тестови – Kurir.mk

Од ДИЦ демантираат: Тестови не се пробиени туку споделувани во вибер-групи откако почна испитот

Тале Кристо — Sat, 10 Jun 2023 13:10:57 +0000

Државниот испитен центар (ДИЦ) демантира објави во некои медиуми дека се пробиени тестови од државната матура и појаснува дека имало споделување на тестови во вибер-групи откако почнало полагањето на испитот. – Тестовите од Државен испитен центар не се пробиени. Тестови не се пробиени до 10 часот кога почна тестирањето, тестови се споделени во вибер-групите од страна на членовите откако започна реализацијата на испитот. Државниот испитен центар нагласува уште еднаш тестот не е пробиен, туку бил споделуван откако е започната реализацијата на испитот, соопшти ДИЦ. Наведува дека како и во минатите години, пред почетокот на државната матура апелирал до сите матуранти и до сите што се вклучени во реализацијата на испитот да се почитуваат правилата за изведување на државната матура. – Должност и обврска на ДИЦ е да ја спроведе матурата со подготовка на тестовите и нивна дистрибуција до училиштата. Тој процес е најпрофесионално извршен од ДИЦ, посочува Државниот испитен центар и информира дека ќе постапи согласно законот доколку се нарушени правилата за реализација на испитите. Матурантите денеска од 10 часот го полагаа вториот екстерен испит кој е изборен од предметите: Математика, Англиски јазик, Германски, Француски, Руски јазик, Филозофија и Естетика.

Јужна Кореја воведува тестови за Ковид-19 за оние кои пристигнуваат од Кина

Ивона Петрова — Fri, 30 Dec 2022 07:17:14 +0000

Јужна Кореја од 5 јануари воведува задолжителни тестови за Ковид-19 за оние кои пристигнуваат од Кина. Луѓето кои пристигнуваат од Кина ќе треба да достават негативен резултат од ПЦР тест за Ковид-19 направен не порано од 48 часа пред пристигнувањето во Јужна Кореја или негативен резултат од антиген тест направен не порано од 24 часа пред пристигнувањето. Претходно, САД и Јапонија воведоа сличен услов откако Пекинг одлучи да ги олабави ограничувањата против Ковид-19. Сеул ќе го ограничи и издавањето краткорочни визи за кинеските граѓани до крајот на следниот месец.

Албанија ги набави првите тестови за мајмунски сипаници

Магдалена Андонова — Mon, 27 Jun 2022 18:47:36 +0000

Поради туристичката сезона, кога е зголемено движењето на граѓаните, а со тоа можноста да се пренесе зараза со мајмунски сипаници и во земјата, Албанија ги набави првите тестови за оваа болест. Според Институтот за јавно здравје, ако сè уште нема потврден случај на мајмунска сипаница, обезбедени се првите 250 тестови, со кои ќе се дијагностицира сипаница во лабораторијата на Институтот. – Во оваа лабораторија ќе можеме да ги тестираме сомнителните случаи и нивните контакти, без да ги испраќаме во референтните лаборатории, изјави министерка за здравство и социјална заштита Огерта Манастирлиу, . Албанија и понатаму е земја со низок ризик за појава на зараза со мајмунски сипаници, велат експертите од Институтот за јавно здравје, додека европските земји се во состојба на готовност бидејќи се пријавени повеќе од 1.700 случаи. Манастирлиу најави дека во септември се очекува да пристигне апарат за лабораторијата на Институтот за јавно здравје, кој ќе овозможи секвенционирање на генот на вирусот, за да се утврди дали пациентот е зафатен од Делта или Омикрон, што никогаш не било направено во лабораторијата на Институтот. Во меѓувреме во земјата расте бројот на нови случаи со Ковид-19, што во просек дневно е од 25 до 30 отсто од тестираните, поради тоа, се апелира до граѓаните да се вакцинираат. Се дава можност за имунизација на лица над 12-годишна возрст. (МИА)

Рош разви тестови за откривање на мајмунски сипаници

Магдалена Андонова — Thu, 26 May 2022 08:55:42 +0000

Рош соопшти дека нивната компанија развила три видови на тестови за откривање на вирусот мајмунски сипаници, затоа што болеста почнала веќе да се шири во регионите надвор од Африка. Според Светската здравствена организација (СЗО) има повеќе од 200 сомнителни или потврдени случаи на мајмунски сипаници во Европа и Северна Америка. Швајцарската компанија објави дека еден од трите сета на „LightMik Modular Virus“ детектира ортопоксвируси, биолошка група која вклучува вируси поврзани со мајмунски сипаници, како и сипаници и кравји сипаници. Вториот тест открива само вируси на мајмун сипаници, особено западноафрикански и централноафрикански соеви. Третиот е за истражувачите и ги детектира и ортопоксвирусите и вирусот на мајмунска сипаница.

Нема повеќе бесплатни тестови за проверка на антитела од коронавирус на сметка на Фондот, граѓаните ќе ги плаќаат приватно

Тале Кристо — Fri, 16 Apr 2021 10:15:52 +0000

На Институтот заимунобиологија и хумана генетика во Скопје нема се работаат тестови за концентрација на антитела од SARS Cov-2 на товар на ФЗОМ. -Согласно дописот од Фондот за здравствено осигурвање, почнувајќи од 15.04.2021 на Институтот за имунобиологија и хумана генетика во Скопје нема се работат тестови за концентрација на антитела од SARS Cov-2 на товар на ФЗОМ. Оваа услуга ќе биде достапна и натаму само на товарна пациентите (приватно) и ќе чини 736 денари, информираат од Институтот за Имунологија.

Грците добиваат бесплатни тестови за коронавирус за домашна употреба

Ивана Ефремовски — Fri, 02 Apr 2021 17:07:13 +0000

Во среда започнува дистрибуцијата на тестовите за Ковид-19 за домашна употреба, односно т.н. „селф тестови“, во аптеките во Грција, а ќе бидат бесплатни, но и задолжителни за одредени категории граѓани, како што се учениците и наставниците, јави дописничката на МИА од Атина. Алтернативниот министер за здравство на Грција Василис Кондозаманис соопшти дека земјата ќе набави 10 милиони вакви тестови, првата пратка ќе пристигне денеска, а останатите две во следните две седмици. Во првата фаза, приоритет ќе имаат постарите средношколци, односно оние на возраст од 16 до 18 години, како и нивните професори со цел да се отворат повисоките класови од средните училишта. Учениците и просветните работници, задолжително ќе треба секоја седмица да се тестираат со домашните тестови, 24 до 48 часа пред почетокот на наставата. Ќе биде отворена и специјална интернет платформа на која ќе се пријавуваат позитивните случаи, но и негативните, доколку станува збор за категорија граѓани за кои домашното тестирање ќе биде задолжително и ќе биде потребно да имаат соодветна потврда. Истото ќе важи и за учениците, во случај резултатот да е позитивен, ќе треба да се пријави на платформата и потоа да се направи и тест во здравствена институција, а при негативен резултат ќе добиваат потврда што треба да ја носат со нив на училиште. Учениците кои нема да имаат потврда, нема да можат да ја следат наставата. Кондозаманис истакна дека домашните тестови во никој случај не можат да го заменат епидемиолошкиот надзор, туку се додатно средство за индивидуално само-дијагностицирање и самозаштита за рано дијагностицирање и изолирање на асимптоматските случаи. За секој граѓанин предвиден е по еден тест седмично, а со бројот на социјално осигурување со тестовите за домашна употреба, ќе се снабдуваат од аптеките. (МИА)

Несоодветен третман на „Евзони“ кон македонските камионџии: Ќе реагираат ли МНР и Филипче? (ФОТО)

Ивана Ефремовски — Wed, 24 Mar 2021 12:39:38 +0000

На социјалните мрежи кружат фотографии од македонските камионџии кои се тестираат на „Евзони“ и се жалат на лош третман од страна на тамошните медицински тимови кои им прават тестови. -Здраво, сакам да ви испратам слика за да види јавноста како се тестираат колегите на Евзони. Утрово во 8:30 часот по извршен ПЦР тест, цел ден ми течеше крв од носот и имав чувство на крв во устата. Ова мислам дека ги помина сите граници на нормала, но не бев само јас, имаше и 10 други колеги кои се пожалија на истиот проблем, мислам дека е редно време некој да превземе одговорност, под итно да се превземат мерки за разговор со “јужниот сосед” за укинување на ПЦР тестовите. По оваа случка јас повеќе не сакам да возам камион кон “јужниот сосед”, јас сум исто така нов возач и 4 месеци сум зад волан и здравјето ми е пред сѐ! стои во Фејсбук статусот на македонски камионџија. Дали макадонското МНР во координација со министерството за здравство ќе реагира со цел заштита на македонските граѓани и нивното здравје? За излез од земјава кон соседна Грција на излезот Евзони здравствени екипи таму прават брзи тестови на возачите за да се утврди дали се позитивни на Ковид 19. На 1 март Грчките власти воведија нови мерки за заштита од корона вирусот камионџиите кои што ќе влегуваат во соседна Грција на граничните премини им се прават брзи ПЦР тестови оние кои се позитивни се враќаат назад.

Швајцарска фармацевтска компанија ќе произведува тестови за откривање нови мутации на коронавирусот

Тале Кристо — Tue, 16 Mar 2021 09:57:37 +0000

Швајцарската фармацевтска компанија „Рош“ соопшти денеска дека работи на нов дијагностички тест, чија цел е откривање нови мутации на коронавирусот во лабораториски услови. Новиот тест, кој ќе се користи во лабораториски истражувања, би требало на научниците да им го олесни следењето на мутациите на вирусот, нивната распространетост и потенцијалното влијание врз дијагнозата на инфекции, вакцини и третмани, се наведува во соопштението на швајцарската компанија. Наречен Cobas®SARS-CoV-2 Variant Set 1, тестот овозможува откривање и диференцијација на различни мутации забележани како британска, јужноафриканска и бразилска варијанта. – Континуираното надгледување и следење на новите мутации на коронавирусот е клучно за јавното здравје, изјави Томас Шинекер, директор на одделот за дијагностицирање на „Рош“. Следењето на новите мутации ќе им помогне на здравствените системи да одлучат какви мерки ќе преземат во борба против Ковид-19, соопшти „Рош“.

Со лажни тестови за коронавирус сакале да поминат македонска граница

Ивана Ефремовски — Thu, 11 Feb 2021 14:01:22 +0000

Над 30 ПЦР тестови за кои постои основано сомнение дека не се валидни односно не се извадени од соодветна клиника, денеска се откриени на граничниот премин Деве Баир, од страна на полициските службеници. iportal дознава дека тестовите ги употребувале патници кои патувале со автобус на туристича агенција Беса од Скопје. За овие тестови претходно имало добиено сознанија по што се одземени и ќе следуваат кривични пријави. Неколку патници албански државјани се лишени од слобода и спроведени до судот, а за останатите ќе се прават дополнителни проверки.

Австрија со рекордни 200.000 тестирања дневно

Ивона Петрова — Thu, 11 Feb 2021 07:14:15 +0000

Бројот на дневни тестирања на коронавирус во Австрија достигна рекордно ниво од 200.000. На почетокот од пандемијата државата тестирање дневно под 10.000 граѓани. Австриската власта од понеделник ги олабави епидемиолошките мерки и им дозволи на фризерите, масерите и салоните за убавина повторно да ги отворат вратите, но предуслов корисниците да ги користат нивните услуги е да имаат негативен тест кој не е постар од 48 часа. Желбата за користење на овие услуги доведе до неверојатен раст на бројот на направени тестови. -Оваа бројка е единствена во Европа, истакнува министерот за здравство Рудолф Аншобер. Согласно владината одлука за попуштање на мерките се воведѕва два пати неделно тестирање на основните во училиштата, а за постарите ученици еднаш неделно. Сите вработени кои имаат директен контакт со клиентите мора еднаш неделно да се тестираат. Од почеток на пандемијата во Австрија се извршени 11 милиони тестирања на коронавирус, а само во изминатите пет дена, според Министерството за здравство, направени се 1.096.621 тест на Ковид-19.