини), сол и бибер, моцарела и свеж магдонос. Колбасот (или кое било друго месо по ваш избор) ситно се сечка и брзо се пропржува, се додава ситно сечканата пиперка, се пржи минута-две, па се додава доматот, малку вода и на крај се додаваат тестенините во садот. Кога тестенините ќе зовријат, намалете ја топлината и варете додека не се сварат тестенините. На крајот измешајте моцарела и сечканиот магдонос. Но, ако имате уште малку време и волја: ставете ги тестенините во сад за печење, посипете ги со моцарела и неколку ситно сечкани пиперки и ставете ги во рерна неколку минути – да се растопи кашкавалот и да порумени малку. Може да подготвите и болоњезе, сос од зеленчук, карбонара…

Владините луксузни „перки од ајкула“ преминаа во над 1.000 артикли: Од утре нов ценовен шок, еве што се’ ќе поскапи

Ивона Петрова — Thu, 05 Oct 2023 15:47:45 +0000

Граѓаните утре повторно ќе се соочат со нов ценовен шок. Владата по итна постапка го донесе законот за повисоко ДДВ, но листата на производи ја криеше, споменувани беа само перките од ајкула, чија семето, тартуфите, сирењето со мувла. Сепак од утре поскапува речиси се’. Сител телевизија ја објави листата на производи за кои од владата уверуваа дека ќе бидат само луксузни. За Владата во луксузот се вбројува и брашното, џигерот и сладоледот. Со повисока стапка од 10 отсто ќе се даночат сите видови замрзната риба, освен осличот, пастрмката и пангата, замрзнатите теста, млечните и сирни намази, сирењето и урдата, зденката, пармезанот, ајдемер и гауда кашкавалот, павлаката за готвење, растителните сирења и намази. -Меѓу нив е и лутеницата, цвеклото, фефероните, мајонезот, сите видови апетисани, компоти, конзервирана храна, полнети макарони, тортиљи, нудли. Поскапуваат и храната за децата – гризот, овесните снегулки, муслите, сладоледот, еурокремот, сите видиви бонбони, чипсот. По нови повисоки цени ќе се продаваат и сите чаеви, тропското овошје, сите видово сушено овошје, сусамот, сончогледот, инстант кафињата, наполитанките, црниот бибер, мастиките, најголем дел од зачините, објави Сител. Маркетите веќе ја добиле листата производи и ги подготвуваат новите цени. Со зголемување на ДДВ во буџетот власта очекува да се соберат дополнителни 70 милиони евра.

Рецепт за потпечено пилешко – се топи во устата од вкусниот сос со сирење!

Ристе Здравков — Sat, 23 Sep 2023 15:25:24 +0000

Љубителите на месо сакаат пилешко бидејќи има толку многу опции за негово подготвување што никогаш не може да ни здодее. Сепак, едноставните рецепти некако ни се омилени, па дури и ако се брзо готови и се со разумна цена – имаме деликатес што ги исполнува сите критериуми за ручек од соништата. Во продолжение ви пренесуваме еден таков рецепт. Состојки: 400 гр пилешко бело месо Една главица свежа брокула 150 гр рендано сирење Сол, бибер, лук 2 лажици презла За сосот: 50 гр путер 2 лажици брашно 600 мл млеко 150 гр ребро Сол, бибер, морско оревче по желба 200 мл крем за готвење Подготовка: Брокулата исчистете ја и одделете ја на цветови. Се вари пет минути во зовриена солена вода. За тоа време пилешките гради исечкајте ги на коцки и пропржете ги на путер. Подгответе го сосот. Во путер се пропржува брашното, се трга од оган и се додава млекото со постојано мешање да не се формираат грутчиња. Додадете ги павлаката за готвење и сирењето, зачинете и варете на тивок оган додека не се згусне. Намачкајте длабок сад со путер и посипете со презла. Брокулата и пилешкото измешајте ги и ставете ги во садот. Прелијте го готовиот сос, а на крајот посипете со рендано сирење. Печете 20 минути во рерна загреана на 200 степени.

БРЗО И ЕФТИНО ЈАДЕЊЕ: Потпечени тестенини со паризер, ефтино јадење за целото семејство!

Ристе Здравков — Fri, 22 Sep 2023 12:43:26 +0000

Состојки: 1 пакување тестенини (400 гр.) 300 мл млеко 150 гр фета сирење 200 гр пилешки паризер 3 јајца 1 лажица мешавина од билни зачини 3 лажици масло Подготовка: Сварете ги тестенините според упатството на пакувањето. Се цедат, се додаваат изматените јајца, изгмеченото сирење, млекото и сечканиот магдонос, зачините. Измешајте и истурете во подмачкана тава или огноотпорен сад. Се пече во загреана рерна на 200 степени 20 минути.

Ручек за сите: Рецепт за потпечени макарони

Ристе Здравков — Mon, 18 Sep 2023 07:37:46 +0000

Состојки: 500 гр макарони 4 јајца 200 гр кашкавал 150 мл јогурт 180 гр (1 чаша) павлака 150 гр сланина лажица путер сол, бибер, зачини по вкус оригано Подготовка: Загрејте ја рерната на 220 степени, а садот во кој ќе ги печете макароните намачкајте го со путер. Сварете ги макароните според упатството на кесичката, па процедете ги. Во посебен сад се матат јајцата, па се додаваат јогуртот, павлаката и зачините. Кашкавалот изрендајте го на крупно ренде, а сланината исецкајте ја ситно. Во сад ставете половина од макароните, посипете ги со половина од кашкавалот и целата сланина. Одозгора ставете ја другата половина од макароните, а потоа редењето завршете го со остатокот од кашкавалот. Потоа сè покријте со мешавина од јајца и млечни производи. Печете ги макароните 30 минути, а пред да ги послужите оставете ги да се изладат 10 минути.

Евтин и брз рецепт за освежителна салата од тестенини која е совршена за топлите летни денови

Ристе Здравков — Tue, 05 Sep 2023 07:46:43 +0000

Кога температурите се искачуваат над 35, тешко е да се подготват комплицирани јадења кои бараат многу труд и време. Во топлите месеци од годината важи само едно правило – помалку е повеќе. Мотивирани од оваа изјава,ви претставуваме рецепт за салата која е совршена за топлите летни денови.Сè што треба да направите е да измешате неколку состојки, да зготвите тестенини во вашата омилена форма и да уживате во едноставните вкусови. Кремаста салата со тестенини и сирење Состојки: 400 гр тестенини по избор 300 гр грчки јогурт 150 гр фета сирење 1 свежа краставица 1 свежа пиперка 1 домат Лажица маслиново масло 2 чешниња мелен лук Свеж магдонос Сол Бибер Млад кромид Кремаста салата со тестенини и сирење – Подготовка: Гответе ги тестенините. Зеленчукот исечкајте го на ситни коцки. Во длабок сад измешајте ги јогуртот, сирењето,маслиновото масло, лукот, магдоносот и зачините. Додадете го зеленчукот во смесата и добро измешајте.На крај додадете ги сварените тестенини. Оставете во фрижидер околу еден час пред послужување. Послужете како независно јадење или како прилог. Совет: Основата на оваа салата може да биде и оризот,кој одлично ќе се комбинира со останатите состојки.

Вечера готова за 15 минути! Тестенините со печурки на Џејми Оливер

Ристе Здравков — Sat, 02 Sep 2023 16:25:34 +0000

Доколку барате нешто едноставно, брзо и вкусно за вечера, пред вас е вистинското нешто – рецепт на познатиот готвач Џејми Оливер, кој инаку е голем љубител на италијанската кујна… Состојки: 150 гр тестенини 2 чешниња лук 250 гр печурки (шампињони, вргањ…) 25 гр пармезан сирење 2 лажици кисела павлака половина лажица маслиново масло Подготовка: Сварете ги тестенините во солена вода според упатството на кутијата. Процедете, но зачувајте половина шолја од водата во која се вареле. Во меѓувреме ситно исецкајте ги двете чешниња лук. Во длабока тава истурете половина лажица маслиново масло, додајте го лукот, продинстајте кратко (минута) и додадете ги сечканите печурки. Зачинете со сол и бибер по вкус и динстајте осум минути, повремено мешајќи. Додадете ги сварените тестенини и половина од зачуваната вода од тестенини. Пармезанот изрендајте го, додадете го во тавата, додадете ја павлаката и динстајте уште минута-две, за се убаво да се соедини. По потреба додадете уште малку вода од тестенините. Послужете топло, посипано со рендан пармезан.

Фантастични кремасти тестенини со кашкавал и бел лук

Ристе Здравков — Thu, 24 Aug 2023 07:19:42 +0000

Состојки: 400 гр тестенини по желба 4 чешниња лук 100 гр рендан пармезан 250 мл млеко 350 мл пилешка супа Подготовка: На малку масло пропржете го сечканиот лук една минута. Истурете пилешка супа и млеко, додадете тестенини, сол по вкус. Кога ќе зоврие, намалете ја топлината и варете, повремено мешајќи, 20 минути или додека тестенините не омекнат. Промешајте го пармезанот, а ако сосот е премногу густ, додадете уште малку млеко. Тргнете го од оган и послужете го посипете со пармезан.