тетекс – Kurir.mk

Почина Глигорие Гоговски

Super Admin — Sun, 05 Jun 2022 18:12:02 +0000

Гоговски беше долгогодишен генерален директор на волнарскиот комбинат „Tетекс“ oд Тетово и претседател на Надзорниот одбор на ТТК Банка АД Скопје. Роден е во Тетово, во 1943 година. Во 1968 година дипломирал на Електро-машинскиот факултет во Скопје, а магистрирал на Универзитетот во Загреб. Во периодот од 1986 до 1991 година ја извршувал функцијата претседател на последниот Извршен совет на С.Р. Македонија. Во улога на премиер на преодната влада, тој ги подготвил првите слободни и повеќепартиски избори. Менаџерскиот капацитет, посветеноста, професионалноста, одговорноста и капацитетот за носењето на вистинските деловни одлуки на Гоговски беа од суштинско значење за успешното управување и предводење на „Тетекс“, којшто, 70 години до денес, успеа да чекори по патот на успехот. Визионерството во водењето на тековната и развојната економска стратегија на комбинатот „Тетекс“ беше основниот двигател во сите процеси од основањето, најнапред, на Тетекс Банка АД Скопје, подоцна Тетекс – Кредитна банка АД Скопје, а потоа и ТТК Банка АД Скопје, а почнувајќи од амбицијата децениското егзистирање, традицијата и искуството да се обликуваат во нов, модерен начин на банкарство којшто ќе креира вредност и поддршка за граѓаните и домашните мали и средни бизниси. Како претседател на Надзорниот одбор на ТТК Банка АД Скопје беше активен учесник во креирањето на стратешките цели на денешната ТТК Банка АД Скопје којашто низ годините се покажа како стабилен, профитабилен и сигурен банкарски играч. Ценетата лична и професионална експертиза на Гоговски ќе продолжи да опстојува како успешен пример за стопанската, финансиската и општествената фела.

Грне стартуваше одлично, висока победа на Вардар

Ристе Здравков — Sat, 16 Apr 2022 16:20:03 +0000

Фудбалерите на Вардар им се вратија на победите, откако попладнево славеа на домашен терен против ФК Тетекс со убедливи 4:0 (2:0). Отпорот на гостинот беше скршен во финишот на првиот дел. Најпрвин Ненад Мишковски погоди за 1:0 во 44.минута, а потоа и младиот Ерен Парталко погоди во судиското надополнување за 2:0. Во вториот дел, Вардар заигра исто така добар фудбал, па со два гола на Филип Петковски запиша убедлива победа од 4:0. Ова воедно беше и одлично деби на Бобан Грнчаров на клупата на Вардар, со чиста мрежа и со убедлива победа. Кикс направи и Воска, па Вардар остана во игра сеуште. Во следното коло Вардар е одново домаќин, овој пат на екипата на Беса.

ФОТО: Го затворија Тетекс на 10 февруари 2020 година

Дарко Андоновски — Wed, 04 Mar 2020 22:08:25 +0000

Оваа слика е од продавница на Тетекс. Од 10 февруари 2020 година, нема производство во најпознатиот волнарски комбинат АД „Тодор Циповски-Мерџан“ во Тетово, познат како „Тетекс“. По последната работна единица од поранешниот гигант, фабриката „Конфекција“ го прекина работењето, објавува Вечер.мк Последните 140 работници во Конфекција ќе бидат регистрирани во Агенцијата за вработување како невработени. Според Љупчо Радовски, од синдикалната организација, сите 140 работници кои досега работеа во конфекција ќе бидат обешетени на некој начин. Пред пред една година престана да работи погонот Трикотажа, а минатиот месец и Ткајачница. Единствено работи Предилницата за производство на волница, но таа е дадена на странска фирма. Волнарскиот комбинат „Тодор Циповски-Мерџан“ започна со производството на 25 мај 1951. Во годините и децениите што следеа, „Тетекс“ израсна во вистиски текстилен гигант на југословенските простори. Во 1991 година започна неговата трансформација од општествено претпријатие во акционерско друштво. Во 1987-1988 година, комбинатот имаше 8.800 вработени во неколку производствени погони и во голема трговска мрежа. Во последниве две децени, од година во година, поради потешкотии во работењето постојано се намалуваше бројот на вработените и еден по еден се затвораа производствените погони.

Славески: Видовме што се случи со Тетекс, вештачкото зголемување на минималната плата ќе остави илјадници луѓе без работа!

Ивана Ефремовски — Wed, 04 Mar 2020 19:53:27 +0000

Говорејќи за вештачкото зголемување на минималната плата, во емисијата Топ Тема, професорот Трајко Славески истакна дека ваквите мерки на владата на СДСМ ќе остават илјадници граѓани без работа. Како за пример, тој го зема некогашниоте текстителн гигант Тетекс кој прогласи стечај пред неколку недели. -Просечната плата во текстилната индустрија каде што работат неколку десетици илјади вработени изнесува 15 илјади и 400 денари. И сега внимавајте, каков апсурд е минималната плата на ниво на цела економија вклучително и текстилната индустрија, ќе ги натерате да ја покачат на 16.000. Како може минималната плата да биде помала од просечната плата? На тие апсурди ние укажуваме. Тоа е оној проблем кој се создава, се затвараат погони. Видовме што се случи со текстилниот дел од Тетекс, фабрики низ источна Македонија, оние кои работат во дејности кои создаваат мала додадена вредност. Притисокот за платите надвор од она што е продуктивноста, може да остави без работа и ќе остави без работа голем број вработени, вели Славески.

Катастрофа со СДСМ: Се повеќе фабрики ставаат клуч на врата- по 69 години „Тетекс“ престанува со работа

Дарко Андоновски — Mon, 10 Feb 2020 16:35:09 +0000

Волнарскиот комбинат АД „Тодор Циповски-Мерџан“, односно „Тетекс“, по речиси 69 години престанува со работа. Денеска се затвори и погонот Конфекција, кој беше последен што работеше. Пред пред една година престана да работи погонот Трикотажа, а минатиот месец и Ткајачница. Единствено работи Предилницата за производство на волница, но таа е дадена на странска фирма, пренесува СДК.мк По седумдецениското работење на овој некогашен текстилен гигант, затворањето било неминовно, велат од „Тетекс“. „Конфекцијата е последниот производствен погон кој работеше во составот на АД ‘Тетекс‘. Во овој дел не можеме рентабилно да работиме. Иако во изминативе три-четири години во Конфекцијата работиме само за извоз, работите не одеа добро. Странските фирми воопшто не ги интересираа нашите проблеми. Тие ни даваат нивни цени и ни велат ако сакаме да работиме по овие цени, во ред, ако не, ќе бараат други фирми со кои ќе работат. Во поранешна Југославија, па речиси и во сите европски земји, веќе не работи ниедна текстилна фабрика чие примарно производство било од волна и текстил, како што беше во ‘Тетекс‘, значи производство од предиво, ткаенини, па до готови конфекциски производи. Нас текстилците едноставно нѐ поклопи Далечниот Исток со многу ниски цени на текстилот и не можевме да го издржиме тоа“, изјави генералниот директор на АД „Тетекс“ Глигорие Гоговски. Од синдикалната организација на АД „Тетекс“ велат дека и покрај тоа што комбинатот се затвора, запазени се работничките права согласно колективниот договор. „Оние работници кои имаат над 25 години стаж добиваат отпремнина од седум лични доходи, а другите соодветно на работниот стаж. Работниците кои се пред пензија ќе бидат 18 месеци под Заводот за вработување, а другите ќе бидат до една година, така што ниеден работник нема да остане необесштетен“, вели Љупчо Радовски, претседател на синдикалната организација. Од синдикатот на „Тетекс“ исто така посочуваат дека е направена програма за преструктурирање, со што при евентуалното одново стартување на производството, предимство во вработувањето ќе имаат овие работници кои сега се отпуштени. Во фабриката остануваат само вработени во магацинскиот и енергетскиот дел и во обезбедувањето. Еден дел од погоните, магацините и други простории кои се во сопственост на „Тетекс“ се дадени под закуп на други фирми. Волнарскиот комбинат „Тодор Циповски-Мерџан“ започна со производството на 25 мај 1951. Во годините и децениите што следеа, „Тетекс“ израсна во вистиски текстилен гигант на југословенските простори. Во 1991 година започна неговата трансформација од општествено претпријатие во акционерско друштво. Во 1987-1988 година, комбинатот имаше 8.800 вработени во неколку производствени погони и во голема трговска мрежа. Во последниве две децени, од година во година, поради потешкотии во работењето постојано се намалуваше бројот на вработените и еден по еден се затвораа производствените погони.