АТРАКЦИЈА ВО ЗАТВОРОТ ВО ТЕТОВО – затворениците летово ќе уживаат бањајќи се во монтажен базен (ФОТО)

Дарко Андоновски — Mon, 11 Jul 2022 12:20:33 +0000

Иако видни осуденици со скопска адреса ја сменија за да ги отслужуваат затворските казни во струшкиот затвор, преку промена на адресата во Охрид, изгледа дека ова лето најголема удобност и забава ќе има токму затворот во Тетово. Имено, деновиве таму е инсталиран монтажен базен за разладување на затворениците, како дел од програмата за ресоцијализацијакоја се спроведува во оваа казнено-поправна установа. Целта е да се подобри нивната психичка и физичка состојба, велат од затворот. Освен базенот од сезонски карактер, затворениците во тетовскиот затвор времето го поминуваат во реновирани затворски простории како спални со санитарни јазли, кујна, менза, но и светилиште, библиотека и берберница. Во затворот се реновирани и приемното и затвореното одделение, а целиот објект е дезинфициран. Осудените лица кои казните ги отслужуваат во тетовскиот затвор, во рамки на програмата за ресоцијализација ќе може и да спортуваат, односно да играат фудбал, кошарка, шах. Како дел од забавните активности предвидени се концерти и гледање филмови.

Во дворот на тетовскиот затвор пронајдена марихуана

Тале Кристо — Tue, 02 Feb 2021 12:12:16 +0000

Тетовските полициски инспектори започнаа истрага за најдена марихуана во дворот на тетовскиот затвор. Дрогата ја нашол еден од вработените, па пријавил во СВР Тетово. – Вчера околу 18:30 часот, вработен во Казнено-поправната установа „Затвор Тетово“ во СВР Тетово пријавил дека во кругот на установата било пронајдено најлонско ќесе со марихуана, информира портпаролот на СВР Тетово, Марјан Јосифоски. Ќесето е подигнато за вештачење и се преземаат мерки за целосно расчистување на случајот.

тетовски затвор – Kurir.mk

АТРАКЦИЈА ВО ЗАТВОРОТ ВО ТЕТОВО – затворениците летово ќе уживаат бањајќи се во монтажен базен (ФОТО)

Во дворот на тетовскиот затвор пронајдена марихуана