тетово- попова шапка – Kurir.mk

Поради магла намалена видливост на патот Тетово – Попова Шапка

Тале Кристо — Sat, 31 Dec 2022 12:01:42 +0000

Сообраќајот на државните патишта се одвива непречено, по претежно суви коловози. Намалена видливост поради магла од 30 до 40 метри има на патниот правец Тетово – Попова Шапка, информира Диспечерскиот центар на ЈП „Македонијапат“. На одредени патни правци кои поминуват низ клисури и усеци можна е појава на поситни одрони. ЈП „Македонијапат“ апелира на внимателно возење и прилагодување на брзината спрема условите на патот.

Забрана за сообраќај за камиони и автобуси на патот Тетово – Попова Шапка

Ивана Ефремовски — Sun, 06 Mar 2022 10:26:23 +0000

Поради обилни врнежи од снег од 10:10 часот денеска е воведена забрана за сообраќај на тешки товарни возила и автобуси на патниот правец Тетово – Попова Шапка, додека за останатите видови на возила задолжителна е употреба на зимска опрема. Од вчера попладнево воведена е забрана за сообраќај на товарни моторни возила и на превојот Пресека и на патните правци Гостивар – Стража и Крак Маврово – Дебар. Како што соопшти АМСМ, на останатите патни правци низ државата сообраќајот се одвива по влажни коловози. На повисоките места има кашест снег на коловозите по интервенција на дежурните екипи на Македонија пат во западните делови од државата врне снег, а во останатите делови врне дожд. Интензитетот на сообраќај на патните правци надвор од градските средини е умерен, а на граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Се затвора сообраќајот на патот Тетово – Попова Шапка во наредниот месец – исклучок ќе бидат овие денови и овој период од денот!

Магдалена Андонова — Sat, 29 May 2021 08:14:38 +0000

Сообраќајот на патот од Тетово кон Попова Шапка во наредните 30 денови ќе биде во прекин, освен во неделите и празнични денови. Како што информираат од Макдонија пат на регионалниот пат Р – 29275 крак Тетово – крак Попова Шапка и крак Шипковица – Бродец – Вешала пради изведување градежни работи (асфалтирање) во наредните 30 дена сообраќајот ќе биде во прекин од 08.30 до 16.30 часот секој ден , освен во недели и празнични денови.

Забраната за сообраќај за тешки товарни возила на патниот правец Тетово – Попова Шапка е укината

Магдалена Андонова — Tue, 16 Feb 2021 11:01:07 +0000

Забраната за сообраќај за тешки товарни возила на патниот правец Тетово – Попова Шапка е укината претпладнево во 11:30 часот, информираат од ЈП „Македонија пат“. Претходно, во 10:00 часот претпладнево беше укината забраната за сообраќај за тешки товарни возила на патниот правец крак Маврово-Дебар. Сообраќајот на државните патишта се одвива во зимски услови по наместа влажни коловози, а наместа има и остатоци од кашест снег на коловозот. Поради ниските утрински температури можна е појава на голомразица. Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. (МИА)

АМСМ СО ВАЖНО ИЗВЕСТУВАЊЕ: Воведена е забрана за сообраќај за тешки товарни возила на овие патни правци!

Магдалена Андонова — Mon, 15 Feb 2021 12:01:11 +0000

Поради остатоци од снег на коловозот воведена е забрана за сообраќај за тешки товарни возила на патните правец Тетово – Попова Шапка, крак Маврово – Дебар и од Дебар кон Струга, информираат од АМСМ. На патниот правец Тетово – Попова Шапка има забрана за сообраќај за тешки товарни возила и автобуси. На правецот крак Маврово – Дебар и од Дебар кон Струга има забрана за сообраќај на тешки товарни возила со приколка. Во спротивниот правец од Струга кон Дебар нема забрана за тешки товарни возила. Забрана има и за сите видови моторни возила и тоа на патниот правец Р2248 помеѓу селата Ранковце и Герман. – Сообраќајот на државните патишта се одвива во зимски услови по наместа влажни коловози, наместа со остатоци од кашест снег на коловозот по интервенција на дежурни екипи на ЈП Македонија Пат. Поради ниските температури наместа е можна појава на голомразица. Обврската за зимска опрема ќе трае до 15.03.2021 година, се наведува во соопштението. Од АМСМ додаваат дека патниот правец Р2332 Охрид – Ресен, преку националниот парк Галичица, затворен е за сообраќај за сите видови на возила од 15.11.2020 до 01.04.2021, како и дека поради изведување работи на пат на магистралниот пат А2 Струга – г. п. Ќафасан брзината е ограничена на 40 км/ч. Изменет сообраќаен режим поради градежни работи ќе има и на неколку патни прави, започнати се градежни работи на патниот правец А2 Кичево – Охрид, поточно на делницата помеѓу с. Климештани – с. Мешеишта, каде има изменет времен режим на сообраќајот. Овој изменет режим на сообраќај ќе трае до завршување на градежните работи, се вели во соопштението. Градежни работи се изведуваат и на патниот правец А2 Кичево – Охрид, на делницата Пресека – Песочан, кај с. Врбјани и има изменет времен режим на сообраќајот. На патниот правец Кичево-Македонски Брод сообраќајот ќе се одвива по една сообраќајна лента. Градежни активности има и на на државен пат Р1202 (Р409), делница Маврови Анови – Жировница, односно од Маврови Анови до с. Трница, за што се врши промена на режимот на сообраќај, потоа регионален пат Р1205, делница Крупиште – Пробиштип. Поради тоа се врши измена на режимот на сообраќај, од крстосница со регионален пат Р2230, до влез во Пробиштип. Односно сообраќајот се пренасочува од мостот на р.Киселица кај клучка за с. Злетово, преку с. Ратавица до Пробиштип и обратно, понатаму на патниот правец Неготино – Лакавица има забрана за движење на тешки товарни возила чија вкупна маса надминува 3,5 тона, Исто така за време на реконструкција и рехабилитација на државен пат А2, делница Крива Паланка – ГП Деве Баир во период од 11.05.2020 г. до 02.2022 г. со основниот проект за изведба се предвидува стругање и асфалтирање на постоечкиот коловоз како и проширување т.е изработка на трета лента на постоечкиот и на Државен пат А2 – потег од БС Виена Петрол/Куманово до с. Страцин, ќе се изврши промена на сообраќајот во времетраење од шест до девет месеци, градежни работи ќе се одвиваат и на автопат Кичево – Охрид, делница 4 и 5. На делница 5 Подмоље – Охрид км.5+861 до км.9+835 има измена на режим на сообраќај соодветно обележано со сообраќајни знаци. Измената ќе трае до завршување на работите поради кои е утврдена потребата од измената и експресниот пат А4 делница Штип – Радовиш. Од АМСМ апелираат на прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони, посебно за делниците Катланово – Велес, Маврово – Дебар – Струга, Виница – Берово и Кочани – Делчево.(МИА)

Забрана за камиони и автобуси и на патот Тетово-Попова Шапка

Дарко Андоновски — Wed, 09 Jan 2019 07:56:46 +0000

Од 08:45 часот се воведува забрана за движење на тешки товарни возила и автобуси, а за останатите возила задолжително употреба на зимска опрема (синџири) на патниот правец Тетово-Попова Шапка, соопштија АМСМ и ЈП Македонија пат. Поради снег на коловозот, на патниот правец Струга – граничен премин Ќафасан од 07:15 часот е воведена забрана за движење на тешки товарни возила. Од 04:10 часот, забрана за сообраќај на камиони има и на патниот правец крак Маврово – Дебар. Сообраќајот на државните патишта изутринава се одвива по наместа влажни коловози, со остатоци од кашест снег на коловозот. Снег врне на Попова Шапка, во Маврово, Дебар, Охрид, Струга, Кичево и на планинските премини Стража, Буково, Ѓавато, Плетвар, Пресека и Железнец. Поради ниските температури можна е појава на голомразица. Надлежните апелираат на внимателно возење и прилагодување на брзината кон условите на патот.

Магла на патот Тетово-Попова Шапка

Дарко Андоновски — Wed, 10 Jan 2018 11:44:32 +0000

Намалена видливост поради појава на магла до 20 метри има на патниот правец Тетово – Попова Шапка, соопшти ЈП „Македонија пат„. Сообраќајот на државните патишта се одвива по наместа влажни коловози. На одредени патни правци кои поминуваат низ клисури и усеци можна е појава на поситни одрони. ЈП „Македонија пат“ апелира на внимателно возење и прилагодување на брзината спрема условите на патот.