тетово-гостивар – Kurir.mk

Три лица се повредени во сообраќајката на автопатот Тетово-Гостивар

Ивана Ефремовски — Mon, 01 Aug 2022 20:33:35 +0000

Три лица се повредени во сообраќајна незгода, што се случи вечерва околу 20 часот и 45 минути на автопатот Тетово – Гостивар, поради што до 21 часот и 10 минути движењето на возилата на овој патен правец беше во прекин. Сообраќајката се случила кај клучката за село Камењане во Општина Боговиње. -Вечерва во 20 и 45 минути, во СВР – Тетово пријавена е сообраќајна несреќа која се случила на автопатот Гостивар – Тетово, во близина на клучката за тетовско Камењане, а во која учествувале две патнички моторни возила од кои едното со странски регистарски ознаки. Три лица, првично, се здобиле со повреди и пренесени се во тетовската Клиничка болница за укажување на лекарска помош, информираа од Министерството за внатрешни работи. По сообраќајката започна да се врши увид, а сообраќајот се одвива забавено. (МИА)

Судир на автопатот Тетово-Гостивар, има повредени

Магдалена Андонова — Sat, 22 Aug 2020 10:25:16 +0000

Четири лица се повредени во сообраќајната несреќа што се случила вчера околу 18 часот на автопатот Тетово-Гостивар, во близина на гостиварската патарина, пренесува „Гостивар прес“. Според информациите од полицијата, во судирот учествувале четири возила со гостиварска, тетовска, прилепска и странска регистрација. При сударот две женски лица и две машки се здобиле со телесни повреди. Двете жени од Охрид биле пренесени во болницата во Гостивар, додека повредените мажи кои биле тетовчани, биле пренесени во болницата во Тетово. Увид на местото извршила полициска екипа.

Автомобил излета од патот Тетово-Гостивар, едно лице повредено

Ивана Ефремовски — Tue, 21 Jul 2020 17:37:35 +0000

Триесет и едногодишник од крушевското село Нерово е полесно повреден при денешната сообраќајна незгода што се случи на автопатот Тетово-Гостивар.

Сообраќајката се случила околу 16 часот и 30 минути на автопатот кај клучката за излез кон Камењане.

-Во сообраќајката учествувале две патнички моторни возила. Мерцедес со германски регистерски ознаки што бил управуван од Н.У (55) од село Дебреше, Гостиварско и бе-ем-ве со крушевски регистрации што го возел Е.А (31) од селото Норово. Во незгодата БМВ-то излетало од коловозот, по што лесни повреди добил возачот кој бил сам во автомобилот. Возачот на мерцедесот кој, исто така, бил сам во возилото, не е повреден, информираше Марјан Јосифоски, портпарол на СВР Тетово.

По укажаната лекарска помош во тетовската клиничка болница, повредениот бил вратен на местото на незгодата. Увид се врши од службеници на СВР Тетово.