тетоважи – Kurir.mk

„Црниот вонземјанин“ очаен – не може да најде работа бидејќи го осудуваат

Ивона Петрова — Fri, 22 Jul 2022 06:47:39 +0000

Ентони Лофредо од Франција, кој радикално го преобрази своето тело, сакајќи да биде „црн вонземјанин“, сега се соочува со нови проблеми – тој не може да најде работа бидејќи луѓето го осудуваат… – Не можам да најдам работа, има многу негативност. Секој ден е борба, бидејќи постојано се среќавам со луѓе кои не ме разбираат и ме осудуваат. Тоа е животот – не секој разбира сè. И јас не разбирам многу работи поврзани со другите луѓе, рече тој во интернет емисијата „Клуб 113“.

View this post on Instagram

A post shared by BŁλ₡ƙ λŁłE₦ PƦØJE₡₸ EVØŁU₸łØ₦🚷 (@the_black_alien_project)

Заради својата цел, Французинот извадил дел од носот, како и горната усна, го пресекол јазикот, целото тело го има покриено со тетоважи и многу други потфати, со коишто привлече мноштво негативни коментари и на својот интернет-простор… Нарекувајќи го своето патување – „Проект Црн вонземјанин“. Сите хируршки зафати ги правел во Шпанија, бидејќи, во неговата родна Франција, тие се нелегални. – Не може за никого да судите. Не знаете што има во нечија глава и зошто некој го прави тоа што го прави. Клучот е во разговорот!, додаде тој. Тој притоа истакна дека се смета за нормална личност и сака луѓето да го разберат тоа.

Зависник од тетоважи открива: Кои делови од телото се најболни за тетовирање?

Ивана Ефремовски — Wed, 20 Apr 2022 14:24:52 +0000

Сорен Лоренсон, познат зависник од тетоважи, откри кои делови од телото најмногу болат за време на тетовирањето. Познатиот „Неонскиот демон“ се вљубил во мастилото откако ја направил својата прва тетоважа – дрво околу папокот, пред десет години, набргу откако наполнил 18 години. Сега тој има повеќе од 200 тетоважи на телото и лицето, па дури и белките му се вештачки поцрнети. Можеби изненадувачки, вели дека тетовирањето на очното јаболко било безболно, но не било така со стомакот, ребрата и вилицата. И, тоа некогаш може да биде „права агонија“, вели тој. -Сите делови каде што има коски се „малку повознемирувачки“ поради вибрациите и преголемата чувствителност, во споредба со другите области, појаснува момчето. Сорен го сака својот изглед, но неговото религиозно семејство не ги поддржува целосно неговите животни избори. Бидејќи се школувал дома за време на неговото детство, ретко комуницирал со луѓе надвор од неговата црква и семејство. Но, кога наполнил 17 години, вели, паднал во лошо друштво и почнал да пие многу и да пуши „две кутии цигари“ на ден – како младешка побуна против строгите родители. Но, денес, 28-годишникот промовира здрава исхрана и фитнес, и верува дека настојувањето да се остане здрав, заедно со неговата страст за тетоважи – „позитивно влијае на неговото ментално здравје“. (МИА)

Мајка на бебенце на удар на јавноста поради големиот број на тетоважи: Ми говорат дека сум лош пример за детето (ФОТО)

Тале Кристо — Thu, 01 Apr 2021 13:27:23 +0000

Беки Холт (33) од Велика Британија своето тело го покрила со тетоважи и поради тоа привлекува големо внимание во јавноста. Дури 95 посто од нејзиното тело е покриено со тетоважи, за кои што до сега потрошила повеќе од 35 илијади евра. На социјалната мрежа на Инстаграм има околу 50 илјади следбеници, иако претходно таквата популарност и годеше, откако стана мајка тешко се носи со тоа. Имено, таа секојдневно се соочива со погрдни коментари и пораки поради својот изглед. Како што вели, жени сметаат дека откако ќе се стане мајка треба да се промени стилот на облекување, односно да станат „посериозни“ и да не го „украсуваат телото на начин на кој што ќе привлекуваат внимание“. -Ми говорат дека сум го уништила своето тело, дека порано бев поубава, дека сум дебела, глупава, ментално болна и желна за внимание, а она што најлошо ми велат дека сум лоша мајка и лош пример за детето, раскажала Беки за „The Sun“. Како што открива, во коментарите кои што ги добива, велат дека личи на актерка од филммови за возрасни, но и дека ќе зажалела што се тетовирала. Во продолжение можете да погледнете фотографии од тетовираната мајка која се најде на удар на јавноста поради својот изглед:

Не тетовирајте било што: Еве каква тетоважа ви одговара според вашиот хороскопски знак

Ивана Ефремовски — Mon, 11 Jan 2021 11:35:07 +0000

Тетоважите се популарни и за неколку години речиси секоја личност што ќе ја сретнете ќе има барем една мала скриена тетоважа на своето тело. Тетоважите можат да кажат многу за вашиот карактер и за вашиот животен стил, па дознајте која тетоважа најмногу одговара на вашиот хороскопски знак. Овен Овните се силни и живи личности. Тие се вистински водачи кои се подготвени да одат до крајот на светот за да ја постигнат својата цел и можат да ја издржат и најлудата забава. На овие личности им одговараат комплексни гравирани црни тетоважи. Бик Бикот е создаден за да донесе радост и позитивно расположение на овој свет. На овие личности им одговара нешто слатко, како лице на маче или лик од омилениот цртан филм. Со текот на годините, можеби ќе направите редизајн на тетоважата во нешто посериозно (или не). Близнаци Близнаците се секогаш забавни и многу е интересно да разговарате со нив. За нив се соодветни светите симболи, па тоа може да биде хороскопскиот знак или некој хиероглиф. Рак Раковите имаат ментална организација, а понекогаш дури изгледаат како да лебдат некаде во облаците. На личностите родени во овој хороскопски знак дефинитивно им треба некој цитат. Но, да не е премногу патетичен. Лав Лавовите се секогаш во центарот на вниманието, па за нив најдобрата тетоважа е светла разнобојна слика на видно место. Девица Личностите родени во овој хороскопски знак се интелигентни и разумни луѓе и тие се во склад со себеси и со природата. Ќе имате среќа ако направите тетоважа во форма на растение – дрво или цвет. Вага Вагата е духовита, инвентивна и секогаш има план Б. Минијатурната тетоважа (иницијали за чест на болното его или само мал цртеж) е идеална за нив дури и ако е на незабележително место. Шкорпија Шкорпиите се сложени и мистериозни луѓе кои, во страст, брзо може да се одлучат за тетоважа со името на саканата личност (иако се познаваат само неколку недели). Најсоодветната тетоважа за овие личности е тетоважа на ерогените зони (на вратот или на долниот дел на грбот), но без имиња. Стрелец Стрелецот е движење, оган и страст. Дали сте подготвени за голема тетоважа која ја истакнува вашата сексуалност? Ако сè уште не сте сигурни, тогаш размислете за модерен бел дизајн. Јарец Јарецот е најтврдоглавиот знак и бескорисно е да се советува, но барем размислете за елегантна винтиџ тетоважа. Водолија Никој не ги разбира претставниците на овој знак, па за нив е погодна акварел тетоважа. Звучи одлично, но како ќе изгледа? Риби Рибите се најромантичниот знак, но не е препорачливо да тетовирате срце прободено со стрела. Наместо тоа, направете некоја необична шема што ќе ја покажете кога ќе имате можност да разговарате со некоја личност.

Фановите на Ана Николиќ јавно апелираат: Нека и помогне некој и нека и доделат старателство, пејачката веќе нема контрола над себе (ВИДЕО)

Дарко Андоновски — Thu, 19 Nov 2020 09:12:58 +0000

Српската пејачка Ана Николиќ на социјалните мрежи неодамна се пофали со двете нови тетоважи, по што наиде на лавина коментари и критика од фановите. Имено пејачката откако објави видео на кое се гледаат нејзините две нови тетоважи, не ни помислуваше дека ќе наиде на вакви коментари. Дел од нив беа и дека тоа е страшно што го направила пејачката. -Страшно... Некој нека и помогне, пријателите, семејството, некој... -Жално! Некогаш беше убава, гревота! -Некој нека и помогне на Ана. Уништува се. Под итно да и се даде старател, се само дел од коментарите на социјалните мрежи откако го објави ова видео.

View this post on Instagram

A post shared by Ana Nikolić (@ananikolicofficial)

Потрошила 120.000 долари на тетоважи и операции, за да биде среќна (ФОТО)

Магдалена Андонова — Wed, 28 Oct 2020 12:17:46 +0000

Амбер Лук, синокоса љубителка на модификации на телото, потрошила 120.000 американски долари на тетоважи, пирсинг и пластични операции. Од сѐ тоа, „белата синоока девојка на змејот“, како што самата се нарекува, издвоила вкупно 50.000 долари за речиси 600 тетоважи. Меѓу другото, таа си вбризгала и сино мастило во очите, поради што била слепа три недели. Инстаграм-ѕвездата неодамна објави слика од себе кога штотуку станала полнолетна, пред 10-на години… Била русокоса и со ниту една тетоважа. Фотографијата собра илјадници допаѓања, но таа тогаш, како обична девојка, не била воопшто задоволна со својот изглед. – Бев манијакално депресивна, со самоубиствени нагони. Со еден збор – жив мртовец. Се мразев себеси поголем дел од времето, а таа омраза беше длабока и ме измачуваше. Сега, кога целосно се трансформирав во некој со когошто сум горда, јас сум силна жена која знае која е и што сака!, рече таа во една прилика. Девојката потрошила и 70.000 долари за сечење на јазикот, зголемување на градите, ботокс во образите и усните, вметнување надградби во ушите и тн. „бразилско подигнување“ на задникот. Не жали за промените што ги направила последниве десет години. – Не се плашам како ќе изгледам кога ќе остарам. И онака јасно ми е дека никој не изгледа којзнае колку добро на 70 години, вели Амбер. (МИА)

Луѓето кои имаат тетоважи ги одликуваат овие две карактеристики, а еве кој е мотивот за тетовирање

Ристе Здравков — Tue, 15 Sep 2020 18:51:59 +0000

Луѓето чие тело го красат тетоважи, често реагираат импулсивно и брзо донесуваат одлуки - според најновите истражувања. Економисти од универзитетот Мекмастер во Канада, спровеле анализа во соработка со повеќе од 1.000 испитаници. Било испитано 781 лице без тетоважи и 255 со тетоважи. Претходни истражувања покажале дека 38 отсто од луѓето на возраст помеѓу 18 и 29 години имаат најмалку една тетоважа. За да откријат дали мисловните процеси на луѓето варираат во однос на тоа дали имаат тетоважи, истражувачите ги замолиле учесниците да играат една игра, која обично ја користат за да ја проценат способноста на долгорочното планирање. Повеќето тетовирани испитаници веднаш ја избрале помалата сума за кратки стази, без можност за зголемување на приходот, додека оние без тетоважи воглавно планирале долгорочни решенија, со можност за пораст на приходот. Психологот Нузел Над, од Јужноафрикански универзитет, исто така спровела посебно истражување за тоа зошто некои луѓе сакаат тетоважи. Открила дека основната мотивација за тетовирање, кај 25 отсто од нив, била од лична природа и дека за нив тетоважата има одредена интимна порака. 12 отсто од тетовираните луѓе тоа го направиле од 'уметнички причини', а приближно исто толку проценти од културни и од верски причини.

Потрошила 16.000 евра за тетоважи: Погледнете како изгледа, негативните коментари се почести (ФОТО)

Ивана Ефремовски — Tue, 01 Sep 2020 14:25:06 +0000

Надалина Андерсон од Шкотска има само 20 години, а скоро 90% од нејзиното тело е веќе покриено со тетоважи. Нејзината намера целосно да се покрие била спречена со бременоста, но само за кратко бебето да порасне малку и повторно да се „фрли“ во тетовирање. За ова уметничко дело дала повеќе од 16.000 евра, а причината за нејзиниот потег е – нејзиниот татко. Таа во една прилика за локалните медиуми изјавила дека е татино девојче и отсекогаш била фасцинирана од неговите тетоважи. Да биде како него, таа решила да се исцрта. На нејзините фотографии има голем број на позитивни коментари, но сепак, преовладуваат оние негативните-дека не личи на девојка и дека си ја уништила природната убавина.

Свештеник набилдан и истетовиран: Интернет сензација

Магдалена Андонова — Mon, 17 Aug 2020 20:00:18 +0000

Откако започнал да прима спам пораки со сексуална конотација, тој блокирал да коментираат. Ако мислевте дека повикот да се биде свештеник значи само да го сакате Бог и да одржувате миса во цркви, можеби не сте во право. Покрај тоа што го шири зборот Божји, еден тетовиран свештеник познат како Оскар стана интернет сензација откако ги сподели со своите фанови на Инстаграм вежбите што ги практикува. Тој ги „хранeше“ своите следбеници секој ден со своите вежби, но откако добија несакана сексуална конотација, блокираше коментари и често знае да го декативира неговиот профил. И покрај ова, секоја публикација сè уште собира над 50.000 лајкови. Оскар потенцира дека религијата сè уште е неговиот главен фокус во животот, но дека тој сака да промовира и здрав начин на живот.

Никогаш нема да ја заборават пандемијата: Овие тетоважи секогаш ќе ги потсетуваат на тешката 2020-та година (ФОТО)

Ивана Ефремовски — Fri, 14 Aug 2020 08:44:56 +0000

Пандемијата влијаеше на многу животи, па некои овој тежок период го овековечија со тетоважи. Ви пренесуваме некои од интересните тетоважи што луѓето ги правеле за да ја пресликаат пандемијата на коронавирус. Можеби ќе ве инспирираат или нема да ви се допаднат, но сепак мора да признаете дека се уникатни. На своите тела ќе ги гледаат спомените од тешката 2020-та година, па пандемијата нема никогаш да можат да ја заборават.