Тетовска гимназија им забрани на ученичките да доаѓаат со гол стомак и градите надвор

Дарко Андоновски — Wed, 23 Feb 2022 09:41:40 +0000

„Девојчињата не треба да доаѓаат со гол стомак и со градите надвор“ – ова е пораката со која директорката на тетовската гимназија „Кирил Пејчиновиќ“, Илвије Зибери Јашари, реагирала на, според неа, премногу слободниот начин на кој се облекуваат девојките во училиштето, пишува порталот Фљака. Пораката ја пратила во комуникација со колегите во група на „Вибер“, а случајот го разоткри невладината организација Центар за еднакви можности „Бубамара“ од Тетово, која за пораката дознала „од неофицијални извори“. Во пораката што ја споделија од „Бубамара“, се наведува дека секој што ќе се спротивстави на кодексот на облекување, треба да се упати кај раководителката, за таа да ги повика родителите. Според „Бубамара“, трендот на зголемување на контролата врз облеката на учениците се смета за апсолутна контрола врз нивното тело и е дискриминаторска бидејќи се однесува само на девојчињата. Оттаму се загрижени дека телото на малолетните девојчиња продолжува да се сексуализира и објективизира во училиштата. Организацијата смета дека ваквите случаи се загрижувачки, со оглед на недостигот од сексуално образование, на што се спротивставуваат истите професори кои сметаат дека децата, односно учениците, треба да се држат во синџири со стари правила кои одамна не се во мода“, стои во реакцијата.

Директорот на тетовската гимназија контра СДСМ – проектот за доградба нема да стартува во септември

Матеја Петровски — Thu, 30 Aug 2018 06:42:32 +0000

Изградбата, односно доградбата на тетовската Гимназија „Кирил Пејчиновиќ” нема шанса да започне во септември- директорот на училиштето контра тврдењата на СДСМ, изнесени пред два дена, кога најавија дека ќе се стартува со проектот идниот месец. Проект вели, точно има, но остануваат уште процедури додека почне неговата реализација, објави Алфа телевизија. -Септември, не е можно септември. Ние на трети почнуваме со школската година, така што септември е голем прашалник. Најава немам никаква за почеток на градба. Процедурите знаете вие како течат, тендерска процедура, тие се дел за кои јас не сум информиран дека е дадено одобрение, изјави директорот на гимназијата. Реагираа и од ВМРО ДПМНЕ, од каде велат дека откако СДСМ се истрчаа со нивната понуда за решавање на проблемот со гимназијата, тонат од лага во лага, и нижат само празни ветувања, кои учениците македонци не ги заслужуваат. -Ние како одговорна политичка партија, не дозволуваме некој да манипулира со граѓаните, а особено со учениците и затоа бараме од надлежните институции, општина Тетово, МОН и Владата на Република Македонија веднаш да ја достават на увид на јавноста комплетната планска документација и градежната дозвола за предвидените градежни работи на гимназијата „Кирил Пејчиновиќ“, доколку постојат, велат од ВМРО-ДПМНЕ. Поради просторниот проблем, учениците Македонци, со години учат по разни објекти со несоодветни услови, а така ќе ја започнат и оваа учебна година. Нивната голгота наместо да се реши, се трупаат само безброј ветувања и лаги на властите.

тетовска гимназија – Kurir.mk

Тетовска гимназија им забрани на ученичките да доаѓаат со гол стомак и градите надвор

Директорот на тетовската гимназија контра СДСМ – проектот за доградба нема да стартува во септември