тетово-скопје – Kurir.mk

Усмртена мечка на автопатот Тетово – Скопје

Тале Кристо — Mon, 27 Mar 2023 10:34:10 +0000

Тетовската полиција информира дека 21-годишен возач со својот автомобил удрил и усмртил мечка и притоа е повреден. Во СВР Тетово настанот е пријавен 40-тина минути по полноќ, а се случил на автопатот Тетово - Скопје. -Пријавено е дека на автопатот Тетово-Скопје, во близина на Карпалак, патничко возило „фолксфаген поло“ со скопски регистарски ознаки, управувано од 21-годишниот В.И. од Седларци, општина Василево, удрило и усмртило мечка. Во несреќата возачот се здобил повреди и бил пренесен во тетовската Клиничка болница за укажување на лекарска помош, информира портпаролот на СВР Тетово, Марјан Јосифоски. На местото увид извршила екипа од Секторот за внатрешни работи Тетово.

Поради одбележување 21 година од загинувањето на армиските припадници кај Карпалак има пренасочување на сообраќајот на патен правец Тетово – Скопје

Магдалена Андонова — Mon, 08 Aug 2022 07:58:20 +0000

Од 09:00 часот има пренасочување на сообраќајот на патен правец Тетово – Скопје кај клучката Групчин, информираат од АМСМ. Пренасочувањето е поради одбележување на 21-годишнината од загинувањето на десетте прилепски резервисти кај Карпалак. (МИА)

Драма на автопатот Тетово-Скопје: 5 полицајци му се заканувале на скопјанец, извадиле и огнено оружје

Магдалена Андонова — Mon, 28 Mar 2022 16:04:30 +0000

Вчера во 1 часот во Полициската станица Ѓорче Петров, Е.А.(30) од село Буковиќ, скопско, пријавил дека на 26.03.2022 околу 19:45 часот, по претходно недоразбирање во сообраќајот на автопатот Тетово – Скопје, пет лица му се заканиле, а двајца од нив имале огнено оружје. По преземени мерки било утврдено дека станува збор за лицата Ф.Р.(44), А.А.(38), Д.Н.(41), Н.С.(28) и Д.Д.(48), сите од Гостивар и сите вработени во МВР. За настанот бил известен Одделот за внатрешна контрола криминалистички истраги и професионални стандарди и се преземаат мерки за расчистување на случајот.

Возило удри и усмрти мечка на автопатот Тетово-Скопје

Ивона Петрова — Wed, 06 Oct 2021 10:45:58 +0000

Четириесет и три годишен возач од Кичево со својот автомобил удрил во мечка ноќеска на автопатот Тетово-Скопје, а при инцидентот нема повредени луѓе. Поради ударот мечка е усмртена. -Ноќеска околу 2:20 часот, на автопатот Тетово-Скопје, во близина на месноста „Карпалак“, патничко моторно возило „шкода“ со скопски регистарски ознаки, управувано од 43-годишниот Ф.О. од Кичево, удрило и усмртило мечка. Нема повредени лица во возилото, соопшти денес портпаролот на СВР Тетово Марјан Јосифоски. Потоа на местото на несреќата увид извршила екипа од Секторот за внатрешни работи Тетово

Мицкоски во посета на семејство кое претрпе огромна загуба во изгорената модуларна болница: Мора да има одговори и одговорност!

Ивана Ефремовски — Thu, 16 Sep 2021 10:36:39 +0000

Лидерот на ВМРО-ДПМНЕ, Христијан Мицкоски, денес беше во Нераште, во домот на семејство кое, за жал, претрпе огромна загуба во изгорената модуларна болница. Денеска сум овде во тетовски, бев претходно заедно со пратеникот Александар Велјановски во Нераште да изразиме сочувство и да поразговараме луѓето кои што беа сведоци практично на оној немил настан кој што се случи овде во модуларната болница, оној пожарот кој што однесе 14 човечки животи, бевме во семејството на една од тие жртви, изјави за медиумите, лидерот на ВМРО-ДПМНЕ, Христијан Мицкоски. Тој истакна дека луѓето се уште го преживуваат тој хорор кој што се случи тој ден. - Разговарав со двајцата синови на мајката која што е жртва на тие настани. Дел од тоа што го преживеа, пренесоа и навистина можам да изразам големо жалење, затоа што тоа што го слушнав е навистина траорно и трагично и болно. Она кое што ние како ВМРО-ДПМНЕ можеме да го ветиме и да се обврземе и јас како човек е дека оваа работа, порано или подоцна ќе ја истуркаме до крај и виновниците мора за ова да сносат одговорност, без разлика дали таа е функционална или морална, вели Мицкоски. Лидерот на ВМРО-ДПМНЕ појасни дека во Македонија се случуваат пречесто пожари, пречесто се случуваат порази кои што сега чинат и човечки животи и дека ако не се понесе одговорност, ако нема веднаш оставки барем од тие кои што се надлежни и ресорни во овој случај, а тоа е министерот за здравство, ако нема независна истрага, ако нема истрага која што ќе даде одговор на многу прашања кои што јавно се поставени, а тоа е како може објектот да нема против пожарна заштита, како може да нема давачи кои што ќе го мерат количеството на кислород во една просторија, како може да нема дозвола за употреба, а објектот да биде во употреба, и уште многу прашања кои што тој ги постави, а за кои за жал се уште нема одговори. - Затоа, апелирам за малку совест, за малку морално ниво, тие кои што се најодговорни да понесат веднаш одговорност за да не ни се повтори ова, а потоа преку една независна и темелна истрага да ги констатираме вистинските виновници, кои што ќе понесат и институционална одговорност, додаде Мицкоски.

Работел по дозволеното време – затворен угостителски објект на автопатот Тетово-Скопје

Магдалена Андонова — Tue, 09 Mar 2021 09:06:01 +0000

Нa 08.03.2021 во 21.50 часот, полициски службеници од СВР Тетово во содејство со инспектори од Државен пазарен инспекторат извршиле контрола во угостителски објект на автопатот Тетово-Скопје, при што било констатирано непочитување на работното време, односно во објектот биле затекнати 13 лица – гости. Објектот бил затворен од Државниот пазарен инспекторат, а управителот на објектот В.Т.(30) од Тетово бил лишен од солбода и приведен во полициска станица. По целосно документирање на случајот ќе биде поднесена пријава по член 206 од Кривичниот законик – „непостапување според здравствените прописи за време на епидемија“.

Блокада на автопатот Тетово-Скопје од револтирани граѓани поради зголемената цена на струјата

Магдалена Андонова — Fri, 25 Sep 2020 19:41:43 +0000

Сообраќајот на автопатот од Тетово кон Скопје вечерва беше ненајавено блокиран 30-тина минути од страна на дваесетина автомобили со луѓе од дел од иницијативата „Доста е" кои веќе осум недели организираат јавни протести во тетовско поради незадоволство и револт од зголемување на цената на електричната енергија. Околу 19 часот групата со своите автобилите стигнаа до пред Желино каде го блокираа движењето на останатите возила на потегот од Тетово до Желино. Сообраќајот на тој начин беше блокиран околу 30-тина минути по што групата ги тргна возилата и замина. Ваков протест со блокада на автопатот имаше на 21 август. Минатата недела јавни протести беа организирани и во неколку рурални средини. Граѓаните бараат пониска цена на струјата за 46 отсто, укинување на регулаторната комисија, да се намали ДДВ од 18 на пет отсто и да се формира независен арбитрарен орган кој што ќе верификува квалитет на услуги и ги адресира поплаките на граѓаните од енергетските компании. /МИА

Срна усмртена на автопатот Тетово-Скопје, повредено едно лице

Дарко Андоновски — Mon, 21 Sep 2020 10:20:05 +0000

Срна била усмртена од возило додека се движела по автопатот Тетово-Скопје, а при судирот повредена е и сопатничка во автомобилот, информира денеска СВР Тетово. -Вчера во 17 часот и 30 минути, на автопатот Тетово-Скопје, во близина на исклучувањето за Групчин, патничко моторно возило „рено сеник“ со скопски регистарски ознаки, управувано од 34-годишниот З.С. од скопско Волково, удрило и усмртило срна која се движела по коловозот. При тоа, со телесни повреди се здобила сопатничката во возилото Д.З.(49), која била пренесена во тетовската клиничка болница за укажување на лекарска помош, информираат од СВР Тетово. По пријавата на случајот извршен е и увид од страна на екипа од Секторот за внатрешни работи Тетово.

Револтирани граѓани го блокираа автопатот Тетово – Скопје поради зголемената цена на струјата

Магдалена Андонова — Fri, 21 Aug 2020 16:43:53 +0000

Со блокада на автопатот Тетово – Скопје околу 30 минути помина денешниот трет протест на група граѓани од Тетово и околината во знак на револт поради зголемената цена на електричната енергија. Организацискиот одбор на социјалните мрежи за денеска во 16.30 часот го најави собирот пред Монополот во Тетово. Таму насобраните луѓе стоеја сè до 16.50, по што дел од нив како група почнаа да се движат, а некои заминаа со возила. Потоа беше блокиран автопатот пред т.н. Требошки натпаник, сè до 17.30 часот. Бидејќи блокадата на автопатот не беше најавена, полициски службеници побараа од организаторите да ја ослободат сообраќајницата за тековно движење. Протестот траше до 17.30 часот, до кога и сообраќајот на автопатот беше во прекин. Полицијата ги пренасочуваше возилата по регионалниот пат Тетово – Скопје. Од 17.45 учесниците се заминати од блокадата, а сообраќајот нормално се одвива. –Регулаторната комисија веднаш да ја стави вон сила одлуката за зголемување на цената и да ја намали цената за 46 отсто. Второ, Владата да го укине монополот на услугите за ЕВН и да стави крај на нечовечкото однесување кон потрошувачите, како и да го намали данокот на додадена вредност од 18 на 5 отсто. Собранието да ја укине Регулаторна комисија бидејќи служи само за апетитите на бизнис-групациите кои сериозно го оштетуваат семејниот буџет на сиромашните граѓани. Последно, четврто барање, е Собранието да формира независен арбитрарен орган кој ќе го верификува квалитетот на услуги и ќе адресира поплаките на граѓаните на ваквите корпоративни рекетарски компании, истакна претставниците на одборот за барањата. На 14 август во Тетово организацискиот одбор организираше граѓански марш од три локации до градскиот плоштад. Една недела пред тоа се протестираше на плоштадот. Ноќта на 14 август во Тетово беа запалени и две возила на ЕВН. (МИА)

Нормализиран сообраќајот на автопатот Тетово-Скопје

Дарко Андоновски — Mon, 06 May 2019 18:50:36 +0000

Нормализиран е сообраќајот на автопатот Тетово-Скопје, кај бензинската пумпа „Окта“. Како што информираат од Автомото сојузот на Македонија, сообраќајот е нормализиран во 18:37 часот, а поради сообраќајна несреќа беше во прекин од 15:15 часот.