тесто – Kurir.mk

Готово за 2 минути, без квасец и чекање да нарасне: Наједноставниот рецепт за тесто за пица што крцка и ги буди сетилата

Ристе Здравков — Wed, 04 Oct 2023 07:37:48 +0000

Меко, воздушесто и тенко -ова тесто е рецепт за вистинските љубители на пица. Колку пати ви се случило да јадете пица и да ги имате сите состојки во фрижидер освен главната – тестото. Се откажувате да правите затоа што мразите да одите во продавница. Во такви ситуации, домашното тесто за пица е одлично решение,но потоа доаѓа прашањето,кој ќе меси, кој ќе чека да стаса. Сепак, постои еден рецепт кој е толку едноставен што дури и ако никогаш не сте замесиле ништо, функционира. Затоа, без да губиме време,еве кои состојки се потребни за да се подготви совршеното тесто за пица. Состојки: 1 чаша јогурт 2 чаши брашно 2 лажици масло половина кесичка прашок за пециво сол по вкус Подготовка: Во поголем сад истурете го просеаното брашно, додајте прашок за пециво, сол, јогурт и масло, па соединете ги сите состојки и замесете тесто. Тестото развлечете го со сукало и ставете го во плех, па премачкајте го со кечап или пелате, наредете ја исечканата шунка, ставете павлака, сечкани црни маслинки, домати, оригано и рендано сирење, па печете на 200 степени околу петнаесет минути.

НАЈДОБРИОТ РЕЦЕПТ ЗА ПРИНЦЕС КРОФНИ: Тестото е меко како памук, а полно со свиленкаст фил кој се топи во уста!

Ристе Здравков — Wed, 15 Feb 2023 08:48:51 +0000

Правењето вистински принцес крофни бара трпение, но навистина вреди. Состојки за тестото: 300 мл вода, 100 мл масло, 140 гр брашно, 1 прашок за пециво, 4 јајца. Состојки за филот: 2 пудинзи од ванила, 1 кесичка шлаг, 1 маргарин. Подготовка: Зовријте вода и масло, додека се варат додадете брашно и прашок за пециво, брзо измешајте и веднаш тргнете го од оган. Додадете ги јајцата едно по едно, внимавајте секое добро да се измеша со тестото пред да го додадете следното. Извадете го тестото со шприц или лажица и наредете го на плех обложен со хартија за печење. Се печат на 180 степени додека убаво да нараснат и да добијат убава златна боја. За филот сварете два пудинга според упатството на кесичката, па во топлиот пудинг додадете маргарин на собна температура. Матете добро да се соедини, па додадете го шлагот. Крофните исечете ги на половина и наполнете ги со фил, преклопете ги и посипете ги со шеќер во прав. Доколку сакате да бидат меки, веднаш по полнењето додадете шеќер и покријте ги со фолија. Ако сакате да бидат крцкави, не ги покривајте со фолија.

Побрзо и помеко: Тесто за пица БЕЗ КВАСЕЦ и стасување, готово за само 2 МИНУТИ (РЕЦЕПТ)

Ристе Здравков — Fri, 03 Feb 2023 08:57:05 +0000

Пицата е едно од јадењата што се јаде низ целиот свет, сите ја сакаат, а се подготвува брзо и лесно. Еве ги сите состојки што ќе ви требаат: 150 милилитри топла вода 3 лажици масло една лажичка сол 250 грама меко брашно 3 лажички прашок за пециво Подготовка: Во млаката вода, која не е ниту премногу топла, ниту премногу ладна, додадете 3 лажици масло и една лажичка сол. Сè добро измешајте. Потоа, малку по малку, додадете 250 грама брашно и 3 лажички прашок за пециво. Прво измешајте со жица и пробајте да го соберете целото брашно од површината на ванглата. Тестото ќе станува се поцврсто, па ќе мора да го замесите со рака. Тестото за пица без квасец е секогаш малку лепливо, па можете да ставите неколку капки масло или вода на вашите раце за да спречите тестото да се залепи за прстите. Додадете брашно додека тестото не стане лепливо и месете неколку минути. Тестото обликувајте го во топка и потоа расукајте го со сукало до дебелина помала од 1 сантиметар. Пицата ќе биде со средна големина. Со раце обликувајте ја кората за пица и почнете да ги додавате останатите состојки, притоа вклучете ја рерната да се загрее на 200 степени. Најчесто се додава сос од домати, шунка, кулен, пармезан, оригано… Додадете се што одговара на вашиот вкус. Печете 15 до 20 минути на температура од 200 степени. Одвреме-навреме проверувајте дали пицата е зарумена на дното и дали тестото е живо одвнатре. Ќе добиете пица која однадвор ќе биде крцкава, а внатре мека, а ќе ви биде јасно дека ништо не губите по вкус кога ќе направите тесто за пица без квасец.

Можете да јадете тесто и да слабеете, но само под следните услови!

Ристе Здравков — Tue, 17 Jan 2023 14:06:16 +0000

Тестото многумина го сакаат, па тешко им е да ослабат. Добро познат факт е дека тестото, покрај слатките, е еден од главните непријатели на диетата, пренесува „The Sun“. Сепак, еден експерт вели дека тестенините можеме да ги консумираме и кога сме на диета, важно е само да знаеме едно правило. Нутриционистката Ема Бекет од Универзитетот во Њукасл вели дека студиите покажале дека луѓето губат повеќе килограми кога нивната исхрана редовно вклучува тестенини. – Затоа наместо да се откажете од шпагети, размислете да ја намалите големината на порцијата – советува нутриционистот. Таа, исто така, предлага да се префрлите на тестенини од цели зрна, за кои вели дека се побогати со влакна, кои имаат корист за здравјето на цревата и можат да ви помогнат да се чувствувате сити подолго. – Тестенините без глутен имаат малку помалку протеини од тестенините од пченица. Значи, и покрај тоа што е поздраво за луѓето со нетолеранција на глутен, нема поголема здравствена придобивка од префрлањето на тестенини без глутен за повеќето од нас, објаснува таа. Како што вели таа, тестенините најдобро се јадат кога се ладни, бидејќи тогаш јаглехидратите се претвораат во отпорен скроб. Скробот е отпорен на варење и е подобар за нивото на шеќер во крвта. Значи, вашите преостанати тестенини, дури и ако ги подгреете, имаат помалку калории од претходниот ден. Истражувачите уште еднаш потсетуваат дека не е во ред да се демонизираат јаглехидратите. Тестенините треба да се консумираат затоа што, кога се консумираат умерено, можат да бидат многу добри за нашето здравје. – Најважна е количината. Ако јадете многу овошје и зеленчук, маслиново масло и риба, тешко дека понекогаш уживањето во тестенини може да придонесе за дебелеење – нагласуваат експертите.

Направете тесто за пица од само две состојки

Ивона Петрова — Thu, 29 Dec 2022 07:28:22 +0000

Ова тесто за пица мора да се проба. Единствените состојки што ви се потребни се овесно брашно и сладок компир. Ова тесто е толку здраво што всушност можете да го јадете секој ден во неделата. Постапката за подготовка е едноставна и бара само неколку чекори. За почеток, сварете ги слатките компири, направете неколку дупки во кората со вилушка и ставете ги на чинија. Завиткајте ги компирите во фолија и печете ги 30 до 40 минути на 270 степени. Оставете ги компирите малку да се изладат, а потоа излупете ги и измерете две чаши пире од компири. Додадете го ова во садот заедно со овесното брашно и зачините по желба. Добро измешајте додека не се добие форма на топка. Поделете го тестото на две топчиња и ставете ги во тава. Намрсете ги рацете и обликувајте ги топчињата во кори за пица, дебели околу половина сантиметар. Тестото се пече 15 минути на 270 степени, па се вади од рерна, се додава преливот и се пече уште 15 минути. Подготвената пица можете да ја чувате во фрижидер до три дена. За овој рецепт можете да користите какво било брашно, а во зависност од тоа каков вид користите, додадете малку повеќе или помалку брашно. Доколку сте љубители на класични пици, користете мешавина од италијански зачини, а доколку сакате сладок вкус додадете малку цимет. Можете да користите и секаков вид на компир.

Од него може да направите што и да посакате: Рецепт за тесто кое може да стои до 7 дена

Ивана Ефремовски — Thu, 15 Sep 2022 20:00:12 +0000

Од ова тестo можете да направите што и да ви падне на памет - од тесто за пица, слатки и солени кифли, мини пица, лепчиња... Состојки: 1 кг брашно 1 прашок за пециво 1 лажица сол 1 дл масло 4 дл јогурт 2,5 дл млеко 1 свежа коцка квасец 2 лажици шеќер 2 јајца Подготовка: Како и со подготовката на друго тесто, ставете топло млеко во кое ќе додадете малку шеќер, квасец, 2 лажици брашно. Промешајте малку за да се стопи шеќерот за побрзо да го подигне квасецот. Пожелно е да се задржи просторијата топла со цел побрзо да се постигне посакуваната реакција. Во друг сад измешајте ги преостанатите состојки. Кога квасецот ќе се зголеми доволно, ставете го на средината на брашното. Месете го тестото да биде мазно. Ако ви се залепи за раце, додадете малку повеќе брашно. Земете една кеса и ставете го тестото во неа. Можете да го забрашнете малку за да не се залепи. Важно е добро да се исфрли целиот воздух од вреќата. Ставете го тестото во фрижидер, каде што можете да го чувате до 7 дена. Пред мешање, тестото треба да се остави на топло место најмалку еден час, а колку подолго, толку подобро.

Тестот Роршах: Она што прво ќе го воочите на сликата открива многу за вашата потсвест

Ристе Здравков — Sat, 14 May 2022 20:00:25 +0000

Тестот Роршах е еден од најпознатите и најточни тестови за дијагностицирање на длабоките слоеви на личноста. Името го добил по швајцарскиот психијатар Херман Роршах. Овој тест спаѓа во групата на проективни тестови. Низ континуиран и несвесен психолошки процес, личноста ги открива своите динамички и структурни карактеристики, и е одлична алатка за одредување на психичката и емоционалната состојба на пациентот. Целосниот тест се состои од десет точки со недефинирана форма направени од истурено мастило на хартија што Роршах ја превиткал за да добие симетрични форми. Сè што треба да направите кога гледате слика е да го именувате она што прво го забележувате, да разјасните каде го гледате и зошто дамката со мастило во вас предизвикува одредена слика. Можете да ја погледнете дамката од различни страни, важно е само да одредите одредена форма или концепт. Недостатокот на реакција или неможноста да се опише она што е прикажано на картичката може да укаже на присуство на психолошка блокада во сферата претставена со таква картичка или привремено неподготвеност да се прифати таква сфера. Сега добро погледнете ја сликата и прочитајте што значи. 1. Пеперутка Пеперутката ја симболизира трансформацијата, но и социјалниот живот. Ако оваа слика ве потсетува на пеперутка со раширени крилја, голема е веројатноста дека сте многу дружељубива личност која има многу пријатели. 2. Ангел Кога сте под голем стрес или во тага, најмногу се обраќате кон духовните суштества и барате од нив да ви помогнат да ги решите проблемите. 3. Лилјак За некои луѓе овој живот симболично претставува нешто лошо, додека за други значи слобода. Ако лилјакот ве поврзува со вампир, проверете дали се чувствувате исцрпено или исплашено. 4. Животни Ако гледате животни, особено диви, може да имате потајно недоверба кон другите луѓе. Размислете од каде доаѓа вашиот страв.

Секогаш успева: Овој рецепт за тесто е тајната на секој пекар

Ивана Ефремовски — Sat, 12 Feb 2022 10:45:12 +0000

Ова е рецептот кој секогаш успева. Потребни состојки:

1 кг брашно
500 мл млако млеко
200 мл јогурт
2 јајца
2 лажички сол
1 лажичка шеќер
1 коцка квасец

Во подлабок сад ставете килограм брашно и во средината направете вдлабнатина. Во таа вдлабнатина ставете малку млако млеко и изронете го квасецот па наросете лажичка шеќер. Оставете квасецот да се активира и да надојде. Замесете тесто, а потоа покријте го со крпа и оставете да се дигне. Кога тестото ќе се удвои, од него можете да правите се’ што ќе посакате: кифлички, погачички… Ако не го потрошите во истиот ден, сочувајте го тестото во фрижидер и употребете го следните денови.

Повкусно од пица, тесто полно кашкавал

Ристе Здравков — Sun, 02 Sep 2018 19:20:58 +0000

СОСТОЈКИ: 6 јајца 1 шолја вода 2,5 шолји брашно 1 лажиче сода 1 лажиче сол 250 гр. путер 300 гр. кашкавал 250 гр. сирење ПОДГОТОВКА: Се сее брашното и се додаваат четири јајца со вода со сол и сода, па се меси тесто, кое се дели на 4 топки кои се оставаат да нараснат. Се расукува секоја топка тесто и се става доста вода во тенџере, па се ставаат корите да се сварат. Се вари секоја кора две три минути, па се вади и се става во сад со ладна вода. Потоа се става на чиста крпа. Се подмачкува тепсија округла како за пица со путерот и се става првата кора, па путер, па втората кора, па кашкавал и сирење рендани и путер стопен. Се ставаат и другите две кори со иста постапка. Горе се става доста кашкавал и сирење и путер и се прелива со изматените две јајца и путерот кој ќе ви остане. Се пече 20 минути на 180 степени.