тетовци – Kurir.mk

Тетовци за Турција и Сирија собраа над 46 илјади евра донации

Тале Кристо — Wed, 22 Feb 2023 19:26:57 +0000

За две недели по повикот на Општина Тетово на наменската сметка за донации да се уплаќаат средства за помош на подрачјата погодено од земјотрес во Турција и Сирија се собрани 2.890.318,00 денари. (46 илјади евра). Ваква можност имаше од 9 до 21 февруари. -Акцијата за донација (уплата) на финансиски средства од страна на Општина Тетово за погодените од земјотресот во Турција и Сирија е завршена. Во периодот од 09.02.2023 до 21.02.2023 година собрани се 2.890.318,00 денари. Транспарентноста и отчетноста се наш приоритет. Му благодариме на секој граѓанин за секој дониран денар. Се надеваме дека вакви земјотреси никогаш повеќе нема да се случат во ниту една земја, порача градоначалникот Биљал Касами преку социјалните медиуми. Општина Тетово преку одлуката на Советот одвои еден милион денари помош за подрачјата погодени од земјотрес во Турција и Сирија. Неколку дена на градскиот плоштад се собираа облека, конзервирана храна, шатори, ќебиња и други производи кои потоа со два камиони беа транспортирани до двете земји.

Уапсени тројца млади тетовци во Охрид, полицијата кај нив пронашла дрога

Магдалена Андонова — Mon, 10 Jan 2022 10:08:07 +0000

На 09.01.2022 во СВР Охрид, приведени се Х.Ќ.(26), Љ.А.(23), М.П.(23) и С.У.(23), сите од тетовското село Пирок. При контрола на возило „ауди“ во кое се превезувале, извршена на булеварот „Македонски просветители“ во Охрид, пронајдена е кеса со кокаин и марихуана. По целосно документирање на случајот, СВР Охрид ќе поднесе соодветна пријава.

Тетовци доаѓаат од странство се заразуваат и си одат од земјава – и вчера осум лица ја напуштиле Македонија иако имале корона и решение за изолација

Дарко Андоновски — Sat, 14 Aug 2021 10:17:12 +0000

СВР Тетово ќе поднесе кривични пријави против М.Ш., В.Е., Н.Е., Л.В., Ј.З., К.М. и Н.А сите од с.Челопек, и А.А. од с.Гургурница, поради постоење основано сомнение за сторено кривично дело „непостапување според здравствените прописи за време на епидемија“, казниво по член 206 од Кривичниот законик, бидејќи при извршена проверка од полициски службеници од СВР Тетово на 13.08.2021, пријавените не биле пронајдени на наведените адреси, односно заминале во странство и покрај тоа што од страна на Државниот санитарен и здравствен инспекторат им било издадено решение за изолација во домашни услови.

Тетовци направиле 12.526 сообраќајни прекршоци во 2020 година

Тале Кристо — Mon, 11 Jan 2021 11:57:42 +0000

Анализата на податоците на СВР Тетово, за 2020 година, покажува дека на тетовското подрачје се евидентирани 12.526 различни видови сообраќајни прекршоци. Од сообраќај биле исклучени 2.001 возач, од кои 1.326 кои управувале без возачка дозвола, 64 со несоодветна категорија, 37 со важечка забрана, 403 возачи-почетници и 171 кои управувале под дејство на алкохол. – Постапувајќи согласно Законот за безбедност на сообраќајот на патиштата и Законот за возила, а поради констатирани недостатоци, односно прекршоци од сообраќај, биле исклучени 830 возила. Најмногу од исклучените возила, вкупно 751, имале истечена регистрација над 30 дена, кај 61 била утврдена техничка неисправност, претежно на сопирачките, а кај 18 претовар, информира Марјан Јосифоски, портпарол на СВР Тетово. Откриените сообраќајни прекршоци во 2020 година се санкционирани со соодветни поднесоци. Покрај тоа, времено биле одземени 478 возачки и 582 сообраќајни дозволи, а организирани биле и 4 сообраќајни поуки.

Четворица тетовци обвинети за непочитување на полицискиот час

Тале Кристо — Thu, 30 Apr 2020 12:52:06 +0000

Основното јавно обвинителство Тетово обвини четири лица поради непочитување на полицискиот час. Обвинетите, соопштија од ОЈО Тетово, се движеле пеш или со возила низ градот, во време кога во сила била забраната за движење на населението на територијата на Република Северна Македонија. Со тоа дејствие, обвинетите го сториле кривичното дело – Непостапување според здравствени прописи за време на епидемија од член 206 став 1 од Кривичниот законик. За обвинетите, Основното јавно обвинителство Тетово со Предлогот за издавање казнен налог побара од судот да им изрече парични казни во износ од по 100 дневни глоби, стои во соопштението.

Казни за 12 тетовци за прекршување на полицискиот час за викендот

Дарко Андоновски — Mon, 13 Apr 2020 12:19:43 +0000

Основното јавно обвинителство Тетово до Основниот суд Тетово поднесе предлози за издавање казнени налози против 12 лица, обвинети за кривичното дело – Непостапување според здравствените прописи за време на епидемија предвидено и казниво според член 206 став 1 од Кривичниот законик. Како што се наведува во соопштението, тие за време на полицискиот час воведен поради спречување на ширењето на коронавирусот за време на викендот биле затекнати како се движат на различни локации во градот. Надлежните јавни обвинители му предложија на Судот на секој од обвинетите да му изрече парична казна во висина од по 100 дневни глоби.

Tројца Тетовци не го почитувале полицискот час, изречени казни во висина од 100 дневни глоби

Тале Кристо — Fri, 10 Apr 2020 09:34:56 +0000

Kaзнени налози против тројца тетовци, не го почитувале полицискот час Јавен обвинител од Основното јавно обвинителство Тетово поднесе предлог за издавање казнен налог против три лица за сторено кривично дело – Непостапување според здравствените прописи за време на епидемија. -Тројцата обвинети на 8 април биле затекнати надвор од нивните домови за време на полицискиот час, со што не ја почитувале Одлуката за забрана и посебен режим на движење на територијата на Република Македонија, соопштија од ОЈО Тетово. Обвинителството на Основниот суд Тетово му предложи на обвинетите да им изрече парични казни во висина од по 100 дневни глоби.

Се пресметале со секира, копач и метална цевка – Тепачка помеѓу тројца тетовци, едниот паднал во несвест

Дарко Андоновски — Fri, 06 Jul 2018 14:16:19 +0000

Секторот за внатрешни работи Тетово поднесе кривична пријава против И.М. (32), И.М. (20), двајцата од Тетово и Ц.Д. (50) од село Желино-тетовско поради постоење основи на сомнение за сторено кривично дело “насилство“. На 23.04.2018 година околу 12.30 часот во Тетово на улицата ,,Благоја Тоска” прво и второпријавениот, со тврди предмети удирале по возилото, управувано од третопријавениот, по што тој избегал кон касарната, а другите две лица го пристигнале. При тоа настанала тепачка помеѓу пријавените, во која биле употребени секира, копач и метална цевка, а третопријавениот, од нанесените удари, паднал во безсознание.