тфт тафталиџе – Kurir.mk

ТФТ и Куманово ги дознаа градовите домаќини за квалификациски турнири во ФИБА Еврокупот

Бошко Тасиќ — Tue, 24 Aug 2021 15:13:54 +0000

Македонските претставници во ФИБА Еурокупот, ТФТ Скопје и Куманово ги дознаа градовите домаќини во кои ќе ги стартуваат своите настапи во квалификациските турнири. Куманово ќе патува во Холандија, каде во Гронинген ќе се одигра турнирот од групата А. Во четвртфиналето македонскиот тим ќе се судри со Свонс Гмунден од Австрија а со евентуална победа ќе налета на домашниот тим на Донар. Турнирот од групата Ц ќе се игра во Русија, а во улога на домаќин ќе биде Енисеј во Краснојарск. Домаќините ќе се борат против израелската Хапоел Хаифа во првото полуфинале. Германскиот Меди Бајројт во второто полуфинале го чека победникот од четвртфиналната пресметка меѓу унгарските Натуртекс - СЗТЕ-Сегед и ТФТ од Скопје. Останатите два турнири ќе се играат во Софија и Парну. Сите турнири ќе се играат помеѓу 28 септември и 1 октомври.

КК Куманово и ТФТ Тафталиџе ги добија своите противници во ФИБА Еврокупот

Бошко Тасиќ — Thu, 19 Aug 2021 14:59:24 +0000

Македонските кошаркарски претставници во ФИБА Еврокупот,Куманово и ТФТ Скопје, го дознаа патот до главната фаза во ова натпреварување. Двете екипи квалификациите ќе ги отворат уште од првата фаза, што значи до пласман во ФИБА Еврокупот ќе треба да победат три екипи на турнирите кои ќе се одржат во периодот од 28 септември до 1 октомври. Куманово за прв противник го доби австрискиот тим Гмунден и во случај да слави на овој натпревар го чека меч со холандскиот Гронинген. Со евентуален пласман во финалето, Куманово ќе го чека меч со најтрофејниот португалски клуб Бенфика или актуелниот освојувач на Купот на Романија, Волунтари. ТФТ Скопје, пак, во четвртфиналето ќе се сретне со Натуртекс од Унгарија, а потоа, ако победи против германски Меди Бајројт, додека во последниот филтер против подобриот од Енисеј од Русија и Хапоел Хаифа од Израел.

ТФТ Тафталиџе и наредната сезона ќе биде дел од БИБЛ

Бошко Тасиќ — Wed, 02 Jun 2021 15:56:01 +0000

Македонскиот кошаркарски тим ТФТ и следната сезона ќе биде дел од регионалната БИБЛ-лига, соопштија од натпреварувањето. Екипата од Тафталиџе минатата сезона беше дебитант во ова натпреварување и во македонскиот шампионат, а во БИБЛ дојде до втората фаза. Нашата земја се очекува да има две места во новата сезона, а еден од тимовите ќе биде ТФТ. За останатото место постои интерес од повеќе екипи од нашата земја, па допрва ќе се одлучи кој ќе биде вториот претставник. foto: gol.mk

Работнички се пласираше во полуфиналето на Купот

Бошко Тасиќ — Fri, 14 May 2021 21:13:32 +0000

Кошаркарите на Работнички го победија ТФТ Скопје со 66:62 во четвртфиналето на Купот на Македонија, кој се игра во СРЦ Кале.

Иако момците од Тафталиџе одиграа храбро искуството беше пресудно, па Работнички е полуфиналист.

Виктор Ефремовски беше најпрецизен играч на средбата, постигна 17 поени и со еден повеќе беше пред соиграчот Питс. Амир Смит со 15 поени се истакна кај ТФТ, но тоа беше недоволно за подвиг.

Академија ФМП ќе разигрува за титулата

Бошко Тасиќ — Thu, 29 Apr 2021 17:38:37 +0000

Во заостанатиот натпревар од 20. коло, Академија ФМП стигна до 11. победа во сезоната откако славеше на гостински терен против ТФТ со 65-77. ‘ Во победничкиот тим Крстајиќ беше извонреден со 34 поени и 10 скока, а Харис заврши со 10 поени. Кај ТФТ се издвои Митревски со 18 поени и пет скока. Ова воедно беше и последен натпревар за Академија ФМП во регуларниот дел од сезоната, додека за ТФТ останува натпреварот против Гостивар кој директно ќе одлучува за петата позиција на табелата.

ТФТ повторно поразен од Берое во БИБЛ лигата

Бошко Тасиќ — Mon, 29 Mar 2021 17:56:19 +0000

Кошаркарите на скопски ТФТ тафталиџе претрпеа нов пораз во БИБЛ лигата, втор од Берое со што ги загубија шансите за пласман на завршниот турнир во ова натпреварување.

Дуелот против Хапоел Гилбоа Галил во последното 4. коло ќе биде од ревијален карактер. Скопскиот тим се бореше до последен момент, меѓутоа завршните 10 минути и резултатот 26-11 не беше доволен за остварување на позитивен резултат на ова гостување.

Бејли со 19 поени беше прв стрелец кај ТФТ, по 14 дадоа Митревски, Херис и Смит кој зад своето име запиша уште 11 скокови.

ТФТ Тафталиџе убедливо поразен во Израел

Бошко Тасиќ — Wed, 24 Mar 2021 17:55:11 +0000

Кошаркарскиот клуб ТФТ не успеа од втор обид да дојде до победа во втората рунда во балканското друштво сепак не успеа во тоа и беа поразени од израелскиот Хапоел Гилбоа во БИБЛ лигата. Македонскиот претставник го запиша вториот пораз, откако беше убедливо совладан со 94-68. Дуелот беше решен по првата четвртина, по која домаќинот имаше предност од 31-14, до крај само рутински го заврши мечот. Андерсон со 19 поени беше единствениот кошаркар во редовите на ТФТ со двоцифрен број на поени.

ТФТ Тафталиџе подобар од Работнички,ФМП Академија забележа победа против Кожув

Бошко Тасиќ — Wed, 17 Mar 2021 18:37:24 +0000

ТФТ Тафталиџе го доби скопското дерби со Работнички 77-73 и уште еднаш покажа дека има големи амбиции до крајот на сезоната во македонското кошаркарско првенство.

Вардар го победи вториот тим на МЗТ со 85:79, додека ФМП Академија успеа да оствари важна победа на гостувањето кај Кожув.

Андерсон и Смит со по 17 поени беа најдобри реализатори кај победникот, додека во редовите на Работнички Николовски реализирал 18 поени. Дикембе со 26 и Прауел с 23 поени доминираа на теренот во дресот на Вардар, а кај вториот тим на МЗТ, Монтгомери реализирал 17 поени. Крстајиќ со 28 и Херис со 17 поени беа најдобри реализатори кај ФМП, додека Станојевиќ постигнал 26 поени во редовите на Кожув.

Кожув го победи ТФТ Тафталиџе

Бошко Тасиќ — Sun, 07 Mar 2021 18:42:46 +0000

Кожув од Гевгелија го совлада ТФТ Тафталиџе со 90-76 и направи чекор напред во борбата за една од позициите кои водат во Суперлигата. Десет минути го чинеа ТФТ пораз, затоа што тимот прими 35 поени, наспроти 12 постигнати и на Кожув му дозволи да го сврти мечот во своја полза. Пајиќ мечот го заврши со 18 поени, пред Станојевиќ со 17 и Лок со 16 поени, додека кај ТФТ најмногу се истакна Хортон со 23 поени, пред Андерсон со 17 поени. ТФТ сега има скор од 8-4 и падна на шестото место, додека Кожув скокна на петтата позиција со биланс 7-7.

ТФТ Тафталиџе со пораз ја стартуваше втората фаза од БИБЛ

Бошко Тасиќ — Wed, 24 Feb 2021 20:33:30 +0000

Koшаркарскиот клуб ТФТ Скопје со пораз во започна вториот дел од БИБЛ лигата. Во „СРЦ Кале“ денес ТФТ доживеа пораз од бугарскиот Берое со 83:87. Кај гостите најефикасен беше Џејмс Гавин со 18 поени и 6 асистенции, Николај Стојанов и Станислав Ваклинов се истакнаа со по 14 поени. Кај ТФТ најефикасни беа Андерсон со 19, Херис со 18 и Хортон со 15 поени.